ಇಂಚರ ಸರ್ಜಿಕಲ್ ಕ್ಲಿನಿಕ್ ಪ್ರಬಂಧ ಸ್ಪರ್ಧೆ, ವಿದ್ಯಾರ್ಥಿ ವೇತನ ವಿತರಣೆ

ಶ್ರೀ ಎಲ್ಲೂರು ಲಕ್ಷ್ಮೀನಾರಾಯಣರಾವ್ ಜ್ಯೋತಿಷ್ಕ ಮೆಮೋರಿಯಲ್ ಚಾರಿಟೇಬಲ್ ಟ್ರಸ್ಟ್ ಬೊಕ್ಕ ಇಂಚರ ಸರ್ಜಿಕಲ್ ಕ್ಲಿನಿಕ್ ಉಡುಪಿದ ಜಂಟಿ ಆಶ್ರಯಡ್  19.05.2024ಐತಾರದಾನಿ ಪ್ರಬಂಧ ಸ್ಪರ್ಧೆ ಬೊಕ್ಕ ವಿದ್ಯಾರ್ಥಿ ವೇತನ ವಿತರಣಾ ಕಾರ್ಯಕ್ರಮ ನಡತುಂಡ್. ಪತ್ತನೇ, ಪತ್ತೊಂಜನೇ  ಬೊಕ್ಕ  ಪದಿರಾಡನೇತ್ತ   ಕಲ್ಪಾರ್ತಿಲೆಗ್  ಕನ್ನಡ ಬೊಕ್ಕ  ಇಂಗ್ಲಿಷ್ ಭಾಷೆಡ್  ಶ್ರೀ ಆದಿಶಂಕರಚಾರ್ಯರ ಸಂಕ್ಷಿಪ್ತ ಜೀವನ ಚರಿತ್ರೆ ಪನ್ಪಿನ ವಿಷಯದ ಬಗ್ಗೆ  ಪ್ರಬಂಧ ಸ್ಪರ್ಧೆನ್ ಮಲ್ದಿತ್ತೆರ್. ಉಡುಪಿ ಬೊಕ್ಕ  ದಕ್ಷಿಣ ಕನ್ನಡ ಜಿಲ್ಲೆದ ವಿದ್ಯಾರ್ಥಿಲು ಪಾಲ್ ಪಡೆದಿತ್ತೆರು. ಕಾಂಡೆ 9 ಗಂಟೆಗ್ ಶ್ರೀ ಶಂಕರಾಚಾರ್ಯರೆನ ಚಿತ್ರಗ್  ದೀಪ ಪ್ರಜ್ವಲನ ಬೊಕ್ಕ ಪುಷ್ಪಾರ್ಚನೆ ಸಲ್ಲಿಸಾದ್ ಶ್ರೀ ಸ್ಥಾನಿಕ ಬ್ರಾಹ್ಮಣ ಮಹಾಮಂಡಲ ಮಂಗಳೂರು(ರಿ)ದ  ಅಧ್ಯಕ್ಷೆರಾಯಿನ  ಶ್ರೀ ಕೆ ಮಂಜುನಾಥ್ ಹೆಬ್ಬಾರ್ ಮೇರು ಕಾರ್ಯಕ್ರಮನ್ ಉದಿಪನ ಮಲ್ತೆರು. ಉಡುಪಿದ ಶ್ರೀ ಶಾರದಾ ಮಂಟಪದ ಕಾರ್ಯದರ್ಶಿಲಾಯಿನ  ಶ್ರೀ ಪ್ರಭಾಕರ ಭಂಡಿ ಉಪಸ್ಥಿತರಿತ್ತೆರು. ಪಃತೊಡ್ ಪಾಲ್ ಪಡೆಯಿನ ವಿದ್ಯಾರ್ಥಿನಿ ಹರ್ಷಿತಾ ರಚನೆ ಮಲ್ದಿನ  ಶ್ರೀ ಶಂಕರಾಚಾರ್ಯರ ಸುಂದರ ಚಿತ್ರನ್  ಸಹ ಪೂಜಾ ಪೀಠಡ್  ದೀಯೆರ್..ಬೊಕ್ಕ 9:30 ಡ್ದ್  11 ಗಂಟೆ ಮುಟ್ಟ   ಪ್ರಬಂಧ ಸ್ಪರ್ಧೆಯ ಬರವಣಿಗೆ  ನಡತುಂಡ್. 11 ಡ್ದ್  12 ಗಂಟೆ  ಮುಟ್ಟ  ಶ್ರೀ ಶಾರದಾ ಭಜನಾ ಮಂಡಳಿ ಕುಂಜಿಬೆಟ್ಟು ಉಡುಪಿ ಮೊಕುಲಃ ಶ್ರೀಶಂಕರಾಚಾರ್ಯ ವಿರಚಿತ ಐನ್  ಸ್ತೋತ್ರಲೆನ್  ಸುಷ್ರಾವ್ಯವಾದ್ ಪಂಡೆರ್..ವಿದ್ಯಾರ್ಥಿಲು  ಬೊಕ್ಕ ಪೋಷಕೆರು ಇತ್ತೆರು. ಬೊಕ್ಕ ಸ್ಪರ್ಧೆಡ್  ಪಾಲ್ ಪಡೆಯಿನ  ವಿದ್ಯಾರ್ಥಿಲು ಬೊಕ್ಕ ಅಕ್ಲೆನ  ಪೋಷಕೆರು ತಮ್ಮ ಅನಿಸಿಕೆನ್ ಕೊರ್ದ್  ಈ ಪ್ರಬಂಧ ಸ್ಪರ್ಧೆಡ್  ಪಾಲ್ ಪಡೆದ್  ಇಲ್ಲದಕ್ಲೆಗ್  ಶ್ರೀ ಶ್ರೀ ಶಂಕರಾಚಾರ್ಯರ ಮಹಾನ್ ವ್ಯಕ್ತಿತ್ವದ ಪರಿಚಯವಾಂಡ್ ಪಂಡೆರು. ಬೊಕ್ಕ ನಡತಿನ  ಸಭಾ ಕಾರ್ಯಕ್ರಮಡ್ ಉಡುಪಿ ಜಿಲ್ಲೆದ  ಶಂಕರ ತತ್ವ ಪ್ರಚಾರ ಸಮಿತಿದ ಸಂಚಾಲಕೆರಾಯಿನ  ಶ್ರೀ ಟಿ ವಿಶ್ವನಾಥ ಶಾನಭಾಗ್ ಬೊಕ್ಕ ಉಡುಪಿ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷೆರಾಯಿನ  ಶ್ರೀ ರವಿರಾಜ್ ಹೆಚ್ ಪಿ ಮೊಕುಲು ಮುಖ್ಯ ಅತಿಥಿಲಾದ್  ಇತ್ತೆರು. ಶ್ರೀ ಟಿ ವಿಶ್ವನಾಥ ಶಾನುಭಾಗ್  ಪಾತೆರ್ದ್  ಶ್ರೀ ಶಂಕರೆರು ರಡ್ಡ್  ಜೀವಲೆಡ್ ಭೇದ ಇಜ್ಜಿ ಪಂಡುದ್  ಅದ್ವೈತ ತತ್ವನ್  ಪ್ರಚಾರ ಮಲ್ತಿನಾರ್ , ಅಂಚಾದ್  ಅರೆನ  ಜಯಂತಿದ ಆಚರಣೆನ್  ಜಾತಿ ಮತ ಭೇದ ಇಪ್ಪಂದೆ ಮಾತೆರ್ಲ ಇಲ್ಲಡ್  ಆಚರಣೆ ಮಲ್ಪೊಡ್  ಪಂಡುದು ಲೆಪ್ಪು ಕೊರಿಯೆರು. ಶ್ರೀ ರವಿರಾಜ್ ಹೆಚ್‍ ಪಿ  ಪಾತೆರ್ದ್  ಈ ಕಾರ್ಯಕ್ರಮ  ದುಂಬುದ ವರ್ಷಲೆಡ್  ನನಲಾತ್  ಕೆಲವು ಸಂಘಟನೆದೊಟ್ಟುಗ್ ಸೇರೊಂದ್  ಮಲ್ಲ  ಮಟ್ಟಡ್  ಆಚರಣೆ ಮಲ್ಪುಲೆಕ್ಕ ಆವಡ್ ಪಂಡುದು ಲೆಪ್ಪು  ಕೊರಿಯೆರು . ಇಂಚರ ಸರ್ಜಿಕಲ್ ಕ್ಲಿನಿಕ್ ನ ನಿರ್ದೇಶಕೆರಾಯಿನ ಡಾ ವೈ ಸುದರ್ಶನ ರಾವ್  ಸ್ವಾಗತ ಮಲ್ತೆರು.ಶ್ರೀ ಎಲ್ಲೂರು ಲಕ್ಷ್ಮಿ ನಾರಾಯಣರಾವ್ ಜ್ಯೋತಿಷ್ಕ ಮೆಮೋರಿಯಲ್ ಚಾರಿಟೇಬಲ್ ಟ್ರಸ್ಟ್ ದ  ಟ್ರಸ್ಟಿಲಾಯಿನ ಶ್ರೀ ವೈ ಭುವನೇಂದ್ರ ರಾವ್, ಶ್ರೀ ವೈ ಶಾಂತಿನಾಥ ರಾವ್ ದಿವಂಗತ ಸಾತ್ವಿಕ್ ಶಾಸ್ತ್ರಿ ಸ್ಮಾರಕ ವಿದ್ಯಾರ್ಥಿ ವೇತನನ್  ವಿತಲಣೆ ಮಲ್ತೆರು.ಪ್ರಬಂಧ ಸ್ಪರ್ಧೆಡ್  ಸುರುತ್ತ  ಸ್ಥಾನನ್  ಪಡೆಯಿನ ದಂಡ ತೀರ್ಥ ಪದವಿ ಪೂರ್ವ ಕಾಲೇಜಿದ ವಿದ್ಯಾರ್ಥಿನಿಯಾಯಿನ  ಕುಮಾರಿ ದಿವ್ಯ ಲಕ್ಷ್ಮಿ ಗ್   ಶ್ರೀ ಟಿ ವಿಶ್ವನಾಥ ಶಾನುಭಾಗ್ ಮೇರ್ ಇನಾಮು ಕೊರಿಯೆರ್. ರಡ್ಡನೇ  ಸ್ಥಾನ ಪಡೆಯಿನ  ಪೂರ್ಣಪ್ರಜ್ಞ ಪದವಿ ಪೂರ್ವ ಕಾಲೇಜಿದ  ವಿದ್ಯಾರ್ಥಿನಿ ರಮ್ಯ ಕೆ ಮೆರೆಗ್ ಶ್ರೀ ರವಿರಾಜ್ ಟಿ ಪಿ ಮೇರು ಪ್ರಶಸ್ತಿನ್  ಕೊರಿಯೆರು. ಡಾ. ವೈ ರವೀಂದ್ರನಾಥ ರಾವ್, ಶ್ರೀ ವೈ ಭುವನೇಂದ್ರ ರಾವ್, ಶ್ರೀಮತಿ ಮೀರಾ ರಾಜೇಶ್  ತೀರ್ಪುಗಾರೆರಾದ್ ಸಹಕಾರ ಮಲ್ತೆರು.  . ಕಾರ್ಯಕ್ರಮದ ಸಂಚಾಲಕಿಯಾಯಿನ  ಡಾ| ವಿದ್ಯಾ ಎಸ್ ರಾವ್ ಮೇರು  ಸೊಲ್ಮೆ ಸಂದಾಯ್ತ ಮಲ್ತೆರ್..ಶ್ರೀಮತಿ ಸುನಿತಾ ಪ್ರಸಾದ್ ರಾವ್  ಕಾರ್ಯಕ್ರಮದ  ನಿರೂಪಣೆ ಮಲ್ತೆರು.