ಬೇಡಿಕೆ ಈಡೇರಿಕೆಗ್ ಗ್ರಾ.ಪಂ. ನೌಕರೆರೆನ ಆಗ್ರಹ

ಮಾ. 1ಡ್ದ್  ಕಪ್ಪು ಕುಂಟು/ಪಟ್ಟಿ ಪಾಡ್ದ್  ಪ್ರತಿಭಟನೆ.

ಬೆಂಗಳೂರು, ಫೆ. 23: ಗ್ರಾಮ ಪಂಚಾಯತ್ ನೌಕರೆರು

ಅಕಲೆಗಾಪಿನ ಬೇನೆ, ಶೋಷಣೆ ಬೊಕ್ಕ ಸಮಸ್ಯೆಲೆನ ವಿರುದ್ಧ ಮಾ. 1ಡ್ದ್  ಸಾರ್ವಜನಿಕ ಸೇವೆಲೆಗ್ ಒವ್ವೇ  ರೀತಿಡ್  ವ್ಯತ್ಯಯ ಆವಂದಿಲೆಕ್ಕ  ಕಚೇರಿಡ್ ಕಪ್ಪು ಕುಂಟು/ಪಟ್ಟಿ ಪಾಡುದ್  ಇಲಾಖೆಡ್ದ್  ಬೇಡಿಕೆ ಈಡೇರುನ ಮುಟ ಶಾಂತಿಯುತ ಪ್ರತಿಭಟನೆ ಮಲ್ಪರೆಗುಲ್ಲೆರ್ ಪಂಡುದು ಕರ್ನಾಟಕ · ರಾಜ್ಯ ಗ್ರಾಮ ಪಂಚಾಯತ್ ನೌಕರೆರೆನ  ಶ್ರೇಯೋಭಿವೃದ್ಧಿ ಸಂಘದ ಅಧ್ಯಕ್ಷ ಡಾ| ದೇವಿಪ್ರಸಾದ್ ಬೊಳ್ಳ  ತೆರಿಪಾದೆರು.

ರಾಜ್ಯದ ಗ್ರಾ.ಪಂ.ಲೆಡ್ ಸೇವೆ ಮಲ್ತೊಂದುಪ್ಪುನ ನೌಕರೆರು ಸಂಘಟನೆದ  ಮೂಲಕ ಕೆಲವಾರು ಬೇಡಿಕೆಲೆನ್ ಇಲಾಖೆಗ್ ಮಂಡಿಸಾವೊಂದ್  ಬೈದೆರ್. ಆಂಡ ಇಲಾಖೆ ಪಂಚಾಯತ್ ನೌಕರೆರೆನ ಮೂಲ ಬೇಡಿಕೆಲಾಯಿನ ಕನಿಷ್ಠ ವೇತನ ಬದಲು ವೇತನ ಶ್ರೇಣಿ, ಅನುಮೋದನೆ ಆವಂದೆ ಇಪ್ಪುನ  ನೌಕರೆರೆಗ್  ಜಿಲ್ಲಾ ಪಂಚಾಯತ್ ಅನುಮೋದನೆ, ಜೇಷ್ಠತಾ ಪಟ್ಟಿಡುಪ್ಪುನ ನೌಕರೆರೆಗ್ ಸಕಾಲಡ್  ಮುಂಭಡ್ತಿ, ನಿವೃತ್ತಿಡ್  ಆರ್ಥಿಕವಾದ್ ಭದ್ರತೆಲೆನ್ ಈಡೇರಿಸಾವಂದೆ  ಬೆನ್ಪಾವೊಂದುಲ್ಲೆರ್ ಪಂಡುದ್ ಆರ್ ಪಂತೆರ್ .

ಪ್ರಮುಖ ಬೇಡಿಕೆಲು

ಗ್ರಾ.ಪಂ. ನೌಕರೆರೆಗ್ ಕನಿಷ್ಠ ವೇತನ ಬದಲು ಗ್ರಾಮೀಣಾಭಿವೃದ್ಧಿ ಪಂಚಾಯತ್ ರಾಜ್ ಇಲಾಖೆಯಡಿ ‘ಸಿ’ ಬೊಕ್ಕ ‘ಡಿ’ ದರ್ಜೆದ ವೇತನ ಶ್ರೇಣಿ ನಿಗದಿಮಲ್ಪೊಡ್. ಮುಪ್ಪ  ವರ್ಷಡಿಂಚಿ  ಆರೋಗ್ಯ ಭದ್ರತೆ ಇಜ್ಜಿ. ಅಂಚಾದ್ ಆರೋಗ್ಯ ಭದ್ರತೆ ಒದಗಿಸಾವೊಡ್. ನಿವೃತ್ತಿ ಆಯಿನಪಗ ಮಾಸಿಕ ನಿವೃತ್ತಿ ಉಪಧನ ಮಂಜೂರು ಮಲ್ಪೊಡ್. ಜಿ.ಪಂ. ‘ಅನುಮೋದನೆಯಾವಂದೆ  ರಾತ್ರೆಪಗೆಲ್ ಬೇಲೆ ಮಲ್ಪುನ  ಮಾತಾ  ಗ್ರಾ.ಪಂ. ಬೇಲೆದಕ್ಲೆಗ್  ಜಿ.ಪಂ. ಅನುಮೋದನೆ ಒದಗಿಸಾವೊಡ್. ಜಿ.ಪಂ. ಜೇಷ್ಠತಾ ‘ಪಟ್ಟಿಡುಪ್ಪುನ  ಮಾತೆರೆಗುಲಾ  ಗ್ರಾ.ಪಂ. ನೌಕರ ಹುದ್ದೆಡ್  ಗ್ರೇಡ್-2 ಕಾರ್ಯದರ್ಶಿ ಬೊಕ್ಕ  ಲೆಕ್ಕ ಸಹಾಯಕ ಹುದ್ದೆಗ್ ಮುಂಭಡ್ತಿ ಕೊರೊಡುಂದ್   ದೇವಿಪ್ರಸಾದ್ ಅವರು ಆಗ್ರಹ ಮಲ್ದೆರ್.