ತುಳು ಭಾಷೆಗೆ ಯಾವುದೇ ಮಾನದಂಡವಿಲ್ಲ’- ಹೀಗಾಗಿ 8ನೇ ಪರಿಚ್ಛೇದಕ್ಕೆ ಸೇರಿಸಲ್ಲ
ದ್ರಾವಿಡ ಭಾಷೆಲೆಡ್ ಒಂಜಾದುಪ್ಪುನ ತುಳು ಭಾಷೆನ್ 8ನೇ ಪರಿಚ್ಛೇದಗ್ ಸೇರ್ಪಡೆ ಆವೊಡುಂದ್ ಮಸ್ತ್ ವರ್ಷೊಡಿಂಚಿ ತುಳುನಾಡುದ ಜನಕುಲ್ ಸರ್ಕಾರೊನ್ ಒತ್ತಾಯ ಮಲ್ತೊಂದ್ ಬೈದೆರ್.ಆಂಡ ಇತ್ತೆ ಕೇಂದ್ರ ಸರ್ಕಾರ ಈ ಬಗ್ಗೆ ಭಾರೀ ಅಚ್ಚರಿದ ಹೇಳಿಕೆನ್ ಕೊರ್ತುಂಡ್.
ತುಳು ಸೇರಿನಂಚ ಭಾರತೀಯ ಕೆಲ ಭಾಷೆಲೆಗ್ ಒವ್ವೇ ನಿರ್ದಿಷ್ಟ ಮಾನದಂಡ ಉಪ್ಪಂದಿನ ಕಾರಣ ಸಂವಿಧಾನದ 8ನೇ ಪರಿಚ್ಛೇದಗ್ ಸೇರಿಸಾವರೆಗ್ ಆಪುಜಿ ಪಂಡುದು ಕೇಂದ್ರ ಸಚಿವೆ ಕಿಶನ್ ರೆಡ್ಡಿ ಕಡಾ ಖಂಡಿತವಾದ್ ತೆರಿಪಾದೆರ್.
ಕೋಡೆದ ದಿನ ರಾಜ್ಯಸಭೆಡ್ ಸಿಪಿಐ(ಎಂ) ಸದಸ್ಯ ಪಿ. ಸಂತೋಷ್ ಕುಮಾರ್ ಆರು ಈ ಬಗ್ಗೆ ಪ್ರಶ್ನೆ ಕೇಂಡುದಿತ್ತುದ್, ನೆಕ್ಕ್ ಉತ್ತರ ಕೊರಿನ ಕೇಂದ್ರ ಸಂಸ್ಕೃತಿ ಬೊಕ್ಕ ಪ್ರವಾಸೋದ್ಯಮ ಸಚಿವೆರಾಯಿನ ಕಿಶನ್ ರೆಡ್ಡಿ ‘ತುಳು ಸೇರಿನಂಚ ಭಾರತೀಯ ಭಾಷೆಲೆನ್ ಸಂವಿಧಾನದ 8ನೇ ಪರಿಚ್ಛೇದಗ್ ಸೇರಿಸಾವೊಡ್ ಪಂಡುದ್ ಕಾಲಕಾಲೊಗ್ ಬೇಡಿಕೆಲು ಬರೊಂದುಂಡ್. ಆಂಡ ಈ ಭಾಷೆಲೆಗ್ ನಿರ್ದಿಷ್ಟ ವಾಯಿನ ಮಾನದಂಡೊಲ್ ಇಜ್ಜಿ ಪಂತೆರ್..
ಅತ್ತಾವಂದೆ ಪಹ್ವಾ ಬೊಕ್ಕ ಸೀತಾಕಾಂತ್ ಮೊಹಾಪಾತ್ರ ಸಮಿತಿಲೆನ ಮೂಲಕ ನಿರ್ದಿಷ್ಟ ಮಾನದಂಡೊಲೆನ್ ನಿಗದಿ ಮಲ್ಪುನ ಪ್ರಯತ್ನೊಲು ನಡತ್ತುದುಂಡಲಾ ಪ್ರಯತ್ನಲೂ ಪೂರ್ಣ ಆತುಜಿ. ಉಪಭಾಷೆ ಬೊಕ್ಕ ಭಾಷೆಲೆನ ವಿಕನಸ ಕ್ರಿಯಾತ್ಮಕ ಪ್ರಕ್ರಿಯೆಯಾದಿತ್ತುದ್ ಸಾಮಾಜಿಕ, ಸಾಂಸ್ಕೃತಿಕ, ಆರ್ಥಿಕ ಬೊಕ್ಕ ರಾಜಕೀಯ ಬೆಳವಣಿಗೆಡಾದ್ ಪ್ರಭಾವಿತ ಆಪುಂಡ್. ಇಂಚಾದ್ ಪ್ರಸ್ತುತ 8ನೇ ಪರಿಚ್ಛೇದಗ್ ಸೇರ್ಪಡೆ ಅಸಾಧ್ಯ ಪಂತೆರ್.
by 