ಉಡುಪಿ ಘಟನೆ ವಿಚಾರೊಡ್ ರಾಜಕೀಯ ಬೊಡ್ಚಿ:ಹೆಬ್ಬಾಳ್ಕರ್..

ಉಡುಪಿ ಘಟನೆ ವಿಚಾರೊಡ್ ರಾಜಕೀಯ ಬೊಡ್ಚಿ. ಜೋಕ್ಲೆನ ಹಿತಾಸಕ್ತಿ ಮುಖ್ಯ: ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕರ್
ಉಡುಪಿದ ಖಾಸಗಿ ಕಾಲೇಜಿಡ್ ಶೌಚಾಲಯಡ್ ಮೊಬೈಲ್ ದೀದ್ ವಿಡಿಯೋ ಚಿತ್ರೀಕರಣ ಪ್ರಕರಣಗ್ ರಾಜಕೀಯ ಬಣ್ಣ ಬೊಡ್ಚಿ, ಜೋಕ್ಲೆನ ಹಿತದೃಷ್ಟಿ ಮುಖ್ಯ ಪಂಡುದು ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣ ಇಲಾಖೆ ಸಚಿವೆ ಬೊಕ್ಕ ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವೆರಾಯಿನ ಲಕ್ಷ್ಮಿ ಹೆಬ್ಬಾಳ್ಕರ್ ಪಂತೆರು. ಇಂಚಿನ ಪ್ರಕರಣೊಲು ಸಮಾಜೊಗ್ ಕಳಂಕ, ತಪ್ಪಿತಸ್ಥೆರೆನ ವಿರುದ್ಧ ಕಾನೂನುದಡಿಟ್ ಕ್ರಮ ದೆತೊನರೆಗ್ ಸೂಚನೆ ಮಲ್ದೆ ಪಂಡುದು ಸಚಿವೆರು ತೆರಿಪಾಯೆರು. ಒವ್ವೇ ಜಾತಿ ಧರ್ಮ ಮುಖ್ಯ ಅತ್ತ್, ಜೋಕ್ಲೆನ ಹಿತಾಸಕ್ತಿ ಮುಖ್ಯ ಪಂಡೆರು. ಪ್ರಕರಣಗ್ ಸಂಬಂಧಪಟ್ಟಿಲೆಕ್ಕ ಮೂಜಿ ಜೋಕ್ಲೆನ ವಿರುದ್ಧ ಎಫ್ ಐಆರ್ ದಾಖಲಾತುಂಡ್ ಪಂಡುದ್ ತೆರಿಪಾಯೆರು. ಮಣಿಪುರ ಇಡೀ ರಾಜ್ಯನೇ ಪೊಸುದ್ ಉರಿಯೊಂದುಂಡ್, ಅಯಿತ್ತ ಬಗ್ಗೆ ತರೆಬೆಚ್ಚ ಮಲ್ಪಂದೆ ರಾಜ್ಯದ ವಿರೋಧ ಪಕ್ಷ, ಉಡುಪಿ ಪ್ರಕರಣಗ್ ರಾಜಕೀಯ ಬಣ್ಣ ಕೊರ್ರೆಗ್ ಯತ್ನಿಸಾವೊಂದುಂಡ್ ಪಂಡುದು ಸಚಿವೆರು ಪಂಡರ್. ಕಟ್ಟುನಿಟ್ಡುದ ಕ್ರಮ ದೆತೊನರೆಗ್ ಪೊಲೀಸರಗ್ ಸೂಚನೆ ಕೊರ್ತುಂಡ್ ಪಂಡುದ್ ಸಚಿವೆರಾಯಿನ ಲಕ್ಷ್ಮಿ ಹೆಬ್ಬಾಳ್ಕರ್ ತೆರಿಪಾಯೆರು.