ವಿಷ್ಣುಪಾದ ಸೇರಿನ ಮಾಜಿ ಶಾಸಕೆ ಸಭಾಪತಿ ಯೆರೆಗ್ ಉಡುಪಿ ತುಲುಕೂಟದ ವತಿಡ್ದ್ ಶ್ರದ್ಧಾಂಜಲಿ..

ವಿಷ್ಣುಪಾದ ಸೇರಿನ ಉಡುಪಿ ತುಳುಕೂಟದ ಸದಸ್ಯೆರಾಯಿನ ಉಡುಪಿದ ಮಾಜಿ ಶಾಸಕೆರಾದಿತ್ತಿನ ಯು.ಆರ್.ಸಭಾಪತಿ, ತುಳುಕೂಟದ ಸ್ಥಾಪಕ ಸದಸ್ಯೆರಾಯಿನ ತಿಮ್ಮಪ್ಪ ಪೂಜಾರಿ,ಪಣಿಯಾಡಿ ಕಾದಂಬರಿ ಪ್ರಶಸ್ತಿ ವಿಜೇತೆರಾದಿತ್ತಿನ ಬಿ.ಟಿ.ಸಾಲ್ಯಾನ್ ಮೊಕ್ಲೆಗ್ ಉಡುಪಿ ತುಳುಕೂಟದ ವತಿಡ್ದ್ ಶ್ರದ್ಧಾಂಜಲಿ ನಡತುಂಡ್..ಉಡುಪಿದ ಜಗನ್ನಾಥ ಸಭಾಭವನೊಡ್ ನಡತಿನ ಉಡುಪಿ ತುಳುಕೂಟದ ಕಾರ್ಯಕಾರಿ ಸಮಿತಿದ ಸಭೆಟ್ ಶ್ರದ್ಧಾಂಜಲಿ ಮಲ್ತೆರ್..ಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ, ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು ,ಪಣವುದ ಪಾಲವೆರಾಯಿನ ಚೈತನ್ಯ ಎಮ್.ಜಿ.,ಒತ್ತು ಗುರ್ಕಾರೆರಾಯಿನ ಸದಾಶಿವ ಭಟ್ ,ಮನೋರಮ ಶೆಟ್ಟಿ, ಬೊಕ್ಕ ಪದಾಧಿಕಾರಿಲು ಉಪಸ್ಥಿತರಿತ್ತೆರ್.