ವಿಧ್ಯಾರ್ಥಿಲು ತಮ್ಮ ಪ್ರೌಢಾವಸ್ಥೆಡೇ ಎಡ್ಡೆ ಒವ್ ಹಾಳ್ ಒಬ್ ಪನ್ಪಿನ ಬಗೆಟ್ ಪರಾಮರ್ಶೆ ನಡೆಸಾದ್, ದುರಾಭ್ಯಾಸಲೆಡ್ದ್ ದೂರ ಉಪ್ಪುನ ಒಟ್ಟುಗ್ ಸುಸಂಸ್ಕೃತಿ, ಸನ್ನಡತೆನ್ ಮೈಗೂಡಿಸಾವೊಂದ್ ವಿದ್ಯಾರ್ಜನೆಗ್ ಹೆಚ್ಚಿಗೆ ಒಲವು ತೋಜಾವುನ ಅತ್ಯಗತ್ಯ. ಶಿಸ್ತುಬದ್ಧ ಜೀವನ ಕ್ರಮಡಾದ್ ದುಶ್ಚಟ ಮುಕ್ತ ಸಮಾಜ ನಿರ್ಮಾಣ ಸಾಧ್ಯ ಪಂಡುದು ಉಡುಪಿ-ದೊಡ್ಡಣಗುಡ್ಡೆ ಡಾ! ಎ.ವಿ. ಬಾಳಿಗಾ ಆಸ್ಪತ್ರೆದ ಮನೋರೋಗ ತಜ್ಞೆ ಡಾ! ಸೌಜನ್ಯಾ ತೆರಿಪಾಯೆರು.
ಆರು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಅಂಬಲಪಾಡಿ ವಲಯ ಬೊಕ್ಕ ಅಖಿಲ ಕರ್ನಾಟಕ ಜನಜಾಗೃತಿ ವೇದಿಕೆ ಉಡುಪಿ ತಾಲೂಕು ವತಿಡ್ದ್ ಆದಿಉಡುಪಿ ಪ್ರೌಢ ಶಾಲೆಯಲ್ಲಿ ನಡತಿನ ಸ್ವಾಸ್ತ್ಯ ಸಂಕಲ್ಪ ಕಾರ್ಯಕ್ರಮಡ್ ಸಂಪನ್ಮೂಲ ವ್ಯಕ್ತಿಯಾದ್ ಪಾಲ್ ಪಡೆದ್ , ಮಾದಕ ವಸ್ತುಲೆನ ನಿಗ್ರಹ ಬೊಕ್ಕ ವ್ಯಸನಮುಕ್ತ ಜೀವನದ ಬಗೆಟ್ ಸಮಗ್ರ ಮಾಹಿತಿ ಕೊರಿಯೆರು.
ಜನ ಜಾಗೃತಿ ವೇದಿಕೆದ ಜಿಲ್ಲಾ ಸಮಿತಿ ಸದಸ್ಯ ಶಿವಕುಮಾರ್ ಅಂಬಲಪಾಡಿ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತೆರು.
ಆದಿಉಡುಪಿ ಪ್ರೌಢ ಶಾಲೆದ ಮುಖ್ಯೋಪಾಧ್ಯಾಯ ರವೀಂದ್ರ ಕಾರ್ಯಕ್ರಮನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.
ಮಾಹಿತಿಡ್ ಬೊಕ್ಕ ವಿದ್ಯಾರ್ಥಿಲಗ್ ರಸಪ್ರಶ್ನೆ ಮಲ್ದಿತ್ತೆರ್.
ಆದಿಉಡುಪಿ ಪ್ರಕೃತಿ ಒಕ್ಕೂಟದ ಪದಾಧಿಕಾರಿ ದಿನೇಶ್, ಸೇವಾ ಪ್ರತಿನಿಧಿ ಶ್ವೇತಾ ಬೊಕ್ಕ ಶಾಲೆದ ಶಿಕ್ಷಕ ವೃಂದ ಬೊಕ್ಕ ವಿದ್ಯಾರ್ಥಿಲು ಉಪಸ್ಥಿತರಿತ್ತೆರು.
ಅಂಬಲಪಾಡಿ ವಲಯ ಮೇಲ್ವಿಚಾರಕಿ ಪ್ರೇಮ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಜ್ಞಾನವಿಕಾಸ ಸಮನ್ವಯಾಧಿಕಾರಿ ಕವಿತಾ ಸ್ವಾಗತ ಮಲ್ತುದ್, ಸೇವಾ ಪ್ರತಿನಿಧಿ ಗೀತಾ ಸೊಲ್ಮೆ ಸಂದಾಯ್ತ ಮಲ್ತೆರು.
by 