ಮಾನ್ಯ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ, ವಿಕಲಚೇತನರ ಹಾಗೂ ಹಿರಿಯ ನಾಗರಿಕರ ಸಬಲೀಕರಣ ಸಚಿವರಾಯಿನ ಸನ್ಮಾನ್ಯ ಶ್ರೀಮತಿ ಲಕ್ಷ್ಮೀ ಹೆಬ್ಬಾಳ್ಕರ್ ಆರು “ಶಕ್ತಿ ಯೋಜನೆ” ಉಚಿತ ಬಸ್ ಪ್ರಯಾಣ ಯೋಜನೆನ್ ಉಡುಪಿಡ್ ಉದ್ಘಾಟನೆ ಮಲ್ತಿನೇಡ್ ಬೊಕ್ಕ ಉಡುಪಿ ಬ್ಲಾಕ್ ಕಾಂಗ್ರೆಸ್ ಸಮಿತಿದ ಅಧ್ಯಕ್ಷರಾಯಿನ ರಮೇಶ್ ಕಾಂಚನ್ ಉಡುಪಿ ಜಿಲ್ಲಾದ್ಯಂತ ಗ್ರಾಮೀಣ ಬೊಕ್ಕ ನಗರ ಪ್ರದೇಶಲೆಡ್ ನರ್ಮ್ ಬಸ್ ಲೆನ್ ಪುನರಾರಂಭ ಮಲ್ತುದ್ ಹೆಚ್ಚಿಗೆ ಬಸ್ ಲೆನ್ ಒದಗಿಸಾವುನ ಬಗ್ಗೆ ಮನವಿ ಮಲ್ತೆರು.
ಉಡುಪಿ ಜಿಲ್ಲೆಡ್ ಖಾಸಗಿ ಬಸ್ಸುಲೇ ಹೆಚ್ಚಿನ ಸಂಖ್ಯೆಡ್ ಸಂಚಾರ ಮಲ್ತೊಂದುಪ್ಪುನೆಡ್ದಾವರ ಜಿಲ್ಲೆದ ಮಹಿಳೆಯೆರು ಈ ಯೋಜನೆಡ್ದ್ ವಂಚಿತರಾವೊಂದುಲ್ಲೆರ್. ಉಡುಪಿ ನಗರಪ್ರದೇಶಡ್ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರಕಾರ 40ಗುಲಾ ಜಾಸ್ತಿ ಸರಕಾರಿ ನರ್ಮ್ ಬಸ್ಸುಲೆನ್ ಗ್ರಾಮೀಣ ಪ್ರದೇಶಡ್ ಓಡಾಟ ಮಲ್ಪರೆಗ್ ಆರಂಭ ಮಲ್ದಿತ್ತುಂಡ್. ನೆಟ್ಟ್ ಶಾಲೆದ ವಿದ್ಯಾರ್ಥಿಲು ಬೊಕ್ಕ ಮಹಿಳೆಯೆರು ದಿನನಿತ್ಯ ಅತೀ ಹೆಚ್ಚಿನ ಸಂಖ್ಯೆಡ್ ಪ್ರಯಾಣ ಮಲ್ತೊಂದಿತ್ತೆರು.
ಕರಾವಳಿ ಜಿಲ್ಲೆಲೆಡ್ ಖಾಸಗಿ ಬಸ್ಸುಲೆನ ಭರಾಟೆ ಬೊಕ್ಕ ಲಾಭಿಡಾದ್ ಕೊರೋನಾ ಸಮಯಡ್ ಕೆಲವ್ ಸರಕಾರಿ ನರ್ಮ್ ಬಸ್ಸುಲು ಸಂಚಾರನ್ ಉಂತಾದಿತ್ತುದ್ ಇನಿಕುಲಾ ಸಂಚಾರ ಆರಂಭ ಮಲ್ದುಜಿ. ಉಡುಪಿ ನಗರ ಬೊಕ್ಕ ಗ್ರಾಮಾಂತರ ಪ್ರದೇಶಲೆಡ್ ನರ್ಮ್ ಬಸ್ಸುಲೆನ ಸಂಚಾರಡ್ದ್ ಜನಕ್ಲೆಗ್ ಹೆಚ್ಚಾದ್ ಅನೂಕೂಲ ಆಪುಂಡ್. ಇನಿಕುಲಾ ಕೆಲವ್ ಗ್ರಾಮಾಂತರ ಪ್ರದೇಶಲೆಡ್ ಖಾಸಗಿ ಬಸ್ಸುಲು ಸಂಚರಿಸಾವಂದಿನ ಪರಿಸ್ಥಿತಿ ಉಂಡು. ನರ್ಮ್ ಬಸ್ಸುಲೆನ್ ಕುಡೊರ ಆರಂಭ ಮಲ್ತುಂಡ ನೆಟ್ಟ್ ಮಹಿಳಾ ಪ್ರಯಾಣಿಕೆರು ಬೊಕ್ಕ ವಿದ್ಯಾರ್ಥಿಲೆಗ್ ಹೆಚ್ಚಿಗೆ ಅನೂಕೂಲ ಆಪುಂಡ್. ನೆತ್ತ ಒಟ್ಟುಗ್ ಜಿಲ್ಲೆದ ಬೇತೆ ಬೇತೆ ಭಾಗಲೆಗ್ ಹೆಚ್ಚಿಗೆ ಸರಕಾರಿ ಬಸ್ಸುಲೆನ್ ಆರಂಭ ಮಲ್ತುಂಡ ನೆಟ್ಟಾದ್ ಜನಕ್ಲೆಗ್ ಸರಕಾರದ ಯೋಜನೆದ ಪ್ರಯೋಜನ ಪ್ರಾಮಾಣಿಕವಾದ್ ತಲುಪುಂಡ್ಹ.
ಈ ನಿಟ್ಟುಡ್ ಸಾರಿಗೆ ಸಚಿವೆರೆನ ಗಮನೊಗ್ ಈ ವಿಷಯನ್ ಕನತುದ್ ಅರೆನ ಮುಖೇನ ಸರಕಾರಗ್ ಮನವರಿಕೆ ಮಲ್ತುದ್ ಜಿಲ್ಲೆಡ್ ಓಡಾಟ ಉಂತಾದಿನ ನರ್ಮ್ ಬಸ್ಸುಲು ಕುಡೊರ ಸಂಚಾರ ಆರಂಭ ಮಲ್ಪುಲೆಕ್ಕ ಬೊಕ್ಕ ಪೊಸ ಸರಕಾರಿ ಬಸ್ಸುಲೆನ್ ಸಂಚಾರ ಮಲ್ಪುಲೆಕ್ಕ ಮಾನ್ಯ ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವರಾಯಿನ ಸನ್ಮಾನ್ಯ ಶ್ರೀಮತಿ ಲಕ್ಷ್ಮೀ ಹೆಬ್ಬಾಳ್ಕರ್ ಅರೆಗ್ ಈ ಮೂಲಕ ಮನವಿ ಮಲ್ತೆರು.
ಈ ಸಂದರ್ಭಡ್ ಮುಖಂಡರಾಯಿನ ಗಣೇಶ್ ನೆರ್ಗಿ, ಸತೀಶ್ ಕುಮಾರ್ ಮಂಚಿ, ಭರತ್ ಮಣಿಪಾಲ್, ಸದಾನಂದ್ ಮೂಲ್ಯ, ಕೃಷ್ಣಮೂರ್ತಿ ಆಚಾರ್ಯ, ಸುಕನ್ಯಾ ಪೂಜಾರಿ, ವಿಘ್ನೇಶ್ ಕಿಣಿ ಬೊಕ್ಕ ಹಲವೆರು ಉಪಸ್ಥಿತರಿತ್ತೆರು..
by 