ತೊಟ್ಟಮ್ ಕರಾವಳಿ ಯುವಕ ಮಂಡಲಡ್ ನಡತಿನ”ಆಟಿಡೊಂಜಿ ದಿನ”..

ಕರಾವಳಿ ಯುವಕ ಮಂಡಲ(ರಿ) ಬೊಕ್ಕ ಕರಾವಳಿ ಮಹಿಳಾ ಮಂಡಲ ಬಡಾನಿಡಿಯೂರು ತೊಟ್ಟಂ
ಮೊಕ್ಲೆನ ಆಶ್ರಯೊಡ್ “ಆಟಿಡೊಂಜಿ ದಿನ” ಕಾರ್ಯಕ್ರಮ ಕರಿನ ಐತಾರದಾನಿ ನಡತುಂಡ್..ಕಾರ್ಯಕ್ರಮಡ್ ಕರಾವಳಿ ಮಹಿಳಾ ಮಂಡಲದ ಅಧ್ಯಕ್ಷೆ ಶ್ರೀಮತಿ ಅಶ್ವಿನಿ ಉಮೇಶ್ ಗುರ್ಕಾರ್ಮೆಡಿತ್ತೆರ್..ಮಲ್ಲ ಬಿನ್ನೆರಾದ್ ಅಂಚೆನೇ ಸಂಪನ್ಮೂಲ ವ್ಯಕ್ತಿ ಯಾದ್ ಒಡಿಯೂರು ಗ್ರಾಮ ವಿಕಾಸ ಯೋಜನೆದ ಒಡಿಪು ವಲಯದ ಕಾರ್ಯದರ್ಶಿ ಶ್ರೀಮತಿ ಚಂದ್ರಿಕಾ ಜಯಪ್ರಕಾಶ್ ಉಪಸ್ಥಿತರಿತ್ತುದ್ ಆಟಿಕೂಟದ ಬಗ್ಗೆ ಪಾತೆರಿನ ಆರು ತುಳುನಾಡುಡ್ ನಡಪುನ ಪ್ರತಿಯೊಂಜಿ ಆಚರಣೆಗುಲಾ ದೈವಿಕ ಹಿನ್ನೆಲೆ ಉಂಡು. .ಹಿರಿಯೆರ್ ನಮಕ್ ಒರಿಪಾದ್ ಪೋತಿನ ತುಳುನಾಡುದ ಸಂಪ್ರದಾಯೊಲೆನ್ ನಮಲಾ ದುಂಬುದ ಪೀಳಿಗೆಗ್ ಮುಟ್ಟಾವುನ ಪ್ರಯತ್ನ ಮಲ್ಪೊಡ್ ಪಂಡೆರ್.

ಗೌರವಾಧ್ಯೆಕ್ಷೆ ಕೀರ್ತಿ ಜಗನ್ನಾಥ್,ಉಪಾಧ್ಯಕ್ಷೆ ನಳಿನಿ ಸದಾಶಿವ್, ಕರಾವಳಿ ಯುವಕ ಮಂಡಲದ ಅಧ್ಯಕ್ಷೆರಾಯಿನ ಗಂಗಾಧರ ಮೈಂದನ್, ಉಪಾಧ್ಯಕ್ಷೆರಾಯಿನ ಶ್ರೀ ಪ್ರವೀಣ್ ಸಾಲ್ಯಾನ್ ಉಪಸ್ಥಿತರಿತ್ತೆರು. ಕೋಶಾಧಿಕಾರಿ ವಿಶಾಲ ರಮೇಶ್ ಕಾರ್ಯಕ್ರಮ ನಿರೂಪಣೆ ಮಲ್ತುದ್, ಕಾರ್ಯದರ್ಶಿ ಅನಿತಾ ಸುವರ್ಣ ಎದ್ಕೊಂಡೆರ್ , ಗೌರವ ಸಲಹೆಗಾರೆ ಶೋಭಾ ಸಾಲ್ಯಾನ್ ಸೊಲ್ಮೆ ಸಂದಾಯ್ತ ಮಲ್ತೆರು. ಕಾರ್ಯ ಕ್ರಮಡ್ ಮಹಿಳಾ ಮಂಡಲದ ಸದಸ್ಯೆರ್ ಮಲ್ದಿನ ಬೇತೆ ಬೇತೆ ಬಗೆತ್ತ ಆಟಿದ ತೆನಸುಲೆನ್ ಬಲಸಿಯೆರ್.