ಉಡುಪಿ ಜಿಲ್ಲಾ ಬಿಜೆಪಿ ಮಹಿಳಾ ಮೋರ್ಚಾದ ವತಿಡ್ದ್ ಪೊಂಜೊವುಲೆನ ದಿನ ಆಚರಣೆ

ಉಡುಪಿ ಜಿಲ್ಲೆದ ಬಿಜೆಪಿ ಮಹಿಳಾ ಮೋರ್ಚಾದ ವತಿಡ್ದ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ; ಮಹಿಳಾ ಆರೋಗ್ಯ ತಪಾಸಣಾ ಶಿಬಿರ, ಸಾಧಕಿಯೆರೆಗ್ ಮಾನಾದಿಗೆ ಮರ್ಚ್ 8 ತಾರೀಕುದಾನಿ ನಡತುಂಡ್.

ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆದ ಅಂಗವಾದ್ ಉಡುಪಿ ಜಿಲ್ಲಾ ಬಿಜೆಪಿ ಮಹಿಳಾ ಮೋರ್ಚಾ ನೇತೃತ್ವಡ್ ಜಿಲ್ಲಾ ವೈದ್ಯಕೀಯ ಪ್ರಕೋಷ್ಠದ ಸಹಯೋಗದೊಟ್ಟುಗ್ ತೆರಿದಿನ ಸ್ತ್ರೀ ರೋಗ ತಜ್ಞ ವೈದ್ಯರೆಡ್ದ್ ಧರ್ಮಾರ್ಥ ಮಹಿಳಾ ಆರೋಗ್ಯ ತಪಾಸಣಾ ಶಿಬಿರ ಜಿಲ್ಲಾ ಮಹಿಳಾ ಮೋರ್ಚಾ ಅಧ್ಯಕ್ಷೆ ವೀಣಾ ಎಸ್. ಶೆಟ್ಟಿ ಮೆರೆನ ಅಧ್ಯಕ್ಷತೆಡ್ ಮಾ.8ರಂದು ಬಿಜೆಪಿ ಜಿಲ್ಲಾ ಕಛೇರಿಡ್ ನಡತುಂಡ್.

ನವಮಾಸ ವುಮನ್ಸ್ ಸ್ಪೆಷಾಲಿಟಿ ಕ್ಲಿನಿಕ್ ಕೋಟೇಶ್ವರ ನೆತ್ತ ವೈದ್ಯಾಧಿಕಾರಿ ಬೊಕ್ಕ ಸ್ತ್ರೀರೋಗ ತಜ್ಞೆ ಡಾ! ಪ್ರಿಯಾಂಕ ಜೋಗಿ, ಸುನಾಗ್ ಹಾಸ್ಪಿಟಲ್ ಉಡುಪಿ ನೆತ್ತ ವೈದ್ಯಾಧಿಕಾರಿ ಬೊಕ್ಕ ಅರವಳಿಕೆ ತಜ್ಞೆ ಡಾ! ವೀಣಾ ನರೇಂದ್ರ ಬೊಕ್ಕ ಶಿಲ್ಪಾ ರಘುಪತಿ ಭಟ್ ಮೊಕುಲು ಆರೋಗ್ಯ ತಪಾಸಣಾ ಶಿಬಿರೊನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.

ವೈದ್ಯಾಧಿಕಾರಿಲು ಮಹಿಳೆಯರೆನ ಆರೋಗ್ಯ ಸಂರಕ್ಷಣೆ ಬೊಕ್ಕ ಆರೋಗ್ಯ ತಪಾಸಣೆದ ಔಚಿತ್ಯದ ಬಗ್ಗೆ ಸವಿಸ್ತಾರ ಮಾಹಿತಿ ಕೊರಿಯೆರ್.

ಬಿಜೆಪಿ ಮಂಗಳೂರು ವಿಭಾಗ ಪ್ರಭಾರಿ ಕೆ.ಉದಯ ಕುಮಾರ್ ಶೆಟ್ಟಿ ಪಾತೆರ್ದ್ ಆರೋಗ್ಯವಂತ ಮಹಿಳೆಯೆಡ್ದ್ ಸದೃಢ ಸ್ವಸ್ಥ ಸಮಾಜ ನಿರ್ಮಾಣ ಸಾಧ್ಯ. ಒವ್ವೇ ಜವಾಬ್ದಾರಿನ್ ಮಹಿಳೆ ಬಾರೀ ಸಮರ್ಪಕವಾದ್ ನಿಭಾಯಿಸಾವೊಲು ಪನ್ಪಿನೇಕ್ ಜಿಲ್ಲಾ ಮಹಿಳಾ ಮೋರ್ಚಾದ ಅನುಕರಣೀಯ ಮಾದರಿ ಕಾರ್ಯ ಚಟುವಟಿಕೆಲೇ ಸಾಕ್ಷಿ ಪಂಡೆರ್.

ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರಾಯಿನ ಮಟ್ಟಾರ್ ರತ್ನಾಕರ ಹೆಗ್ಡೆ ಪಾತೆರ್ದ್ , ವಿಶ್ವದಾದ್ಯಂತ ಮಹಿಳೆಯೆರು ಸಮಾಜದ ಬೇತೆ ಬೇತೆ ರಂಗೊಡ್ ಮುಂಚೂಣಿಡ್ ಯಶಸ್ವೀ ನಾಯಕಿಯೆರಾದ್ ವಿಶಿಷ್ಠ ಸಾಧನೆ ಮಲ್ತೊಂದುಲ್ಲೆರ್. ಸಾಮಾಜಿಕ ಬೊಕ್ಕ ಕೌಟುಂಬಿಕವಾದುಲಾ ಸಹನೆ ಬೊಕ್ಕ ಸಹಬಾಳ್ವೆದ ಯಶಸ್ವೀ ಬದುಕುಡ್ ಮಹಿಳೆಯೆರೆನ ಪಾತ್ರ ಬಾರೀ ಶ್ರೇಷ್ಠವಾದುಂಡ್ ಪಂಡೆರ್.

ಬಿಜೆಪಿ ಹಿಂದುಳಿದ ವರ್ಗಗಳ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಯಶ್ಪಾಲ್ ಎ. ಸುವರ್ಣ ಬೊಕ್ಕ ಬಿಜೆಪಿ ವೈದ್ಯಕೀಯ ಪ್ರಕೋಷ್ಠದ ರಾಜ್ಯ ಸಮಿತಿ ಸದಸ್ಯ ಡಾ! ವಿಜಯೇಂದ್ರ ರಾವ್ ಮೊಕುಲು ಮಲ್ಲ ಬಿನ್ನೆರಾದಿತ್ತುದ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆದ ಶುಭಾಶಯ ಪಂಡೆರ್.

ಬೇತೆ ಬೇತೆ ರಂಗೊಡ್ ವಿಶೇಷ ಸಾಧನೆ ಮಲ್ದಿನ ವಿದ್ಯಾ ಸರಸ್ವತಿ ಉಡುಪಿ, ವೈದ್ಯಕೀಯ ಸಹಾಯಕಿಯಾದ್ ವಿಶಿಷ್ಟ ಸಾಧನೆ ಮಲ್ದಿನ ಉಜ್ವಲ ಕಿರಣ್ ಉಡುಪಿ ಬೊಕ್ಕ ಅಂತಾರಾಷ್ಟ್ರೀಯ ಈಜು ಪಟು ಜಿಲ್ಲಾ ಮಹಿಳಾ ಮೋರ್ಚಾ ಉಪಾಧ್ಯಕ್ಷೆ ವಿದ್ಯಾ ಪೈ ಕಾರ್ಕಳ ಮೊಕ್ಲೆನ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆದ ಅಂಗವಾದ್ ಜಿಲ್ಲಾ ಮಹಿಳಾ ಮೋರ್ಚಾ ವತಿಡ್ದ್ ಮಾನಾದಿಗೆ ಮಲ್ತೆರ್.

ಈ ಸಂದರ್ಭಡ್ ಬಿಜೆಪಿ ರಾಜ್ಯ ಮಹಿಳಾ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಶಿಲ್ಪಾ ಜಿ. ಸುವರ್ಣ, ಜಿಲ್ಲಾ ವೈದ್ಯಕೀಯ ಪ್ರಕೋಷ್ಠದ ಸಹ ಸಂಚಾಲಕ ಡಾ! ವಿದ್ಯಾಧರ್ ಶೆಟ್ಟಿ, ಡಾ! ಶಿಲ್ಪಾ ಕುಂದಾಪುರ, ಜಿಲ್ಲಾ ವೈದ್ಯಕೀಯ ಪ್ರತಿನಿಧಿ ಸಂಘದ ಕಾರ್ಯದರ್ಶಿ ಪ್ರಸನ್ನ ಕಾರಂತ್, ಜಯಂಟ್ಸ್ ಗ್ರೂಪ್ ಬ್ರಹ್ಮಾವರ ಮಧುಸೂದನ್ ಹೇರೂರು, ಮಹಿಳಾ ಮೋರ್ಚಾ ಕಾಪು ಮಂಡಲ ಅಧ್ಯಕ್ಷೆ ಸುಮಾ ಶೆಟ್ಟಿ, ಬಿಜೆಪಿ ಜಿಲ್ಲಾ ವಕ್ತಾರ ಗುರುಪ್ರಸಾದ್ ಶೆಟ್ಟಿ ಕಟಪಾಡಿ, ಜಿಲ್ಲಾ ಸಹ ವಕ್ತಾರ ಶಿವಕುಮಾರ್ ಅಂಬಲಪಾಡಿ, ಬಿಜೆಪಿ ಉಡುಪಿ ನಗರ ಕಾರ್ಯದರ್ಶಿ ದಯಾಶಿನಿ, ಮಹಿಳಾ ಮೋರ್ಚಾ ನಗರ ಪ್ರಧಾನ ಕಾರ್ಯದರ್ಶಿಲಾಯಿನ ಸುಜಾಲ ಸತೀಶ್, ಸುಧಾ ಪೈ ಬೊಕ್ಕ ವೈದ್ಯಕೀಯ ಸಹಾಯಕ ಸಿಬ್ಬಂದಿಲು, ಮಹಿಳಾ ಮೋರ್ಚಾ ಜಿಲ್ಲಾ ಬೊಕ್ಕ ಮಂಡಲ ಪದಾಧಿಕಾರಿಲು, ಕಾರ್ಯಕಾರಿಣಿ ಸದಸ್ಯೆರು, ಉಡುಪಿ ನಗರಸಭಾ ಸದಸ್ಯೆರ್ ಬೊಕ್ಕ ಪಕ್ಷದ ಪ್ರಮುಖೆರು ಉಪಸ್ಥಿತರಿತ್ತೆರ್.

ಸುಮಾರು 150 ಗ್ ಲಾ ಜಾಸ್ತಿ ಮಹಿಳಾ ಶಿಬಿರಾರ್ಥಿಲು ಆರೋಗ್ಯ ತಪಾಸಣಾ ಶಿಬಿರದ ಪ್ರಯೋಜನನ್ ಪಡೆತೊಂಡೆರ್.

ಬಿಜೆಪಿ ಜಿಲ್ಲಾ ಮಹಿಳಾ ಮೋರ್ಚಾದ ಪ್ರಧಾನ ಕಾರ್ಯದರ್ಶಿ ರಶ್ಮಿತಾ ಬಾಲಕೃಷ್ಣ ಶೆಟ್ಟಿ ಕಾರ್ಯಕ್ರಮ ನಿರೂಪಣೆ ಮಲ್ತುದ್ ಮಹಿಳಾ ಮೋರ್ಚಾ ಜಿಲ್ಲಾ ಉಪಾಧ್ಯಕ್ಷೆ ಕೇಸರಿ ಯುವರಾಜ್ ಸೊಲ್ಮೆ ಸಂದಾಯ್ತ ಮಲ್ತೆರ್..