ಮೇ 10 ತಾರೀಕುಗ್ ನಡಪುನ ರಾಜ್ಯ ವಿಧಾನಸಭಾ ಸಾರ್ವತ್ರಿಕ ಚುನಾವಣೆನ್ ಪರ್ಬದ ರೀತಿಡ್ ಸಂಭ್ರಮಡ್ ಆಚರಣೆ ಮಲ್ಪುಲೆಕ್ ಚುನಾವಣಾ ಆಯೋಗ ಕೊರ್ತಿನ ಸಲಹೆದ ಮೇರೆಗ್ ಮಲ್ಪೆ ಬೀಚ್ ಡ್ ಅಕ್ಷರಶಃ ಅನಾವರಣ ಆಂಡ್.
ಐತಾರದಾನಿ ಬಯ್ಯಗ್ ಉಡುಪಿ ಜಿಲ್ಲಾ ಸ್ವೀಪ್ ಸಮಿತಿವತಿಡ್ದ್ ಮಲ್ಪೆ ಬೀಚ್ ಡ್ ಮತದಾನ ಜಾಗೃತಿ ಬಗ್ಗೆ ಆಯೋಜನೆ ಮಲ್ದಿನ ಸಾಂಸ್ಕೃತಿಕ ಕಾರ್ಯಕ್ರಮಡ್ ನಡತಿನ ನೃತ್ಯ ಕಾರ್ಯಕ್ರಮಡ್ ಪದ ಬೊಕ್ಕ ನೃತ್ಯೊಗ್ ನಲಿಪುನಕ್ಲೆನೊಟ್ಟುಗ್ ಪ್ರೇಕ್ಷಕೆರುಲಾ ಪಜ್ಜೆಪಾಡ್ದ್ ಸಂಭ್ರಮಿಸಿಯೆರ್.
ಎಂ ಐ ಟಿ ವಿದ್ಯಾರ್ಥಿಲು ವಂದೇ ಮಾತರಂ, ಮೈ ಭಾರತ್ ಹೂಂ ಬೊಕ್ಕ ಮತದಾನ ಜಾಗೃತಿ ಬಗ್ಗೆ ಕಿರು ನಾಟಕ ಪ್ರದರ್ಶನ ಮಲ್ತೆರ್.
ಉಡುಪಿ ಬನ್ನಂಜೆದ ಹಾಸ್ಟೆಲ್ ದ ವಿದ್ಯಾರ್ಥಿಲು ಆಕರ್ಷಕ ನೃತ್ಯ ಪ್ರದರ್ಶನ ಗಮನ ಒಯ್ತುಂಡ್.. ಉಡುಪಿ ತಾಲ್ಲೂಕು ಪಂಚಾಯತ್ ಸಿಬ್ಬಂದಿಲು ನೃತ್ಯ ಪ್ರದರ್ಶನ ಮಲ್ತೆರ್.
ಮತದಾನ ಜಾಗೃತಿ ಬಗ್ಗೆ ಯಕ್ಷಗಾನ ಕಾರ್ಯಕ್ರಮ ಬೊಕ್ಕ ಅಗ್ನಿ ಸಾಹಸ ಕಾರ್ಯಕ್ರಮ ನಡತುಂಡ್.
ಜಿಲ್ಲಾ ಚುನಾವಣಾಧಿಕಾರಿ ಬೊಕ್ಕ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ, ಜಿಲ್ಲಾ ಸ್ವೀಪ್ ಸಮಿತಿ ಅಧ್ಯಕ್ಷ ಬೊಕ್ಕ ಜಿ.ಪಂ. ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಪ್ರಸನ್ನ ಹೆಚ್, ಉಡುಪಿ. ನಗರ ಸಭೆತ್ತ ಪೌರಾಯುಕ್ತ ರಮೇಶ್ ನಾಯಕ್, ಡಯಟ್ ಪ್ರಾಂಶುಪಾಲ ಗೋವಿಂದ ಮಡಿವಾಳ, ಎಂ. ಐ. ಟಿ. ಕಾಲೇಜಿನ ಪ್ರೊ. ಬಾಲಕೃಷ್ಣ ಮದ್ದೋಡಿ, ಮೊಕುಲು ಉಪಸ್ಥಿತರಿತ್ತೆರು.
ಐತರ ಬಯ್ಯಗ್ ಬೀಚ್ ಡ್ ಸೇರ್ದಿನ 30000 ಗ್ ಲಾ ಜಾಸ್ತಿ ಜನ ಕಾರ್ಯಕ್ರಮ ವೀಕ್ಷಣೆ ಮಲ್ತೆರ್.
ಕಾರ್ಯಕ್ರಮದ ಪ್ರಯುಕ್ತ ಬೀಚ್ ದ ಉದ್ದಗುಲಾ ಮತದಾನ ಜಾಗೃತಿ ಫಲಕೊಲೆನ್ ಅಳವಡಿಸಾದಿತ್ತುಂಡ್., ಎನ್ನ ಓಟು ಎನ್ನ ಪೆರ್ಮೆ ಸಾರುನ ಸೆಲ್ಫಿ ಪಾಯಿಂಟ್ ಡ್ ಸಾರ್ವಜನಿಕೆರು ಸೆಲ್ಫಿ ದೆತ್ತೊಂದ್ ಸಂಭ್ರಮಿಸಿಯೆರು. ನೈತಿಕ ಮತದಾನ ಮಲ್ಪುನ ಬಗ್ಗೆ ಪ್ರತಿಜ್ಞಾ ಸ್ವೀಕಾರ ಕಾರ್ಯಕ್ರಮ ನಡತುಂಡ್.
by 