ಕಾಪು ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ ಬೊಕ್ಕ ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ ಅಭಿವೃದ್ಧಿ ಸಮಿತಿ ಸಹಕಾರಡ್ ಕ್ಷೇತ್ರದ ಪ್ರಧಾನ ತಂತ್ರಿಲಾಯಿನ ವಿದ್ವಾನ್ ಶ್ರೀ ಕುಮಾರಗುರು ತಂತ್ರಿಲೆನ ನೇತೃತ್ವಡ್ ಮಂಗಳವಾರ ಕಾಂಡೆ ಮಾರಿಯಮ್ಮ ಬೊಕ್ಕ ಉಚ್ಚಂಗಿ ದೇವಿನ್ ಪ್ರಾರ್ಥನೆ ಮಲ್ತುದ್ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವಗ್ ಚಾಲನೆ ಕೊರಿಯೆರ್.
ಅಮ್ಮನ ಭವ್ಯ ಗರ್ಭಗುಡಿತ್ತ ದಿವ್ಯ ಸಾನಿಧ್ಯಡ್ ಎರುಕುಲೆಡ ದತ್ತುದ್ ನವ ಧಾನ್ಯಲೆನ್ ಬಿತ್ತಿಯೆರ್.
ಗಣ್ಯೆರು, ದಾನಿಲು,, ಭಕ್ತೆರೆನ ಸಮ್ಮುಖಡ್ ನೂತನವಾದ್ ನಿರ್ಮಾಣ ಆವರೆಗುಪ್ಪುನ ರಾಜಗೋಪುರ, ಭೋಜನ ಶಾಲೆ ಬೊಕ್ಕ ಸುಸಜ್ಜಿತ ಶೌಚಾಲಯಗ್ ಭೂಮಿ ಪೂಜೆ ನೆರವೇರಿಸಾವುನ ಮೂಲಕ ಶಂಕು ಸ್ಥಾಪನೆ ಮಲ್ತೆರ್.
ಬೊಕ್ಕ ನಡತಿನ ಸಭಾ ಕಾರ್ಯಕ್ರಮಡ್ ಬ್ರಹ್ಮಕಲಶೋತ್ಸವ ಸಮಿತಿ ಬೊಕ್ಕ ಸ್ವರ್ಣ ಗದ್ದುಗೆ ಸಮರ್ಪಣಾ ಸಮಿತಿನ್ ಗಣ್ಯೆರೆನ ಸಮ್ಮುಖಡ್ ಉದಿಪನ ಮಲ್ತೆರ್.
ಈ ಸಂದರ್ಭ ವಾಸ್ತು ತಜ್ಞ ವಿದ್ವಾನ್ ಸುಬ್ರಹ್ಮಣ್ಯ ಭಟ್ ಗುಂಡಿಬೈಲು ಪಾತೆರ್ದ್ಷ ದೇವಸ್ಥಾನ ನಿರ್ಮಾಣ ಕಷ್ಟಕರ ಆಂಡ ಕಷ್ಟಡೇ ಸುಖ, ಸಾರ್ಥಕ್ಯ ಉಂಡು. ಶಾಸ್ತ್ರದ ಪ್ರಕಾರ ಊರು ದೇವಸ್ಥಾನ ಕಟ್ಟೊಡ್. ಅಯಿತ ಫಲ ದೇವಸ್ಥಾನ ಊರುನ್ ಕಟ್ಟುಂಡ್ ಪಂಡೆರ್. ಪಣವು ಇತ್ತುಂಡ ದೇವಸ್ಥಾನ ಆಪುಜಿ, ಇಚ್ಚಾ ಶಕ್ತಿಲಾ ಅಗತ್ಯ. ಕಾಪುದ ಶ್ರೀ ಮಾರಿಯಮ್ಮ ಯುದ್ಧ ದೇವತೆ, ಕರಾವಳಿಡ್ ರಕ್ಷಣೆಗಾದ್ ಸೈನ್ಯದ ನೆಲೆಯ ಭಾಗವಾಯಿನ ದೇವತೆ ಶ್ರೀ ಮಾರಿಯಮ್ಮ. ಕಾಪು ಸುತ್ತಮುತ್ತಲುದ ಸುಮಾರು ಐನಾಜಿ ಕಿಲೋ ಮೀಟರ್ ಕುಂಕುಮ ಬಣ್ಣ ರಕ್ತವರ್ಣದ ಮಣ್ಣುನ್ ನಭ ತೂವೊಲಿ.. ಉಂದು ಮಾರಿಯಮ್ಮ ಇಪ್ಪುನ ಸಂಕೇತ ಪಂಡುದು ಪಂಡೆರು.
ಎಂ ಆರ್ ಜಿ ಗ್ರೂಪ್ ಬೆಂಗಳೂರುದ ಆಡಳಿತ ನಿರ್ದೇಶಕ ಪ್ರಕಾಶ್ ಶೆಟ್ಟಿ ಪಾತೆರ್ದ್ಷ ಕಾಪು ಮಾರಿಯಮ್ಮನ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವಗ್ ಚಾಲನೆ ಸಿಕ್ಕುದಿನ ಸೌಭಾಗ್ಯ. ಬೇತೆ ಬೇತೆ ಧಾರ್ಮಿಕ ಕಾರ್ಯೊಲು ನಡೆದುಂಡ್. ನನ ದುಂಬಗುಲಾ ಕ್ಷೇತ್ರದ ಅಭಿವೃದ್ಧಿಗ್ ಸಹಕಾರ ಕೊರ್ಪೆ ಪಂಡೆರು.
ಕ್ಷೇತ್ರದ ಪ್ರಧಾನ ತಂತ್ರಿ ವಿದ್ವಾನ್ ಕುಮಾರಗುರು ಕ್ಷೇತ್ರಡ್ ನಡತಿನ ಧಾರ್ಮಿಕ ವಿಧಿ ವಿಧಾನಲಾಯಿನ
ಭೂಕರ್ಷಣ ಖನನ, ಹರಣ, ದಾಹ, ಪೂರಣ, ಬೀಜ ವಪನದ ಒಟ್ಟುಗ್ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವನ್ 2025 ರ ಮಾಚ್೯ 2 ಗ್ ನಡಪರೆಗುಂಡ್ ಪಂಡುದು ಘೋಷಣೆ ಮಲ್ತೆರು. ಈ ಸಂದರ್ಭ ಶಂಖನಾದ ಮೊಳಗುಂಡ್.
ಉಂದುವೇ ಪೊರ್ತುಡ್ ಕ್ಷೇತ್ರದ ಬಗೆಟೊ ಆಲ್ಬಂ ಗೀತೆನ್ ಲೋಕಾರ್ಪಣೆ ಮಲ್ತೆರ್.
ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಡ್ ಕಾಪು ಶ್ರೀ ಪೊಸ ಮಾರಿಗುಡಿ ದೇವಸ್ಥಾನ ಅಭಿವೃದ್ಧಿ ಸಮಿತಿ ಅಧ್ಯಕ್ಷೆರಾಯಿನ ಕೆ. ವಾಸುದೇವ ಶೆಟ್ಟಿ ಇತ್ತೆರು.
ಈ ಸಂದರ್ಭ ಉದ್ಯಮಿಲಾಯಿನ ಆನಂದ್ ಎಂ ಶೆಟ್ಟಿ, ರವಿ ಸುಂದರ ಶೆಟ್ಟಿ, ರಂಜನಿ ಸುಧಾಕರ್ ಹೆಗ್ಡೆ, ಸುಜಾತ್ ಶೆಟ್ಟಿ, ಮೊಗವೀರ ಮಹಾಸಭಾದ ಅಧ್ಯಕ್ಷ ಜಯ ಸಿ ಕೋಟ್ಯಾನ್, ದೇವಳದ ಪ್ರಧಾನ ಅರ್ಚಕ ವೇ.ಮೂ. ಕೆ. ಶ್ರೀನಿವಾಸ ತಂತ್ರಿ, ಹುಬ್ಬಳ್ಳಿ ಧಾರವಾಡ ಬಂಟರ ಸಂಘದ ಅಧ್ಯಕ್ಷ ಸುಗ್ಗಿ ಸುಧಾಕರ್ ಶೆಟ್ಟಿ, ಮುಂಬೈ ಉಚ್ಛ ನ್ಯಾಯಾಲಯದ ನ್ಯಾಯವಾದಿ ಮಹೇಶ್ ಕೋಟ್ಯಾನ್, ಅಭಿವೃದ್ಧಿ ಸಮಿತಿದ ಆಫ್ರಿಕಾ ಘಟಕದ ಅಧ್ಯಕ್ಷ ಮಹೇಶ್ ಕುಮಾರ್,ಯೋಗೀಶ್‌ ಶೆಟ್ಟಿ ಬಾಲಾಜಿ, ರಮೇಶ್ ಹೆಗ್ಡೆ, ಕಾಪು ದಿವಾಕರ್ ಶೆಟ್ಟಿ, ಮಾಧವ ಪಾಲನ್, ಡಾ. ದೇವಿ ಪ್ರಸಾದ್ ಶೆಟ್ಟಿ, ಮನೋಹರ್ ಶೆಟ್ಟಿ, ಕಾರ್ಯನಿರ್ವಹಣಾಧಿಕಾರಿ ರವಿಕಿರಣ್ ಉಪಸ್ಥಿತರಿತ್ತೆರು.
ರೇಣುಕಾ ಜೋಗಿ ಪ್ರಾರ್ಥನೆ ಮಲ್ತೆರು. ದೇವಳದ ಅಭಿವೃದ್ಧಿ ಸಮಿತಿ ಅಧ್ಯಕ್ಷೆರಾಯಿನ ಕೆ. ವಾಸುದೇವ ಶೆಟ್ಟಿ ಸ್ವಾಗತ ಮಲ್ತೆರು.
ಕಾರ್ಯಕ್ರಮನ್ ಸತೀಶ್ ಶೆಟ್ಟಿ ಗುಡ್ಡೆಚ್ಚಿ ನಿರೂಪಣೆ ಮಲ್ತೆರು. ಸಮಿತಿ ಉಪಾಧ್ಯಕ್ಷ ಕಾಪು ದಿವಾಕರ ಶೆಟ್ಟಿ ಸೊಲ್ಮೆ ಸಂದಾಯ್ತ ಮಲ್ತೆರು.
by 