ಭಾರತ್ ಕೋ- ಆಪರೇಟಿವ್ ಬ್ಯಾಂಕ್ ಪ್ರಧಾನ ಕಚೇರಿಗ್ ಶಾಸಕೆ ಯಶ್ಪಾಲ್ ಭೇಟಿ…

ಭಾರತ್ ಕೋ ಆಪರೇಟಿವ್ ಬ್ಯಾಂಕ್ ಲಿ.ದ ಮುಂಬೈ ಪ್ರಧಾನ ಕಚೇರಿಗ್ ಉಡುಪಿ ವಿಧಾನಸಭಾ ಕ್ಷೇತ್ರದ ಶಾಸಕ, ಸಹಕಾರಿ ಮುಖಂಡ ಶ್ರೀ ಯಶ್ ಪಾಲ್ ಸುವರ್ಣ ಭೇಟಿ ಕೊರಿಯೆರು.

ಮುಂಬೈಡ್ ಬದುಕುಕಟ್ಟೊಂದಿನ ಬಿಲ್ಲವ ಸಮುದಾಯದ ಹಿರಿಯೆರೆನ ದೂರದೃಷ್ಟಿದ ಕಲ್ಪನೆ ಬೊಕ್ಕ ಪ್ರಾಮಾಣಿಕ ಗ್ರಾಹಕ ಸ್ನೇಹಿ ಸೇವೆದ ಧ್ಯೇಯದೊಟ್ಟುಗ್ 1978 ಡ್ ಪ್ರಾರಂಭ ಆಯಿನ ಭಾರತ್ ಬ್ಯಾಂಕ್ ಕರಿನ 45 ವರ್ಷಡಿಂಚಿ ನಿರಂತರ ಪ್ರಗತಿ ಸಾಧಿಸಾದ್ ಪ್ರಸ್ತುತ 103 ಶಾಖೆಲೆನ್ ಮಲ್ತುದ್ ವ್ಯವಹಾರ ಮಲ್ಪುನ ಮೂಲಕ ಸಮಸ್ತ ತುಳುನಾಡುದ ಜನಕ್ಲೆನ ಪೆರ್ಮೆದ ಬ್ಯಾಂಕ್ ಆದ್ ಗುರುತಿಸಾವೊಂದುಂಡ್ ಪಂಡೆರು.

ಮಹಾರಾಷ್ಟ್ರ, ಗುಜರಾತ್, ಕರ್ನಾಟಕಡ್ ನೆಲೆ ಆಯಿನ ಕರಾವಳಿರೆಗ್ ತನ್ನ ಶಾಖೆಲೆನ ಮೂಲಕ ವಿಶೇಷವಾದ್ ಆರ್ಥಿಕ ಸಹಕಾರ ಕೊರ್ಪಿನ ಕಾರ್ಯ ನಿರಂತರವಾದ್ ಭಾರತ್ ಬ್ಯಾಂಕ್ ಮುಖೇನ ಸಾಗುದ್ ಬರಡ್ ಪಂಡುದು ಹಾರೈಸಿಯೆರ್.

ಈ ಸಂದರ್ಭಡ್ ಬ್ಯಾಂಕ್ ದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಶ್ರೀ ವಿದ್ಯಾನಂದ ಎಸ್. ಕರ್ಕೇರ, ಹಿರಿಯ ಅಧಿಕಾರಿಲಾಯಿನ ಶ್ರೀ ದಿನೇಶ್ ಬಿ. ಸಾಲ್ಯಾನ್, ಶ್ರೀ ವಿಶ್ವನಾಥ ಜಿ. ಸುವರ್ಣ, ಶ್ರೀ ಮಹೇಶ್ ಬಿ. ಕೋಟ್ಯಾನ್, ಶ್ರೀ ಜನಾರ್ಧನ ಎಂ. ಪೂಜಾರಿ ಬೊಕ್ಕ ಕೇಂದ್ರ ಕಛೇರಿದ ಅಧಿಕಾರಿಲು ಉಪಸ್ಥಿತರಿತ್ತೆರು.