ಪ್ರಶಸ್ತಿ ದೆತೊಂದ್ ತಿಗಲೆಬೇನೆ.

ಪ್ರಶಸ್ತಿ ದೆತೊಂದು ಒಂತೆ ಪೊರ್ತಾಯಿನೆ ಹೃದಯಾಘಾತ.

ಕಾರ್ಲದ ಡಿ.ಆರ್. ರಾಜು ಪೂಜಾರ್ಲು ನನ ನಂಕ್ ನೆಂಪು ಮಾತ್ರ

ಕಾರ್ಲ : ಹಿಂದುಳಿದ ವರ್ಗದ ರಾಜ್ಯ ಉಪಾಧ್ಯಕ್ಷೆರ್ , ಕಾರ್ಕಳ ಬಿಲ್ಲವ ಸಂಘದ ಅಧ್ಯಕ್ಷೆರ್ ಡಿ.ಆರ್.ರಾಜು (64) ಐತಾರ ಹೃದಯಾಘಾತಡ್ ದೇವೆರೆ ಪಾದ ಸೇರಿಯೆರ್. ಪಾವಂಜೆಡ್ ಐತಾರ ಬಯ್ಯಡ್ ನಡತಿನ ಸೀತಾರಾಮ್ ಕುಮಾರ್ ರೆನ 50 ನೇ ಯಕ್ಷ ಪಯಣದ “ಕಟೀಲ್ ಕನಕ ಸಂಭ್ರಮ”ಡ್ ಪಾಲ್ ಪಡೆದ್ ಯಕ್ಷ ರಾಜ್ಯೋತ್ಸವ ಪ್ರಶಸ್ತಿ ಸ್ವೀಕಾರ ಮಲ್ತ್ ದ್ ಇಲ್ಲಡೆ ಪೋಯಿನ ಡಿ. ಆರ್. ರಾಜು ಮೆರೆಗ್ ಹೃದಯಾಘಾತ ಆದಿತ್ತ್ಂಡ್. ಅರೆನ್ ಮಣಿಪಾಲ ಆಸ್ಪತ್ರೆಗ್ ಸೇರ್ಸಾದಿತ್ತೆರ್. ಆಂಡಲ ಪ್ರಯೋಜನ ಆಯಿಜಿ.

ರಾಜು ಪೂಜಾರಿ ಮೇರ್ ರಶ್ಮಿ ಕನ್ ಸ್ಟ್ರಕ್ಷನ್ಸ್ ದ ಮಾಲಿಕೆರಾದಿತ್ತ್ ದ್ ಗೆಜ್ಜೆ ಗಿರಿ ಕ್ಷೇತ್ರಾಡಳಿತ ಸಮಿತಿದ ಕಾರ್ಯಕಾರಿ ಸಮಿತಿ ಸದಸ್ಯೆರಾದ್,  ಹಿರಿಯ ಕಾಂಗ್ರೆಸ್ ಮುಖಂಡೆರು, ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಹಿಂದುಳಿದ ವರ್ಗ ಘಟಕದ ರಾಜ್ಯ ಉಪಾಧ್ಯಕ್ಷೆರು, ಕಾರ್ಕಳ ಬಿಲ್ಲವ ಸಂಘದ ಅಧ್ಯಕ್ಷೆರು, ಧಾರ್ಮಿಕ, ಶೈಕ್ಷಣಿಕ ಬೊಕ್ಕ ಸಾಮಾಜಿಕ ಕ್ಷೇತ್ರಲೆಡ್ ಸಕ್ರೀಯವಾದಿತ್ತುದ್ ಅಂಚೆನೆ, ರಾಜಕೀಯ ಕ್ಷೇತ್ರೊಡು ಸೇವೆ ಮಲ್ತ್ ದ್ ಜನ ಮೆಚ್ಚಿಗೆ ಪಡೆದಿತ್ತೆರ್.