ಬ್ರಾಹ್ಮಣ ಮಹಾಸಭಾ ರಿ. ಪುತ್ತೂರು 20ನೇ ವರ್ಷದ ಉಚ್ಚಯ.

ಬ್ರಾಹ್ಮಣ ಮಹಾಸಭಾ ಪುತ್ತೂರು ವತಿಡ್ದ್   20ನೇ ವಾರ್ಷಿಕೋತ್ಸವ ಸಮಾರಂಭ ಪುತ್ತೂರುದ ಶ್ರೀ ಭಗವತೀ ಸಭಾಗೃಹಡ್  ನಡತುಂಡ್. ಭಾವಿಪರ್ಯಾಯ ಶ್ರೀ ಶೀರೂರು ಮಠಾಧೀಶೆರಾಯಿನ ಪರಮಪೂಜ್ಯ ಶ್ರೀ ಶ್ರೀ ವೇದವರ್ಧನ ತೀರ್ಥ ಶ್ರೀಪಾದೆರು ಸಮಾರಂಭನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರು. ಆರು ಪಾತೆರ್ದ್  ಇನಿತ್ತ  ಯುವ ಪೀಳಿಗೆ ಸಂಘಟನೆಡ್ದ್ ವಿಮುಖರಾವೊಂದುಲ್ಲೆರ್. ದುಂಬುದ  ದಿನಟ್  ಅಕ್ಲೆನ್ ಸೇರ್ಪಾವೊಂದ್ ದುಂಬರಿಂಡ ವಿಪ್ರ ಸಂಘಟನೆಲು ಸದ್ರಢ ಆಪಿನೇಟ್ ಸಂಶಯ ಇಜ್ಜಿ ಪಂಡೆರ್.

. ಗಾಂಧಿ ಆಸ್ಪತ್ರೆದ  ವೈದ್ಯಕೀಯ ನಿರ್ದೇಶಕ ಡಾ. ಹರಿಶ್ಚಂದ್ರ, ಉಡುಪಿ ಜಿಲ್ಲಾ ಬ್ರಾಹ್ಮಣ ಮಹಾಸಭಾ ಅಧ್ಯಕ್ಷ ಶ್ರೀ ಸಂದೀಪ್ ಕುಮಾರ್ ಮಂಜ,ಉಡುಪಿ ತಾಲೂಕು ಬ್ರಾಹ್ಮಣ ಮಹಾಸಭಾ ಅಧ್ಯಕ್ಷ ಶ್ರೀ ಮಂಜುನಾಥ ಉಪಾಧ್ಯಾಯ ಪರ್ಕಳ ಮುಖ್ಯ ಅತಿಥಿಲಾದ್  ಉಪಸ್ಥಿತರಿತ್ತುದ್ ಶುಭಾಶಂಸನೆ ಮಲ್ತೆರು. ಮಸ್ತ್  ವರ್ಷಡಿಂಚಿ  ಗೋಸೇವೆ ಮಲ್ತೊಂದುಪ್ಪುನ ಸುಜಾತ ಬಾಲಕೃಷ್ಣ ಪುತ್ತೂರು, ರವಿಕಾಂತ್ ಭಟ್ ನಿಟ್ಟೂರು, ರಾಧಾಕೃಷ್ಣ ಭಟ್ ಪುತ್ತೂರು ಮೊಕ್ಲೆನ್ ಸನ್ಮಾನ ಮಲ್ತುದ್  ಪ್ರೋತ್ಸಾಹ ಮಲ್ತೆರ್. 2023-24 ನೇ ಸಾಲುದ ಎಸ್.ಎಸ್.ಎಲ್.ಸಿ. ಬೊಕ್ಕ  II ಪಿಯುಸಿ ಪರೀಕ್ಷೆಡ್ ಉನ್ನತ ಶ್ರೇಣಿಡ್  ಪಾಸಾಯಿನ  ವಲಯದ ವಿದ್ಯಾರ್ಥಿಲಾಯಿನ  ಭಾರ್ಗವಿ ರಾವ್ ಜಿ, ಕಾರುಣ್ಯ ಸೋಮಯಾಜಿ, ಮಾನ್ಯ ತಂತ್ರಿ ಪುತ್ತೂರು, ನೀರಜ್ ಬಾಲಾಜಿ ಬಾಲ್ತಿಲ್ಲಾಯ, ಸಂಚಿತಾ ಜಿ. ಭಟ್, ಅಂಕಿತಾ ಭಟ್, ಮಹಿಮಾ ರಾವ್, ವೈಭವಿ ಆಚಾರ್ಯ, ಪ್ರಮಥ್ ಭಾಗವತ್ ಮೊಕ್ಲೆಗ್ ಪ್ರತಿಭಾ ಪುರಸ್ಕಾರ ಕೊರಿಯೆರ್. ಆಪತ್ಬಾಂಧವ ಸಮಿತಿದ ವತಿಡ್ದ್  ಅಶಕ್ತೆರೆಗ್ ವೈದ್ಯಕೀಯ ಧನಸಹಾಯವಾದ್  ರೂ.30,000 ಹಸ್ತಾಂತರ ಮಲ್ತೆರ್. ಆಪದ್ಬಾಂಧವ ಸಮಿತಿಗ್    ಧನಸಹಾಯ ಕೊರಿನ ದಾನಿಲೆನ್  ಗುರುತಿಸಾದ್  ಮಾನಾದಿಗೆ ಮಲ್ತೆರ್. ವಾರ್ಷಿಕೋತ್ಸವದ ಪ್ರಯುಕ್ತ   ಸಾಂಸ್ಕೃತಿಕ ಬೊಕ್ಕ ಕ್ರೀಡಾ ಸ್ಪರ್ಧೆದ  ವಿಜೇತೆರೆಗ್  ಬಹುಮಾನ ವಿತರಣೆ ಮಲ್ತೆರ್… . ಸುನೀತಾ ಚೈತನ್ಯ, ಅನುಪಮಾ, ಸೌದಾಮಿನಿ ರಾವ್, ಸುರೇಶ್ ಕಾರಂತ್, ವಿಜಯ್ ಕುಮಾರ್, ರಾಮದಾಸ ಉಡುಪ, ಚಂದ್ರಶೇಖರ ಅಡಿಗ, ಎಂ.ಆರ್. ಆಚಾರ್ಯ, ಆಪತ್ಬಾಂಧವ ಸಮಿತಿ ಸಂಚಾಲಕ ಸುಬ್ರಹ್ಮಣ್ಯ ಉಡುಪ, ಕೋಶಾಧಿಕಾರಿ ಕೃಷ್ಣಪ್ರಸಾದ್ ಕಾರಂತ್ ಇತ್ತೆರ್. ಸಭಾ ಕಾರ್ಯಕ್ರಮಡ್ ದುಂಬು ಉಡುಪಿ ಜಿಲ್ಲಾ ಕೃಷಿಕ ಸಂಘದ ಕರಂಬಳ್ಳಿ ವಲಯದ ಸಹಯೋಗಡ್ ಇಲ್ಲ್ ಇಲ್ಲಡ್  ಮಲ್ಲಿಗೆ ಕೃಷಿ, ವೈಜ್ಞಾನಿಕ ಪದ್ಧತಿಡ್  ಲಾಭದಾಯಕ ಮಲ್ಲಿಗೆ ಬೊಕ್ಕ  ತೋಟಗಾರಿಕಾ  ಫಲ ಬುಲೆತ್ತ ಸಮಗ್ರ ಮಾಹಿತಿ ಶಿಬಿರ ಮಲ್ದಿತ್ತೆರ್. ಉಡುಪಿ ಜಿಲ್ಲಾ ಕೃಷಿಕ ಸಂಘದ ಅಧ್ಯಕ್ಷರಾದಯಿನ ಬಂಟಕಲ್ಲು ರಾಮಕೃಷ್ಣ ಶರ್ಮ, ಕಾರ್ಯದರ್ಶಿ ಕುದಿ ಶ್ರೀನಿವಾಸ್ ಭಟ್ ಬೊಕ್ಕ ಶ್ರೀಪತಿ ಭಟ್ ಕರಂಬಳ್ಳಿ ಮೊಕುಲು ಸಂಪನ್ಮೂಲ ವ್ಯಕ್ತಿಲಾದ್  ಪಾಲ್ ಪಡೆದಿತ್ತೆರು. ಬ್ರಾಹ್ಮಣ ಮಹಾಸಭಾದ ಅಧ್ಯಕ್ಷೆ ಶುಭಾ ಬಾಳ್ತಿಲ್ಲಾಯ ಪ್ರಸ್ತಾವನೆ ಮಲ್ತುದ್ ಸ್ವಾಗತ ಮಲ್ತೆರು. ಜಯಲಕ್ಷ್ಮಿ ಭಟ್ ಪ್ರಾರ್ಥನೆ ಮಲ್ತೆರು. ಕಾರ್ಯದರ್ಶಿ ಮಂಜುಳಾ ವಿ. ಪ್ರಸಾದ್ ವಾರ್ಷಿಕ ವರದಿ ಓದಿಯೆರು. ಚೈತನ್ಯ ಎಂ.ಜಿ. ನಿರೂಪಣೆ ಮಲ್ತೆರು. ಸಭಾ ಕಾರ್ಯಕ್ರಮಡ್ ಬೊಕ್ಕ  ಮಹಾಸಭಾ ಸದಸ್ಯರೆಡ್ದ್  ಬೇತೆ ಬೇತೆ  ಸಾಂಸ್ಕೃತಿಕ ಕಾರ್ಯಕ್ರಮ ನಡತುಂಡ್.

.