ಮೋದೀಜಿ ಪುಟ್ಟುಪರ್ಬದ ಅಂಗವಾದ್ ರುದ್ರಭೂಮಿ ಸೇವಕೆರೆಗ್ ಮಾನಾದಿಗೆ..

ಪ್ರಧಾನಿ ಶ್ರೀನರೇಂದ್ರ ಮೋದಿ ಪುಟ್ಟು ಪರ್ಬದ ಅಂಗವಾದ್ ಶಾಸಕ ಯಶ್ ಪಾಲ್ ಸುವರ್ಣ ನೇತೃತ್ವಡ್ ರುದ್ರ ಭೂಮಿ ಸೇವಕೆರೆಗ್ ಮಾನಾದಿಗೆ ನಡತುಂಡ್.

ಪ್ರಧಾನಿ ಶ್ರೀ ನರೇಂದ್ರ ಮೋದಿ ಮೆರೆನ ಪುಟ್ಟುಪರ್ಬದ ಅಂಗವಾದ್ ಉಡುಪಿ ನಗರದ ರುದ್ರಭೂಮಿಡ್ ಸೇವೆ ಸಲ್ಲಿಸಾವೊಂದುಪ್ಪುನ ಸೇವಕರೆಗ್ ಉಡುಪಿ ಶಾಸಕೆರಾಯಿನ ಶ್ರೀ ಯಶ್ ಪಾಲ್ ಸುವರ್ಣ ಸನ್ಮಾನ ಮಲ್ತುದ್ ಗೌರವಿಸಾಯೆರ್.

ಈ ಸಂದರ್ಭಡ್ ಪಾತೆರಿನ‌ ಯಶ್ ಪಾಲ್ ಸುವರ್ಣ ಭಾರತೊನ್ ವಿಶ್ವಗುರು ಮಲ್ಪುನ ಉದ್ದೇಶಡ್ ಪಗೆಲ್ ರಾತ್ರೆ ಶ್ರಮ ಮಲ್ತುದ್ ಸಮಾಜದ ಕಟ್ಟಕಡೆತ್ತ ವ್ಯಕ್ತಿಗುಲಾ ಶಕ್ತಿ ದಿಂಜಾವುನ ನರೇಂದ್ರ ಮೋದೀಜಿನ ಕಾರ್ಯವೈಖರಿ ಮಾತೆರೆಗ್ಲಾ ಆದರ್ಶವಾದಿತ್ತುದ್, ಮೋದೀಜಿನ ಪುಟ್ಟುಪರ್ಬನ್ ಅರ್ಥಪೂರ್ಣವಾದ್ ಆಚರಣೆ ಮಲ್ಪುನ ನಿಟ್ಟುಡ್ ರುದ್ರಭೂಮಿಡ್ ಸ್ವಾರ್ಥ ರಹಿತವಾದ್ ಸೇವೆ ಮಲ್ತೊಂದುಪ್ಪುನ ಸೇವಕೆರೆಗ್ ಗೌರವ ಮಲ್ದುಂಡ್ ಪಂಡೆರ್..

ಈ ಪೊರ್ತುಡ್ ಮಲ್ಲ ಬಿನ್ನೆರಾದ್ ಸಮಾಜ ಸೇವಕೆರಾಯಿನ ಶ್ರೀ ವಿಶು ಶೆಟ್ಟಿ ಅಂಬಲಪಾಡಿ, ಶ್ರೀ ನಿತ್ಯಾನಂದ ಒಳಕಾಡು ಬೊಕ್ಕ ನಗರ ಸಭೆ ಮಾಜಿ ಆಧ್ಯಕ್ಷೆರಾಯಿನ ಶ್ರೀ ಕಿರಣ್ ಕುಮಾರ್, ನಗರ ಸಭೆ ಸದಸ್ಯೆರು, ಗ್ರಾಮ ಪಂಚಾಯತ್ ಅಧ್ಯಕ್ಷೆರು, ಸದಸ್ಯೆರು, ಪಕ್ಷದ ಪದಾಧಿಕಾರಿಲು, ಕಾರ್ಯಕರ್ತೆರು ಉಪಸ್ಥಿತರಿತ್ತೆರು.