ಬಡಗಬೆಟ್ಟು ಸೊಸೈಟಿಗ್ 16.85ಕೋಟಿ ಲಾಭ

ಉಡುಪಿ ಬಡಗಬೆಟ್ಟು ಕ್ರೆಡಿಟ್ ಕೋ-ಅಪರೇಟಿವ್ ಸೊಸೈಟಿಗ್ 2023-24 ನೇ ಸಾಲಿನಲ್ಲಿ 16.85 ಕೋ.ರೂ.ಲಾಭ
ಉಡುಪಿಃ ರಾಜ್ಯದ ಪ್ರತಿಷ್ಠಿತ ಸಹಕಾರ ಸಂಸ್ಥೆ  ಉಡುಪಿದ ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ 2023-24ನೇ ಸಾಲುಡ್ ರೂ.2,378.78 ಕೋಟಿ ವಾರ್ಷಿಕ ವಹಿವಾಟು ನಡಪಾದ್ ರೂ.16.85 ಕೋಟಿ ಲಾಭ ಆತುಂಡ್ ಪಂಡುದು ಸಂಘದ ಅಧ್ಯಕ್ಷೆರಾಯಿನ  ಶ್ರೀ ಬಿ.ಜಯಕರ್ ಶೆಟ್ಟಿ ಇಂದ್ರಾಳಿ ತೆರಿಪಾದೆರ್. ಸಹಕಾರ ಕ್ಷೇತ್ರಡ್ 106 ವರ್ಷ ಸಾರ್ಥಕ ಸೇವೆನ್ ಕೊರೊಂದುಪ್ಪುನ ಸಂಘ  2023-24 ಆರ್ಥಿಕ
ವರ್ಷಾಂತ್ಯಗ್   18,307 ಸದಸ್ಯರೆಡ್ದ್  4.77 ಕೋ.ರೂ ಪಾಲು ಬಂಡವಾಳ ಪಡೆದುಂಡ್  ಪಂಡುದು ಸೋಮವಾರ ಉಡುಪಿ ನಗರದ ಡಯಾನ ಹೊಟೇಲುಡ್  ನಡತಿನ ಪತ್ರಿಕಾಗೋಷ್ಠಿಡ್  ಆರು ಮಾಹಿತಿನ್  ಕೊರಿಯೆರು.
506.64 ಕೋ.ರೂ ಠೇವಣಿ, 400.68 ಕೋ.ರೂ ಸಾಲ
ವರದಿ ವರ್ಷಾಂತ್ಯಗ್  ಸಂಘ ಒಟ್ಟು ರೂ.506.64 ಕೋಟಿ ಠೇವಣಿ ಸಂಗ್ರಹ ಮಲ್ದಿತ್ತುದ್ , ಕರಿನ  ಸಾಲುಡ್ದ್  ಶೇ.12.23 ಜಾಸ್ತಿ ಆತುಂಡ್. ಸದಸ್ಯರೆಗ್  ಗೃಹನಿರ್ಮಾಣ, ವಾಹನ ಖರೀದಿದ  ಬಗ್ಗೆ, ಜಮೀನು ಖರೀದಿ ಬೊಕ್ಕ ಅಭಿವೃದ್ಧಿದ  ಬಗ್ಗೆ, ವಾಣಿಜ್ಯ ಸಂಕೀರ್ಣ ಬೊಕ್ಕ ವಸತಿ ಸಮುಚ್ಚಿಯ ನಿರ್ಮಾಣದ ಬಗ್ಗೆ, ಸ್ವಉದ್ಯೋಗಗಾದ್ ವಿದ್ಯಾಭ್ಯಾಸ, ಮದಿಮೆ ಚಿನ್ನಾಭರಣದ  ಈಡುದ  ಮಿತ್ತ್   ಮನೆವಾರ್ತೆಲೆಗ್ ಸೂಕ್ತ ದಾಖಲೆನ್  ಪಡೆತೊಂದ್ ಸಾಲನ್  ವಿತರಣೆ ಮಲ್ತೊಂದಿತ್ತುದ್ ವರದಿ ವರ್ಷಾಂತ್ಯಗ್ 400.68 ಕೋ.ರೂ ಸದಸ್ಯರೆನ ಹೊರಬಾಕಿ ಸಾಲ ಉಂಡು. 84.40 ಕೋ.ರೂ ನಿಧಿ  ಇತ್ತುದ್ದು, ರೂ.501.05 ಕೋಟಿ  ಬೆನ್ಪಿನ  ಬಂಡವಾಳ ಆದುಂಡ್. ತನ್ನ ಕಾರ್ಯಕ್ಷೇತ್ರಡ್  11 ಶಾಖೆಲ್  ಇತ್ತುದ್ ಈ ಪೈಕಿ 8 ಶಾಖೆಲು ಸಂಘದ ಸ್ವಂತ ನಿವೇಶನ ಉಂಡು ಪಂಡೆರು.
ಸತತವಾದ್  2 ಸರ್ತಿ ರಾಷ್ಟ್ರ ಪ್ರಶಸ್ತಿ, 8 ಬಾರಿ ರಾಜ್ಯ ಮಟ್ಟದ ಪ್ರಶಸ್ತಿ, 17 ಬಾರಿ ಅವಿಭಜಿತ ದ.ಕ ಜಿಲ್ಲಾ ಪ್ರಶಸ್ತಿಲೆನ್  ಪಡೆತುದು ಯಶಸ್ವೀ ಕ್ರೆಡಿಟ್ ಸೊಸ್ಟಾಟಿಯಾದ್  ಸಂಘ ಗುರುತಿಸಾವೊಂದುಂಡ್. ಕೇವಲ ವ್ಯವಹಾರ ಮಲ್ತುದ್  ಲಾಭ ಗಳಿಸಾವುನ ದೃಷ್ಟಿ ಮಾತ್ರ  ಉಪ್ಪಂದೆ ಸಾಮಾಜಿಕ ಕಳಕಳಿದ ಕಾರ್ಯಕ್ರಮಲೆನ್  ನಿರಂತರವಾದ್  ಆಯೋಜನೆ ಮಲ್ತೊಂದ್  ವಾರ್ಷಿಕ ಸುಮಾರು ರೂ. 20 ಲಕ್ಷದಾತ್ ಶಿಕ್ಷಣದ ಬಗ್ಗೆ, ಆರೋಗ್ಯದ ಬಗ್ಗೆ, ಸಾಮಾಜಿಕ ಕಾರ್ಯಕ್ರಮಲೆಗ್  ತೊಡಗಿಸಾವೊಂದ್  ಬರೊಂದುಂಡ್. ಪ್ರಸ್ತುತ ಉಡುಪಿ ಜಿಲ್ಲೆಯಾದ್ಯಂತ 11 ಶಾಖೆಲು ಇತ್ತುದ್ ವ್ಯವಹಾರ ಮಲ್ತೊಂದುಂಡ್  ಪಂಡೆರು.
ಚೇತನಾ ಮೊಬೈಲ್ ಆ್ಯಪ್
ಡಿಜಿಟಲೀಕರಣದ ಹೆಜ್ಜೆಯಾದ್ ಅಭಿವೃದ್ಧಿ ಆತಿನ “ಚೇತನಾ ಮೊಬೈಲ್ ಆ್ಯಪ್” ಮೂಲಕ ಗ್ರಾಹಕೆರು ಅಕುಲು ಉಪ್ಪುನಲ್ಪನೇ  ತಮ್ಮ ಖಾತೆಡ್ದ್  IMPS/NEFT/RTGS ಮೂಲಕ ಮೊಬಲಗು ವರ್ಗಾವಣೆ, RD ಬೊಕ್ಕ ಸಾಲ ಖಾತೆಲೆಗ್  ಮೊಬಲಗು ವರ್ಗಾವಣೆ , ಸಂಘದ ನೂತನ ಯೋಜನೆದ  ಬಗೆಟ್  ಮಾಹಿತಿಲೆನ್ ತೆರಿಯೊನೊಲಿ, ಸದ್ರಿ ಆ್ಯಪ್ ಬಗ್ಗೆ ಬಳಕೆದಾರೆರೆಗ್ ಎಡ್ಡೆ ಸ್ಪಂದನೆ ಸಿಕ್ಕುದುಂಡ್. ಗೂಗಲ್ ಪ್ಲೇ- ಸ್ಟೋರ್‌ಡ್  ಲಭ್ಯವಿಪ್ಪುನ  ಈ ಆ್ಯಪ್‌ನ ಪ್ರಯೋಜನ ಪಡೆಯುನ ಬಗ್ಗೆ ಬೊಕ್ಕ  ಹೆಚ್ಚಿಗೆ  ಮಾಹಿತಿಗಾದ್  ಪಕ್ಕದ  ಶಾಖೆಗ್ ಪೋದ್ ಮಾಹಿತಿ ಪಡೆತೊನೊಡ್  ಪಂಡೆರು.
ಸಂಘದ ಮಾತಾ  ಶಾಖೆಲೆಡ್  ಗ್ರಾಪಕರೆಗ್  ಬೇತೆ ಬೇತೆ ರೀತಿದ  ಸೇವೆ ಕೊರ್ಪಿನ  ಸಲುವಾದ್ ಇತ್ತೆನೇ ಸೇಪ್ ಲಾಕರ್ ಸೌಲಭ್ಯ, ಇ-ಸ್ಟಾಂಪಿಂಗ್, ಪಾನ್ ಕಾರ್ಡ್, NEFT/RTGS ಸೇವಾ ಸೌಲಭ್ಯ, ಮನಿ ಟ್ರಾನ್ಸ್‌ಫರ್ ಸೌಲಭ್ಯ, ಲಂಬಾರ್ಡ್ ಆರೋಗ್ಯ ಕಾರ್ಡ್, ಮಣಿಪಾಲ ಆರೋಗ್ಯ ಕಾರ್ಡ್, ಆರೋಗ್ಯ ವಿಮೆ, ಸಾಮಾನ್ಯ ವಿಮೆ, “0” ಬ್ಯಾಲೆನ್ಸ್ ವಿದ್ಯಾನಿಧಿ ಖಾತೆ, ಮಿಸ್ಟ್‌ಕಾಲ್ ಸರ್ವಿಸ್, ಉಚಿತ ಎಸ್.ಎಂ.ಎಸ್ ಸೌಲಭ್ಯ ಕೊರೊಂದಿತ್ತುದ್  ಸದಸ್ಯ ಗ್ರಾಹಕೆರು ಈ ಮಾತಾ  ಸೌಲಭ್ಯಲೆನ  ಪ್ರಯೋಜನ ಪಡೆತೊನೊಲಿ  ಪಂಡೆರ್. ದುಂಬುದ ಯೋಜನೆಲು :
ದುಂಬುದ  ವರದಿ ವರ್ಷಡ್  ರೂ.600 ಕೋಟಿ ಠೇವಣಿ, ರೂ.500 ಕೋಟಿ ಹೊರಬಾಕಿ ಸಾಲ ಕೊರ್ಪಿನ  ಯೋಜನೆಲೆನ್  ಆಯೋಜನೆ ಮಲ್ದಿತ್ತುದ್, ಉಡುಪಿದ ಹೃದಯ ಭಾಗಡ್ ಖರೀದಿ ಮಲ್ದಿನ  ಎಕ್ರೆ ಆಸ್ತಿಯಲ್ಲಿ ಅಂದಾಜು ರೂ.10 ಕೋಟಿ ವೆಚ್ಚಡ್  “ಸಹಕಾರ ಸೌಧ” ನಿರ್ಮಾಣದ ಯೋಜನೆನ್  ಆಯೋಜನೆ ಮಲ್ದುಂಡ್. ಸಂಘದ ಸದಸ್ಯಗ್ರಾಹಕೆರೆಗ್  ಉಪಯುಕ್ತ ಆಪಿನ  ಪೊಸ ಪೊಸ ಯೋಜನೆಲೆನ್  ದುಂಬುದ  ದಿನಕ್ಲೆಡ್ ಅನುಷ್ಠಾನ ಮಲ್ಪುನ  ಚಿಂತನೆನ್  ಆಯೋಜನೆ ಮಲ್ದಿತ್ತುದ್ದು ರಾಜ್ಯದ ಪ್ರತಿಷ್ಠಿತ ಸಹಕಾರ ಸಂಸ್ಥೆಯಾದ್  ದುಂಬರಿಪುವರೇ ಸರ್ವೆರೆನ
ಸಹಕಾರನ್ ಕೋರೊಂದುಲ್ಲ  ಪಂಡುದು ಜಯಕರ್ ಶೆಟ್ಟಿ ತೆರಿಪಾಯೆರು. ಪತ್ರಿಕಾಗೋಷ್ಠಿಡ್  ಸಂಘದ ಉಪಾಧ್ಯಕ್ಷೆರಾಯಿನ  ಜಾರ್ಜ್ ಸಾಮ್ಯುಯಿಲ್, ಆಡಳಿತ ಮಂಡಲಿದ  ಸದಸ್ಯೆರಾಯಿನ ಸಂಜೀವ ಕಾಂಚನ್, ಪುರುಷೋತ್ತಮ ಪಿ. ಶೆಟ್ಟಿ, ಉಮಾನಾಥ ಎಲ್. ವಿನಯ ಕುಮಾರ್ ಟಿ.ಎ. ಪದ್ಮನಾಭ ನಾಯಕ್, ಸೈಯದ್ ಅಬ್ದುಲ್ ರಜಾಕ್, ಸದಾಶಿವ ನಾಯ್ಕ, ಮನೋಹರ ಎಸ್. ಶೆಟ್ಟಿ, ಸಾಧು ಸಾಲ್ಯಾನ್, ಜಯಾ ಶೆಟ್ಟಿ, ಗಾಯತ್ರಿ ಎಸ್. ಭಟ್, ಪ್ರಧಾನ ವ್ಯವಸ್ಥಾಪಕೆರಾಯಿನ  ರಾಜೇಶ್ ವಿ. ಶೇರಿಗಾರ್ , ಸಹಾಯಕ ವ್ಯವಸ್ಥಾಪಕ ಪ್ರವೀಣ್ ಕುಮಾರ್ ಉಪಸ್ಥಿತರಿತ್ತೆರು.