ಬಡಗಬೆಟ್ಟು ಕ್ರೆಡಿಟ್ ಕೋ- ಆಪರೇಟಿಬ್ ಸೊಸೈಟಿದ ಸಂಘದ ಸದಸ್ಯೆರೆಗ್ ಪೊಸ ಸೌಲಭ್ಯ ಕೊರ್ಪಿನ ದಿಟ್ಟಿಡ್ ಚೇತನಾ ಮೊಬೈಲ್ ಆ್ಯಪ್, ಪೇ ಡೈರೆಕ್ಟ್ ಎ.ಟಿ.ಎಮ್.ಕಾರ್ಡ್, ಪಿಗ್ಮಿ ಕಲೆಕ್ಷನ್ ಮೊಬೈಲ್ ಆ್ಯಪ್ ನ್ ಬುಡುಗಡೆ ಮಲ್ದುಂಡ್.ಅಜ್ಜರಕಾಡುದ ಟೌನ್ ಹಾಲ್ ಡ್ ನಡತಿನ ಕಜ್ಜೊಡ್ ಈ ಮೂಜಿ ಸೌಲಭ್ಯೊನ್ ಲೋಕಾರ್ಪಣೆ ಮಲ್ದುಂಡ್.ಡಿಜಿಟಲೀಕರಣದಂಚಿ ಪಜ್ಜೆ ದೀಪುನ ದಿಟ್ಟಿಡ್ ಸಂಘ ಈ ಮೂಜಿ ಪೊಸ ಸೌಲಭ್ಯೊನ್ ಗ್ರಾಹಕೆರೆಗ್ ಒದಗಿಸಾದುಂಡ್.
ಸೆಪ್ಟೆಂಬರ್ 17 ಗ್ ಅಜ್ಜರಕಾಡುದ ಟೌನ್ ಹಾಲ್ ಡ್ ನಡತಿನ ಈ ಮೂಜಿ ಆ್ಯಪ್ ಬುಡುಗಡೆದ ಕಾರ್ಯಕ್ರಮೊಡ್ ಉಡುಪಿ ವಿಧಾನಸಭಾ ಕ್ಷೇತ್ರ ಬೊಕ್ಕ ಕಾಪು ವಿಧಾನಸಭಾ ಕ್ಷೇತ್ರದ ಶಾಸಕೆರಾದ್ ಆಯ್ಕೆ ಆಯಿನ ಸಂಘದ ಸದಸ್ಯೆರ್ ಬೊಕ್ಕ ಗ್ರಾಹಕೆರಾಯಿನ ಯಶ್ಪಾಲ್ ಸುವರ್ಣ ಬೊಕ್ಕ ಸುರೇಶ್ ಶೆಟ್ಟಿ ಗುರ್ಮೆ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.
ಅಂಚೆನೇ ಕ್ರೆಡಾಯಿ ದ ಆದ್ಯಕ್ಷೆರಾದ್ ಆಯ್ಕೆ ಆಯಿನ ಸಾಯಿರಾಧಾ ಡೆವಲಪರ್ಸ್ ದ ಆಡಳಿತ ಪಾಲುದಾರೆರಾಯಿನ ಮನೋಹರ್ ಎಸ್.ಶೆಟ್ಟಿ, ಸಮಾಜಸೇವಕೆ ಬೊಕ್ಕ ಆಪದ್ಭಾಂದವೆರಾಯಿನ ಈಶ್ವರ್ ಮಲ್ಪೆ, ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ಡ್ ಪೊಸ ದಾಖಲೆ ಬರೆತಿನ ಕು.ತನುಶ್ರೀ ಪಿತ್ರೋಡಿ ಮೊಕ್ಲೆನ್ ಸಂಘದ ವತಿಡ್ದ್ ಮಾನಾದಿಗೆ ಮಲ್ತೆರ್.
ಕೋಡ್ ಲಾಗ್ಸ್ ಟೆಕ್ನಾಲಜೀಸ್ ದ ವ್ಯವಸ್ಥಾಪಕೆರಾಯಿನ ಶ್ರವಣ್ ರವಿರಾಜ್ ಪೊಸ ಮೊಬೈಲ್ ಆ್ಯಪ್ ದ ವೈಶಿಷ್ಟ್ಯ ಬೊಕ್ಕ ಬಳಕೆದ ಬಗೆಟ್ ಮಾಯಿತಿ ಕೊರಿಯೆರ್.ಐ.ಸಿ.ಐ.ಸಿ.ಐ. ಬ್ಯಾಂಕ್ ದ ಸೀನಿಯರ್ ಚೀಫ್ ಮೆನೇಜರ್ ಮಂಜುನಾಥ್ ಮೇರ್ ಪೇ-ಡೈರೆಕ್ಟ್ ಎ.ಟಿ.ಎಮ್.ಕಾರ್ಡ್ ದ ಬಗೆಟ್ ಮಾಯಿತಿ ಕೊರಿಯೆರ್.
ಸೊಸೈಟಿದ ಪ್ರಾಯೋಜಕತ್ವಡ್ ಚೇತನಾ ನವೋದಯ ಸ್ವಸಹಾಯ ಗುಂಪುಲೆನ ಅನಾವರಣ ನವೋದಯ ಸ್ವಸಹಾಯ ಗುಂಪುಲೆನ ಪ್ರೇರಕೆರಾಯಿನ ಶ್ರೀ ಹರಿನಾಥ್ ಮೆರೆನ ಉಪಸ್ಥಿತಿ ಡ್ ನಡತುಂಡ್.
ಕಜ್ಜೊಡ್ ಜಿಲ್ಲಾ ಯೂನಿಯನ್ ಅಧ್ಯಕ್ಷೆರ್ ಬೊಕ್ಕ ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳದ ನಿರ್ದೇಶಕೆರಾಯಿನ ಸಹಕಾರ ರತ್ನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ,ಮಾಜಿ ಶಟಸಕೆರಾಯಿನ ಕೆ.ರಘುಪತಿ ಭಟ್,ಉದಯ ಕ್ರಷ್ಣಯ್ಯ ಶೆಟ್ಟಿ ಚಾರಿಟೇಬಲ್ ಟ್ರಸ್ಟ್ ಮುನಿಯಾಲುದ ಅಧ್ಯಕ್ಷೆರಾಯಿನ ಉದಯ್ ಕುಮಾರ್ ಶೆಟ್ಟಿ ಮುನಿಯಾಲು, ಐ.ಸಿ.ಐ.ಸಿ.ಐ. ಬ್ಯಾಂಕ್ ದ ಡೆಪ್ಯುಟಿ ಜನರಲ್ ಮೆನೇಜರ್ ಅಭಿತಾಬ್ ದೀಕ್ಷಿತ್, ಬಡಗಬೆಟ್ಟು ಸೊಸೈಟಿದ ಆಡಳಿತ ಮಂಡಳಿ ಸದಸ್ಯೆರ್ ಉಪಸ್ಥಿತರಿತ್ತೆರ್.ಸೊಸೈಟಿದ ಅಧ್ಯಕ್ಷೆರಾಯಿನ ಶ್ರೀ ಸಂಜೀವ ಕಾಂಚಾನ್ ಸ್ವಾಗತ ಮಲ್ತುದ್, ಪ್ರಭಾರ ಪ್ರಧಾನ ವ್ಯವಸ್ಥಾಪಕೆರಾಯಿನ ರಾಜೇಶ್ ವಿ.ಶೇರಿಗಾರ್ ಸೊಲ್ಮೆ ಸಂದಾಯ್ತ ಮಲ್ತೆರ್.ಶಾಖಾ ವ್ಯವಸ್ಥಾಪಕೆರಾಯಿನ ನವೀನ್ ಕೆ.ಕಾರ್ಯಕ್ರಮ ನಿರೂಪಣೆ ಮಲ್ತೆರ್.
by 