ಅಂತರರಾಷ್ಟ್ರೀಯ ಮಟ್ಟೊಡ್ ಕಾಪು ಕ್ಷೇತ್ರದ ಅಭಿವೃದ್ಧಿ: ಸೊರಕೆ

ವಸತಿ ರಹಿತರೆಗ್ ವಸತಿ, ಪರ್ಪಿನ ನೀರುಗ್ ಆದ್ಯತೆ, ಅಂತರಾಷ್ಟ್ರೀಯ ಮಟ್ಟೊಡ್ ಕಾಪು ಅಭಿವೃದ್ಧಿ: ನಮ್ಮ ಕನಸುದ ಕಾಪು ಪ್ರಣಾಳಿಕೆ ಬುಡುಗಡೆ ಮಲ್ತಿನ ವಿನಯ ಕುಮಾರ್ ಸೊರಕೆ

ವಸತಿ ರಹಿತೆರೆಗ್ ವಸತಿ, ಪರ್ಪಿನ ನೀರುಗ್ ಆದ್ಯತೆ, ಕಾಪು ಕ್ಷೇತ್ರೊನ್ ಅಂತರಾಷ್ಟ್ರೀಯ ಮಟ್ಟೊಡ್ ಅಭಿವೃದ್ಧಿ ಮಲ್ಪುನವ್ವೇ ಎನ್ನ ಗುರಿ ಪಂಡುದ್ ಕಾಪು ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ವಿನಯ ಕುಮಾರ್ ಸೊರಕೆ ಪಂಡೆರ್.
ಕಾಪು ರಾಜೀವ ಭವನೊಡ್ ನಡತಿನ ಕಾಪು ಕ್ಷೇತ್ರದ ಸಮಗ್ರ ಅಭಿವೃದ್ಧಿ ಯೋಜನೆದ ಮುನ್ನೋಟ ನಮ್ಮ ಕನಸಿನ ಕಾಪು ಪ್ರಣಾಳಿಕೆ ನ್ ಬುಡುಗಡೆ ಮಲ್ತುದ್ ಪಾತೆರಿನ ಅರ್. ಕಾಪು ಕ್ಷೇತ್ರೊಡ್ ನಿವೇಶನ ರಹಿತ ಬಡವೆರೆಗ್ 10 ಸಾವಿರ ನಿವೇಶನ ಕೊರ್ಪಿನ ಸಂಕಲ್ಪದ ಗುರಿನ್ ದೀಯೊಂದೆ . ಪ್ರವಾಸೋದ್ಯಮ ಗ್ ವಿಪುಲ ಅವಕಾಶವಿಪ್ಪುನ ಕಾಪು ಕ್ಷೇತ್ರಡ್ ಟೂರಿಸಂ ಪಾರ್ಕ್ ನಿರ್ಮಾಣದ ಯೋಜನೆದ ಒಟ್ಟುಗ್ ಕಾಪು ಲೈಟ್ ಹೌಸ್ ನ್ ಅಂತರಾಷ್ಟ್ರೀಯ ಪ್ರವಾಸಿ ತಾಣಮಲ್ಪುನ ಯೋಜನೆ ಪಾಡೊಂದುಂಡ್. ರಾಷ್ಟ್ರಗ್ ಮಾದರಿಯಾದ್ ಕಾಪು ಪೊಸ ಮಾರಿಗುಡಿ ಜೀರ್ಣೋದ್ಧಾರ ಗ್ ಪೊಸ ರೂಪ ಕೊರ್ಪಿನ ಒಟ್ಟುಗ್ ಕಾಪುನ್ ಟೆಂಪಲ್ ಸಿಟಿಯಾದ್ ಮಲ್ಪುನ ಗುರಿನ್ ದೀಯೊಂದುಂಡ್..ಬಹುಗ್ರಾಮ ಪರ್ಪಿನ ನೀರುದ ಯೋಜನೆ ಮುಖೇನ ಹೆಜಮಾಡಿ ಶಾಂಭವಿ ತುದೆ, ಕುರ್ಕಾಲುದ ಪಾಪನಾಶಿನಿ, ಬೈರಂಪಳ್ಳಿ ಸ್ವರ್ಣತುದೆಡ್ದ್ ನೀರುನ್ ಶುಧ್ಧಿಕರಣ ಮಲ್ತುದ್ ಇಲ್ಲ ಇಲ್ಲಗ್ ನೀರುನ್ ಒದಗಿಸಾವುನ ಆದ್ಯತೆ ದ ಯೋಜನೆನ್ ರೂಪಿಸಾವುನ ಕಾರ್ಯಕ್ರಮ ಆಯೋಜನೆ ಮಲ್ದುಂಡ್.
ಕಾಪು ಕ್ಷೇತ್ರಡ್ ಕಸವಿಲೇವಾರಿ ಮಲ್ಲ ಸಮಸ್ಯೆ ಯಾದಿತ್ತುದ್ ವಿರೋಧ ಪಕ್ಷದ ತೀವ್ರ ವಿರೋಧದ ನಡುಟುಲಾ ಎಲ್ಲೂರುಡ್ ಸ್ಥಾಪನೆ ಮಲ್ದಿನ ಕಸ ವಿಲೇವಾರಿ ಘಟಕದ ಮುಖೇನ ಕಾಪುದ ಸ್ವಚ್ಛ ಸಂಕಲ್ಪ ಯೋಜನೆ ಸಾಕಾರ ಆವೊಂದುಂಡ್ ಪಂಡುದ್ ಸೊರಕೆ ಪಂಡೆರ್.
ಕಾಪು ಕ್ಷೇತ್ರದ ಮೀನುಗಾರೆರೆನ ಡೀಸೆಲ್, ಸೀಮೆ ಎಣ್ಣೆ ಸಬ್ಸಿಡಿ ಜಾಸ್ತಿ ಮಲ್ಪುನೊಟ್ಟುಗ್ ಕಡಲು ಕೊರೆತಗ್ ಶಾಶ್ವತ ತಡೆಗೋಡೆ ನಿರ್ಮಾಣ, ಮತ್ಸ್ಯಾಶ್ರಯ ಯೋಜನೆಗ್ ಚಾಲನೆ, ಹೆಜಮಾಡಿ ಬಂದರುಗ್ ಕಾಯಕಲ್ಪ, ಕ್ಷೇತ್ರದಾದ್ಯಂತ ಹೈಟೆಕ್ ಮೀನು ಮಾರುಕಟ್ಟೆದ ನಿರ್ಮಾಣ, ಎರ್ಮಾಳುಡ್ ಜಟ್ಟಿ ನಿರ್ಮಾಣ, ಮತ್ಸ್ಯೋದ್ಯಮದೊಟ್ಟುಗ್ ಪ್ರವಾಸೋದ್ಯಮ ಉತ್ತೇಜನ ಕೊರ್ಪುಂಡ್..ಧಾರ್ಮಿಕ ಕ್ಷೇತ್ರಡ್ ಬೇತೆ ಧರ್ಮದ ಧಾರ್ಮಿಕ ಕೇಂದ್ರಲಾಯಿನ ಮಂದಿರ, ಮಸೀದಿ, ಚರ್ಚ್ ದ ಅಭಿವೃದ್ಧಿಗ್ ವಿಶೇಷ ಅನುದಾನಗ್ ಉತ್ತೇಜನ ಕೊರ್ಪುಂಡ್ ಪಂಡುದು ಸೊರಕೆ ಪಂಡೆರು.

ದಲಿತ ಶ್ರೇಯಾಭಿವೃದ್ಧಿ ಯೋಜನೆ:
ಕಾಪು ಕ್ಷೇತ್ರಡ್ , ದಲಿತ-ಸಿಂದುಳಿದ ಬೊಕ್ಕ ಅಲ್ಪಸಂಖ್ಯಾತ ವರ್ಗದ ಅಭಿವೃದ್ಧಿಗ್ ಕೆಲವು ಯೋಜನೆದೊಟ್ಟುಗ್ ದಲಿತ ಕಾಲೋನಿದ ಅಭಿವೃದ್ಧಿ, ಸಮುದಾಯ ಭವನದ ನಿರ್ಮಾಣ, ಮೊರಾರ್ಜಿ ಶಾಲೆದ ನಿರ್ಮಾಣ ಎನ್ನ ಆಶಯವಾದುಂಡ್ ಪಂಡೆರ್.
ಯುವಕರೆಗ್ ಉದ್ಯೋಗ ಉದ್ದಿಮೆ,ಬಹುಮಹಡಿ ವಸತಿ ಯೋಜನೆ, ಕ್ರೀಡಾಂಗಣ ನಿರ್ಮಾಣ, ಕಾಪು ಪುರಸಭಾ ವ್ಯಾಪ್ತಿಡ್ 100 ಬೆಡ್ಡುದ ಸುಸಜ್ಕಿತ ಆಸ್ಪತ್ರೆ ನಿರ್ಮಾಣ , ರೈತ ಸಂಜೀವಿನಿ ಯೋಜನೆ,ಮತ್ಸ್ಯಾಶ್ರಯ ಯೋಜನೆ, ದಲಿತರ ಶ್ರೇಯೋಭಿವ್ರದ್ಧಿ ಯೋಜನೆ, ಗ್ರಾಮದ ವ್ಯಾಪ್ತಿಡ್ ಸಿ ಆರ್ ಝಡ್ ನಿಯಮ ಸಡಿಲಿಕೆ , ಸುಸಜ್ಜಿತ ಬಸ್ಸು ನಿಲ್ದಾಣ ದ ನಿರ್ಮಾಣ ಯೋಜನೆನ್
ಸಾಕಾರ ಮಲ್ಪರೆಗ್ , ಪಾರದರ್ಶಕ ಆಡಳಿತ ನಡೆಸಾವರೆಗ್ ಕಾಪು ಕ್ಷೇತ್ರ ಮತದಾರೆರ್ ಆಶೀರ್ವಾದ ಮಲ್ಪೊಡಾತುಂಡ್ ಪಂಡುದ್ ಸೊರಕೆ ಪಂಡೆರು
ಪತ್ರಿಕಾಗೋಷ್ಠಿಡ್ ನವೀನ್‌ಚಂದ್ರ ಸುವರ್ಣ, ದೇವಿಪ್ರಸಾದ್ ಶೆಟ್ಟಿ, ಮಾಧವ ಆರ್. ಪಾಲನ್, ಪ್ರಶಾಂತ್ ಜತ್ತನ್ನ, ಶರ್ಪುದ್ದೀನ್ ಶೇಖ್, ಅಮೀರ್ ಕಾಪು, ದೇವರಾಜ್ ಕೋಟ್ಯಾನ್, ಸಂತೋಷ್ ಕುಲಾಲ್ ಉಪಸ್ಥಿತರಿತ್ತೆರು.