ಮಲ್ಪೆ ಮೀನುಗಾರರ ಉತ್ಪಾದಕರ ಕಂಪೆನಿದ ವರ್ಷದ ಸಾಮಾನ್ಯ ಸಭೆ & ಷೇರು ಪ್ರಮಾಣ ಪತ್ರ ವಿತರಣೆ.

ಕರ್ನಾಟಕ ಸರಕಾರ, ಜಲಾನಯನ ಅಭಿವೃದ್ಧಿ ಇಲಾಖೆ ಮೀನುಗಾರಿಕಾ ಇಲಾಖೆ & ಸ್ಕೊಡ್ವೆಸ್ ಸಂಸ್ಥೆ ಶಿರಸಿದ ಸಹಯೋಗಡ್ ರಚನೆ ಆಯಿನ ಮಲ್ಪೆ ಮೀನುಗಾರೆರೆನ ಉತ್ಪಾದಕ ಕಂಪೆನಿದ 2022-23 ನೇ ಸಾಲುದ ಸರ್ವ ಸದಸ್ಯೆರೆನ ವರ್ಷದ ಸಾಮಾನ್ಯ ಸಭೆ ಸೆಪ್ಟೆಂಬರ್ 22 ತಾರೀಕುದಾನಿ ಮಲ್ಪೆ ಮೀನುಗಾರ ಸಂಘದ ಸಮುದಾಯ ಭವನಡ್ ನಡತುಂಡ್.ಉಡುಪಿ ಶಾಸಕೆರಾಯಿನ ಯಶ್ಪಾಲ್ ಸುವರ್ಣ ಕಾರ್ಯಕ್ರಮನ್ ಉದಿಪನ ಮಲ್ತುದ್ ಷೇರು ಪ್ರಮಾಣ ಪತ್ರ ವಿತರಣೆ ಮಲ್ತೆರ್.ಕಂಪೆನಿದ ಆಡಳಿತ ಮಂಡಳಿದ ಪರವಾದ್ ಶಾಸಕೆರೆಗ್ ಮಾನಾದಿಗೆ ನಡತುಂಡ್.ಈ ಪೊರ್ತುಡ್ ಶಾಸಕೆರ್ ಪಾತೆರ್ದ್ ಸರಕಾರ ಬೊಕ್ಕ ಮೀನುಮಾರಾಟ ಫೆಡರೇಶನ್ ದ ವತಿಡ್ದ್ ಅಗತ್ಯವಾಯಿನ ಸಹಕಾರೊನ್ ಕೊರ್ಪಾವೆ ಪಂಡುದ್ ಭರವಸೆನ್ ಕೊರಿಯೆರ್.ಕಂಪೆನಿದ ಅಧ್ಯಕ್ಷೆರಾಯಿನ ವನಜಾ ಜೆ.ಪುತ್ರನ್ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತುದ್ ಪ್ರಾಸ್ತಾವಿಕ ಪಾತೆರಿಯೆರ್.

ಮಲ್ಲ ಬಿನ್ನೆರಾದ್ ಮಲ್ಪೆ ಮೀನುಗಾರರ ಸಂಘದ ಅಧ್ಯಕ್ಷೆರಾಯಿನ ದಯಾನಂದ ಸುವರ್ಣ, ಮಲ್ಪೆ ಮೀನುಗಾರ ಮಹಿಳಾ ಸಹಕಾರಿ ಸಂಘದ ಅಧ್ಯಕ್ಷೆರಾಯಿನ ಸುಮಿತ್ರ ಕುಂದರ್, ಸ್ಕಾಡ್ವೆಸ್ ಸಂಸ್ಥೆ ಶಿರಸಿದ ಉಡುಪಿ ಜಿಲ್ಲಾ ಸಂಯೋಜಕೆರಾಯಿನ ಗಂಗಾಧರ ನಾಯ್ಕ್ ಉಪಸ್ಥಿತರಿತ್ತೆರ್.ಕಂಪೆನಿದ ಮುಖ್ಯ ಕಾರ್ಯನಿರ್ವಾಹಷಾಧಿಕಾರಿಲಾಯಿನ ವಿಷ್ಣುಪ್ರಸಾದ್ ಕೆ‌ಕಾಮತ್ ಸ್ವಾಗತ ಮಲ್ತುದ್ ವರ್ಷದ ವರದಿನ್ ಮಂಡಿಸಾಯೆರ್.ಸಭೆಟ್ ಪಿ.ಎಮ್.ಎಫ್.ಎಮ್. ಯೋಜನೆದ ಮಾಹಿತಿ ಕಾರ್ಯಕ್ರಮೊನ್ ಜಿಲ್ಲಾ ಸಂಯೋಜಕೆರಾಯಿನ ಸೂರಜ್ ಶೆಟ್ಟಿ ನಡಪಾದ್ ಕೊರಿಯೆರ್.ನಿರ್ದೇಶಕೆರಾಯಿನ ಪೂರ್ಣಿಮಾ ಕಾರ್ಯಕ್ರಮದ ಸುರುಕ್ ದೇವೆರೆನ್ ಸುಗಿತೆರ್.ಜಯಂತಿ ಕೆ.ಸಾಲ್ಯಾನ್ ಧನ್ಯವಾದ ಕೊರಿಯೆರ್.