ಮುದ್ರಕರ ದಿನಾಚರಣೆ

ಉಡುಪಿ : ಉಡುಪಿ ಜಿಲ್ಲಾ ಮುದ್ರಣಾಲಯ  ಮಾಲಕರ ಸಂಘ (ರಿ) ಇದರ ವತಿಡ್ದ್ ಫೆಬ್ರವರಿ 24ಗ್  ಉಡುಪಿ ಪುರಭವನಡ್  “ಮುದ್ರಕರ ದಿನಾಚರಣೆ” ಕಾರ್ಯಕ್ರಮ ನಡತುಂಡ್.
ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಜಾನಪದ ವಿದ್ವಾಂಸರಾಯಿನ  ಶ್ರೀ ಬನ್ನಂಜೆ ಬಾಬು ಅಮೀನ್ ಮೇರು ಕಾರ್ಯಕ್ರಮ  ಉದಿಪನ ಮಲ್ತುದ್ ಪಾತೆರಿಯೆರು.
ಜಿಲ್ಲಾ ಕಾರ್ಮಿಕ ಅಧಿಕಾರಿಲಾಯಿನ  ಶ್ರೀ ಕುಮಾರ್ ಬಿ. ಆರ್. ಮತ್ತು ಗ್ಯಾಲಕ್ಸಿ ಇಮೇಜಿಂಗ್ ಟೆಕ್ನಾಲಜೀಸ್ ಬೆಂಗಳೂರುದ  ಬಿಸಿನೆಸ್ ಮೆನೇಜರ್ ಶ್ರೀ ಎನ್. ಮೋಹನ್‌  ಮುಖ್ಯ ಅತಿಥಿಲಾದಿತ್ತೆರು.
ಕರ್ನಾಟಕ ರಾಜ್ಯ ಮುದ್ರಣಕಾರರ ಸಮನ್ವಯ ಸಮಿತಿದ ಸಂಚಾಲಕರಾಯಿನ  ಶ್ರೀ ಮಹೇಶ್ ಕುಮಾರ್, ಸಹಸಂಚಾಲಕರಾಯಿನ ಶ್ರೀ ಅಶೋಕ್ ಶೆಟ್ಟಿ, ಮುದ್ರಕರ ಸೌಹಾರ್ದ ಸಹಕಾರಿ ಸಂಘ ನಿ. ಉಡುಪಿದ ಅಧ್ಯಕ್ಷರಾಯಿನ  ಶ್ರೀ ಬಿ. ಜಿ. ಸುಬ್ಬರಾವ್ ಸಂದರ್ಭೋಚಿತವಾದ್ ಪಾತೆರಿಯೆರು.
ಮುದ್ರಣಾಲಯದ ಹಿರಿಯ ಮಾಲಕರ  ನೆಲೆಟ್ ಬೈಂದೂರು ಉಪ್ಪುಂದದ ವಿನಾಯಕ ಪ್ರಿಂಟರ್ಸ್ ಮಾಲಕರಾಯಿನ  ಶ್ರೀ ಗೋಪಾಲ ಶೆಟ್ಟಿ ಮೆರೆನ್ ಸನ್ಮಾನ ಮಲ್ತೆರ್. ಸಂಘದ ಸಮಿತಿ ಸದಸ್ಯರಾಯಿನ ಸಂತೋಷ್ ಕುಮಾರ್ ಉದ್ಯಾವರ ಮೇರು ಸನ್ಮಾನಪತ್ರ ಓದಿಯೆರು.
ಸಂಘದ ಜಿಲ್ಲಾಧ್ಯಕ್ಷರಾಯಿನ ಶ್ರೀ ಪ್ರಕಾಶ್ ಕೊಡವೂರು ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತೆರು. ಬೇತೆ ಬೇತೆ ವಲಯದ  ಅಧ್ಯಕ್ಷೆರಾಯಿನ  ಶ್ರೀ ಪ್ರಶಾಂತ್ ನಾಯ್ಕ್, ಶ್ರೀ ಹೆಚ್. ವಾಸುದೇವ ವರ್ಣ, ಶ್ರೀ ಪ್ರವೀಣ್ ಶೆಣೈ ಮತ್ತು ಶ್ರೀ ಸುಧೀರ್ ಡಿ. ಬಂಗೇರ ವೇದಿಕೆಡ್ ಉಪಸ್ಥಿತರಿತ್ತೆರು.
ಕುಮಾರಿ ಕೃತಿ ಎಸ್. ಆಚಾರ್ಯ ಪ್ರಾರ್ಥನೆ ಮಲ್ತೆರು. ಇಂಚಪ್ಪೊಗ್  ತೀರಿನ ಮುದ್ರಣಾಲಯಗಳ ಮಾಲಕರ ಸದ್ಗತಿಗಾದ್  ಮೌನ ಪ್ರಾರ್ಥನೆ ಮಲ್ತೆರ್.
ಸಂಘದ ಮಾಜಿ ಅಧ್ಯಕ್ಷರಾಯಿನ  ಶ್ರೀ ರಮೇಶ್ ತಿಂಗಳಾಯ  ಸ್ವಾಗತ ಮಲ್ತೆರು. ಜಿಲ್ಲಾ ಕಾರ್ಯದರ್ಶಿ ಶ್ರೀ ಜಿ. ಎಂ. ಶರೀಫ್ ಧನ್ಯವಾದ ಮಲ್ತೆರು. ಉಡುಪಿ ವಲಯ ಕಾರ್ಯದರ್ಶಿ ಶ್ರೀ ಶಿವಪ್ರಸಾದ್ ಶೆಟ್ಟಿ  ಕಾರ್ಯಕ್ರಮ ನಿರೂಪಣೆ ಮಲ್ತೆರು.