ಯಶ್ಪಾಲ್ ನೊಟ್ಟುಗ್ ಓಟುದ ಕಲೊಟ್ ಪ್ರತೀ ಬೂತ್ ಮಟ್ಟೊಡ್ ಸಕ್ರಿಯವಾದ್ ಬೇಲೆ ಮಲ್ಪುವೆ: ರಘಪತಿ ಭಟ್ಯಶ್ಪಾಲ್ ನೊಟ್ಟುಗ್ ಓಟುದ ಕಲೊಟ್ ಪ್ರತೀ ಬೂತ್ ಮಟ್ಟೊಡ್ ಸಕ್ರಿಯವಾದ್ ಬೇಲೆ ಮಲ್ಪುವೆ ಪಂಡುದ್ ಮಾಜಿ ಶಾಸಕೆರಾಯಿನ ಕೆ. ರಘಪತಿ ಭಟ್ ಮೇರ್ ಪಂಡೆರ್.ಉಡುಪಿ ಬಿಜೆಪಿ ಕಚೇರಿಡ್ ನಡತಿನ ಯಶ್ಪಾಲ್ ಸುವರ್ಣೆರೆನ ಪತ್ರಿಕಾ ಗೋಷ್ಠಿಡ್ ಆರ್ ಪಾತೆರ್ದ್, ಪಕ್ಷ ಈ ಸರ್ತಿ ಎಡ್ಡೆ ಅಭ್ಯರ್ಥಿನ್ ಕೊರ್ತುಂಡ್.ಅಂಚಾದ್ ಅರೆನ್ ಗೆಂದಾವರೆಗ್ ಬೂತ್ ಮಟ್ಟೊಡ್ ಕಾರ್ಯಕರ್ತೆರೆನೊಟ್ಟುಗ್ ಬೇಲೆ ಮಲ್ಪುವೆ ಪಂಡೆರ್.60000 ಗ್ ಲಾ ಮಿತ್ತ್ ಓಟುಡ್ ಈ ಸರ್ತಿ ಉಡುಪಿಡ್ ಬಿಜೆಪಿ ಪಕ್ಷೊನ್ ಗೆಂದಾವ ಪಂಡುದ್ ಈ ಪೊರ್ತುಡ್ ಪ್ರತಿಜ್ಞೆ ಮಲ್ತೆರ್.
ಈ ಪೊರ್ತುಡ್ ಪಾತೆರಿನ ಉಡುಪಿ ವಿಧಾನಸಭಾ ಬಿಜೆಪಿ ಅಭ್ಯರ್ಥಿ ಆಯಿನ ಯಶ್ಪಾಲ್ ಸುವರ್ಣ ಮೇರ್ ಹಿರಿಯೆರೆನ ಮಾರ್ಗದರ್ಶನ ದೆತೊಂದ್ ಬೇಲೆ ಮಲ್ಪುವೆ ಪಂಡೆರ್.
ಈ ಸಂದರ್ಭಡ್ ಜಿಲ್ಲಾ ಬಿಜೆಪಿ ಅಧ್ಯಕ್ಷೆರಾಯಿನ ಕುಯಿಲಾಡಿ ಸುರೇಶ್ ನಾಯಕ್, ನಗರ ಬಿಜೆಪಿ ಅಧ್ಯಕ್ಷರಾಯಿನ ಮಹೇಶ್ ಠಾಕೂರ್, ಗ್ರಾಮಾಂತರ ಬಿಜೆಪಿ ಅಧ್ಯಕ್ಷೆರಾಯಿನ ವೀಣಾ ನಾಯ್ಕ್, ನಗರ ಸಭೆತ್ತ ಅಧ್ಯಕ್ಷೆರಾಯಿನ ಸುಮಿತ್ರಾ ಆರ್ ನಾಯಕ್, ಉಡುಪಿ ಮಂಗಳೂರು ವಿಭಾಗ ಪ್ರಭಾರಿಲಾಯಿನ ಉದಯ್ ಕುಮಾರ್ ಶೆಟ್ಟಿ, ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷೆರಾಯಿನ ಮಟ್ಟಾರು ರತ್ನಾಕರ ಹೆಗ್ಡೆ, ಜಿಲ್ಲಾ ಬಿಜೆಪಿ ಪ್ರಧಾನ ಕಾರ್ಯದರ್ಶಿಲಾಯಿನ ಮನೋಹರ್ ಕಲ್ಮಾಡಿ, ಕುತ್ಯಾರು ನವೀನ್ ಶೆಟ್ಟಿ ಬೊಕ್ಕ ಪಕ್ಷದ ಹಿರಿಯೆರು, ಪ್ರಮುಖೆರು, ಕಾರ್ಯಕರ್ತೆರು ಉಪಸ್ಥಿತರಿತ್ತೆರು.
by 