ಉಡುಪಿ ಜಿಲ್ಲಾ ಪೊಸ ಎಸ್ಪಿಯಾದ್ ಹಾಕೆ ಅಕ್ಷಯ್ ಮಚ್ಚೀಂದ್ರ ನೇಮಕ
ರಾಜ್ಯದ ಆಡಳಿತ ಯಂತ್ರೊಗ್ ಚುರುಕು ಮುಟ್ಟಾವರೆಗ್ ರಾಜ್ಯ ಸರ್ಕಾರ ಕುಡೊರ ಅಧಿಕಾರಿಲೆನ ವರ್ಗಾವಣೆ ಮಲ್ತೊಂದುಂಡ್. ಉಡುಪಿ ಜಿಲ್ಲಾ ವರಿಷ್ಠಾಧಿಕಾರಿಯಾದ್ ಚಿಕ್ಕಮಗಳೂರು ಜಿಲ್ಲಾ ಎಸ್ಪಿಯಾದಿತ್ತಿನ ಹಾಕೆ ಅಕ್ಷಯ್ ಮಚ್ಚೀಂದ್ರ ಮೆರೆನ್ ನೇಮಕ ಮಲ್ದುಂಡ್.
ಹಾಕೆ ಅಕ್ಷಯ್ ಮಚ್ಚೀಂದ್ರ
ಇಂಚಪ್ಪೊಗ್ ಚಿಕ್ಕಮಗಳೂರು ಜಿಲ್ಲಾ ಎಸ್ಪಿಯಾದ್ ಖಡಕ್ ಅಧಿಕಾರಿ, ಲೇಡಿ ಸಿಂಗಂ ಖ್ಯಾತಿದ ಉಮಾ ಪ್ರಶಾಂತ್ ಅರೆನ ನೇಮಕ ಆಯಿನೆಡ್ ಬೊಕ್ಕ ಅರೆಗಾದ್ ಅಕ್ಷಯ್ ಹಾಕೆ ಅರೆನ್ ಕರ್ತವ್ಯಡ್ದ್ ತೆರವು ಮಲ್ದಿತ್ತುಂಡ್. ಇತ್ತೆ ಅರೆನ್ ಉಡುಪಿ ಜಿಲ್ಲಾ ಎಸ್ಪಿಯಾದ್ ವರ್ಗಾವಣೆ ಮಲ್ದುಂಡ್.
ಅಂಚೆನೇ ಉಡುಪಿ ಜಿಲ್ಲಾ ಎಸ್ಪಿಯಾದಿತ್ತಿನ , ಬೇತೆ ಬೇತೆ ಕಠಿಣ ಪ್ರಕರಣೊಲೆನ್ ನಿಭಾಯಿಸಿದಿನ ದಕ್ಷ ಅಧಿಕಾರಿ ಎನ್.ವಿಷ್ಣುವರ್ಧನ್‌ ಅರೆನ್ ಬೆಂಗಳೂರು ಗುಪ್ತಚರ ಇಲಾಖೆದ ಎಸ್ಪಿಯಾದ್ ವರ್ಗಾವಣೆ ಮಲ್ದುಂಡ್.
ಅಂಚೆನೇ ಕೋನಾ ವಂಶಿ ಕೃಷ್ಣ ಅರೆಗುಲಾ ಕರ್ತವ್ಯಗ್ ಮರು ನೇಮಕ ಮಲ್ದಿತ್ತುದ್ ಹುದ್ದೆ ಉಪ್ಪಂದೆ ತೆರವಾದಿತ್ತಿನ ಅರೆನ್ ಕರ್ನಾಟಕ ರಿಸರ್ವ್ ಪೋಲಿಸ್ ನ 1st ಬೆಟಾಲಿಯನ್ ನ ಕಮಾಂಡೆಂಟ್ ಆದ್ ಆದೇಶ ಕೊರ್ತುಂಡ್.
ಪೊಸ ಎಸ್‌ಪಿ ಹಾಕೆ ಅಕ್ಷಯ್ ಮಚ್ಚಿಂದ್ರ, 2005ಟ್ ಐಪಿಎಸ್ ಸೇವೆಗ್ ಸೇರ್ದಿತ್ತುದ್ 2020ಡ್ ಅಕ್ಷಯ್ ಮಚ್ಚಿಂದ್ರ ಅರೆನ್ ಉಡುಪಿ ಎಸ್‌ಪಿ ಆದ್ ಸರಕಾರ ವರ್ಗಾವಣೆ ಮಲ್ದಿತ್ತುಂಡಲಾ , ಒಂಜೇ ದಿನೊಟ್ ಆದೇಶಡ್ ಬದಲಾವಣೆ ಮಲ್ತುದ್ ಎನ್. ವಿಷ್ಣುವರ್ಧನ್‌ ಅರೆನ್ ನೇಮಕ ಮಲ್ದಿತ್ತುಂಡ್. ಇತ್ತೆ ಕುಡೊರ ಉಡುಪಿ ಎಸ್ ಪಿ ಆದ್ ಅಕ್ಷಯ್ ಮಚ್ಚಿಂದ್ರ ಅಧಿಕಾರ ದೆತೊನರೆಗುಲ್ಲೆರ್.
by 