ಮಹಾಲಕ್ಷ್ಮೀ ಕೋ-ಆಪರೇಟಿವ್ ಬ್ಯಾಂಕ್ ದ ಗುರ್ಕಾರೆರಾದ್ ಯಶ್ಪಾಲ್ ಸುವರ್ಣ ಅವಿರೋಧ ಆಯ್ಕೆ..

ಮಹಾಲಕ್ಷ್ಮೀ ಕೋ ಆಪರೇಟಿವ್ ಬ್ಯಾಂಕ್ ಅಧ್ಯಕ್ಷೆರಾದ್ ಶಾಸಕ ಯಶ್ ಪಾಲ್ ಸುವರ್ಣ ಅವಿರೋಧವಾದ್ ಕುಡೊರ ಆಯ್ಕೆ ಆತೆರ್.

ಮಹಾಲಕ್ಷ್ಮೀ ಕೋ ಆಪರೇಟಿವ್ ಬ್ಯಾಂಕ್ ಲಿ. ಉಡುಪಿ ಆಡಳಿತ ಮಂಡಳಿದ ಪೊಸ ಅಧ್ಯಕ್ಷೆರಾದ್ ಉಡುಪಿ ಶಾಸಕ ಯಶ್ ಪಾಲ್ ಸುವರ್ಣ ಅವಿರೋಧವಾಗಿ ಪುನರಾಯ್ಕೆಯಾತೆರ್.

ಬ್ಯಾಂಕುದ 2023-28 ನೇ ಸಾಲುದ 5 ವರ್ಷದ ಅವಧಿದ ಅಡಳಿತ ಮಂಡಳಿಗ್ ಮಾತಾ ನಿರ್ದೇಶಕೆರು ಅವಿರೋಧವಾದ್ ಆಯ್ಕೆಯಾದಿತ್ತುದ್,
ಬ್ಯಾಂಕುದ ಉಪಾಧ್ಯಕ್ಷೆರಾದ್ ಶ್ರೀ ವಾಸುದೇವ ಸಾಲ್ಯಾನ್, ನಿರ್ದೇಶಕೆರಾದ್ ಶ್ರೀ ಕೆ ಸಂಜೀವ ಶ್ರೀಯಾನ್, ಶ್ರೀ ವೆಂಕಟರಮಣ ಕಿದಿಯೂರು, ಶ್ರೀ ಶಶಿಕಾಂತ ಬಿ ಕೋಟ್ಯಾನ್, ಶ್ರೀ ಶೋಭೇಂದ್ರ, ಶ್ರೀ ವಿನಯ ಕರ್ಕೇರ, ಶ್ರೀ ನಾರಾಯಣ ಟಿ ಅಮೀನ್, ಶ್ರೀ ರಾಮ ನಾಯ್ಕ್ ಎಚ್, ಶ್ರೀ ಶಿವರಾಮ ಕುಂದರ್, ಶ್ರೀ ಸುರೇಶ ಬಿ ಕರ್ಕೇರ, ಶ್ರೀ ಸದಾನಂದ ಬಳ್ಕೂರು, ಶ್ರೀಮತಿ ವನಜ ಹೆಚ್ ಕಿದಿಯೂರು, ಶ್ರೀಮತಿ ವನಜ ಜೆ ಪುತ್ರನ್, ಶ್ರೀ ಮನೋಜ್ ಆಯ್ಕೆಯಾತೆರ್.

ಮಹಾಲಕ್ಷ್ಮೀ ಕೋ ಆಪರೇಟಿವ್ ಬ್ಯಾಂಕ್ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಡ್ 8 ಶಾಖೆಲೆನ ಮೂಲಕ ವ್ಯವಹಾರ ನಡಪಾವೊಂದಿತ್ತುದ್, 2022-23 ನೇ ಸಾಲುಡ್ ಬ್ಯಾಂಕ್ 9,464 ಕೋಟಿ ವಾರ್ಷಿಕ ವಹಿವಾಟು ನಡಪಾದ್, ಕರಿನ 14 ವರ್ಷೊಡಿಂಚಿ ನಿರಂತರವಾದ್ ಸದಸ್ಯರೆಗ್ ಶೇಕಡಾ 18% ಡಿವಿಡೆಂಡ್ ಕೊರ್ಪಿನ ಕರಾವಳಿ ಕರ್ನಾಟಕದ ಒಂಜೇ ಪಟ್ಟಣ ಸಹಕಾರ ಬ್ಯಾಂಕ್ ಪನ್ಪಿನ ಪುಗಾರ್ತೆನ್ ಪಡೆದುಂಡ್.

2008 ಡ್ದ್ ಬ್ಯಾಂಕುದ ನಿರ್ದೇಶಕೆರಾದ್ ನಿರಂತರವಾದ್ ಸೇವೆ ಮಲ್ತೊಂದುಪ್ಪುನ ಯಶ್ ಪಾಲ್ ಸುವರ್ಣ 2018 ಡ್ ಬ್ಯಾಂಕುದ ಅಧ್ಯಕ್ಷೆರಾದ್ ಸಂಸ್ಥೆದ ಸಾರಥ್ಯ ವಹಿಸೊಂದ್ ಬ್ಯಾಂಕ್ ಸರ್ವಾಂಗೀಣ ಪ್ರಗತಿ ಸಾಧಿಸಾವರೆಗ್ ಪ್ರಮುಖ ಪಾತ್ರವಹಿಸಾದ್ ಇತ್ತೆ ಕುಡೊರ ಬ್ಯಾಂಕುದ ಅಧ್ಯಕ್ಷೆರಾದ್ ಸಂಸ್ಥೆನ್ ದುಂಬು ಕೊನೊವರೆಗುಲ್ಲೆರ್.

2014 ಡ್ದ್ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆದ ಸಹಕಾರಿ ಮೀನು ಮಾರಾಟ ಫೆಡರೇಶನ್ ಅಧ್ಯಕ್ಷೆರಾದ್, ಉಡುಪಿ ಜಿಲ್ಲಾ ಸಹಕಾರಿ ಯೂನಿಯನ್ ನಿರ್ದೇಶಕೆರಾದ್, ಕೆಲವ್ ಸಹಕಾರಿ ಸಂಸ್ಥೆಲೆಡ್ ಸಕ್ರಿಯವಾದ್ ಗುರುತಿಸಾವೊಂದಿನ ಯಶ್ ಪಾಲ್ ಸುವರ್ಣ ಮೇರ್ ಸಹಕಾರ ಕ್ಷೇತ್ರದ ಸಾಧನೆಗಾದ್ 69ನೇ ಅಖಿಲ ಭಾರತ ಸಹಕಾರ ಸಪ್ತಾಹಡ್ 2022 ನೇ ಸಾಲುದ ಸಹಕಾರ ಕ್ಷೇತ್ರದ ಅತ್ಯುನ್ನತ ಪ್ರಶಸ್ತಿ ಸಹಕಾರ ರತ್ನ ಪ್ರಶಸ್ತಿನ್ ಪಡೆತೊಂದೆರ್.

ಭಾರತೀಯ ಜನತಾ ಪಾರ್ಟಿದ ಹಿಂದುಳಿದ ವರ್ಗಗಳ ಮೋರ್ಚಾದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿಯಾದ್, ಉಡುಪಿ ವಿಧಾನ ಸಭಾ ಕ್ಷೇತ್ರದ ಶಾಸಕೆರಾದ್ ಸಾಮಾಜಿಕ, ಧಾರ್ಮಿಕ, ಶೈಕ್ಷಣಿಕ, ಮೀನುಗಾರಿಕೆ ಕ್ಷೇತ್ರೊಡ್ ತನ್ನ ಕಾರ್ಯವೈಖರಿಲೆಡ್ ಗುರುತಿಸಾವೊಂದೆರ್.