ಪೊಣ್ಣುಲು ಮುರ್ಕುದು ಸೈತಿನ ಘಟನೆ: ಸೋಮೇಶ್ವರ ರೆಸಾರ್ಟ್ ಧಣಿ, ಮ್ಯಾನೇಜರ್ ಅರೆಸ್ಟ್

#

ಕುಡ್ಲ : ಉಳ್ಳಾಲ ಸೋಮೇಶ್ವರ ಕಡಲಬರಿತ್ತ ಸಾಯಿರಾಮ್ ವಾಸ್ಕೊ ಬೀಚ್ ರೆಸಾರ್ಟ್ ದ ನೀಂದುನ ಕಿರೆಟ್ಟ್ ಮೂಜಿ ಜನ ಪೊಣ್ಣುಲು ಮುರ್ಕುದು ಸೈತಿನೆತ್ತ ಹಿನ್ನೆಲೆಡ್ ರೆಸಾರ್ಟ್ ದ ಧಣಿ ಮನೋಹರ್ ಬೊಕ್ಕ ಮ್ಯಾನೇಜರ್ ಭರತ್ ನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಈ ದುರಂತ ಆಯಿ ಬೊಕ್ಕ ಸೋಮಾರ ಪೊಲೀಸೆರ್ ಈ ರೆಸಾರ್ಟ್ ಗ್ ಬೀಗ ಪಾಡ್ದ್ ಬಂದ್ ಮಲ್ತಿತ್ತೆರ್.
ಕರಿನ ಶನಿವಾರ ಮೈಸೂರುರ್ದು ಸೋಮೇಶ್ವರ ಬೀಚ್ ಗ್ ಪ್ರವಾಸ ಬತ್ತಿತ್ತಿನ ಎಂಜಿನಿಯರಿಂಗ್ ವಿದ್ಯಾರ್ಥಿಲಾಯಿನ ನಿಶಿತಾ ಎಂ.ಡಿ, ಪಾರ್ವತಿ ಎಸ್. ಬೊಕ್ಕ ಕೀರ್ತನಾ ಎನ್ ಐತಾರ ಕಾಂಡೆ ರೆಸಾರ್ಟ್ ದ ಸ್ವಿಮ್ಮಿಂಗ್ ಪೂಲ್ ಡ್ ನೀಂದರೆ ಪೋನಗ ನೀರ್ ಡ್ ಮುರ್ಕುದು ಸೈದಿತ್ತೆರ್.