ಅರಿಮುಹೂರ್ತ ಗಣ್ಯೆರೆನ ಉಪಸ್ಥಿತಿಟ್ ನಡತುಂಡ್..

ಉಡುಪಿದ ಶ್ರೀ ಪುತ್ತಿಗೆ ಮಠದ ಪರಮಪೂಜ್ಯ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರು ಬೊಕ್ಕ ಅರೆನ ಶಿಷ್ಯರಾಯಿನ ಪರಮಪೂಜ್ಯ ಶ್ರೀ ಶ್ರೀ ಸುಶ್ರೀಂದ್ರತೀರ್ಥ ಶ್ರೀಪಾದೆರೆನೊಟ್ಟುಗ್ ನಡಪರಗುಪ್ಪುನ ಚತುರ್ಥ ಶ್ರೀ ಕೃಷ್ಣಪೂಜಾ ಪರ್ಯಾಯದ ದ್ವಿತೀಯ ಮುಹೂರ್ತವಾಯಿನ ‘ಅರಿಮುಹೂರ್ತ’ ಉಡುಪಿದ ಪುತ್ತಿಗೆ ಮಠೊಟ್ ಗಣ್ಯೆರೆನ ಉಪಸ್ಥಿತಿಡ್ ನಡತುಂಡ್…

ಭಾವಿ ಪರ್ಯಾಯ ಪುತ್ತಿಗೆ ಮಠದ ಪರ್ಯಾಯ ಪೂರ್ವ ವಿಧಿಕುಲೆಡ್ ರಡ್ಡನೇತ್ತ. ಅಕ್ಕಿ ಮುಹೂರ್ತ ಗುರುವಾರ ಕಾಂಡೆ 8.45ರ ಮಿಥುನ ಲಗ್ನ ಸುಮುಹೂರ್ತಡ್ ಸಾಂಪ್ರದಾಯಿಕ ಶ್ರದ್ಧಾಭಕ್ತಿಡ್ ಸಂಭ್ರಮಡ್ ಸಂಪನ್ನ ಆಂಡ್.

ಪುತ್ತಿಗೆ ಮಠದ ಹಿರಿಯ ಯತಿ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರು & ಶಿಷ್ಯ ಶ್ರೀ ಸುಶ್ರೀಂದ್ರತೀರ್ಥ ಶ್ರೀಪಾದರೊಡಗೂಡಿ ದುಂಬುದ ಜ. 18ತಾರೀಕುದಾನಿ ಸರ್ವಜ್ಞಪೀಠ ಏರುದ್ ದ್ವೈವಾರ್ಷಿಕ ಶ್ರೀಕೃಷ್ಣ ಪೂಜಾ ಚತುರ್ಥ ಪರ್ಯಾಯ ನಡಪಾವರೆಗುಲ್ಲೆರ್.
ಕಾಂಡೆ ಶ್ರೀಮಠದ ಪುರೋಹಿತ ಹೆರ್ಗ ಶ್ರೀವೇದವ್ಯಾಸ ಭಟ್ ನೇತೃತ್ವಡ್ ಪುತ್ತಿಗೆ ಮಠದ ಉಭಯ ಯತಿಲೆನ ಸಮುಪಸ್ಥಿತಿಟ್ ಶ್ರೀಮಠದ ಉಪಾಸ್ಯದೇವರಾಯಿನ ವೀರವಿಠಲ ಸನ್ನಿಧಾನಡ್ ಸಮಷ್ಟಿ ಪ್ರಾರ್ಥನೆ ನಡತುಂಡ್.

ಬೊಕ್ಕ ಅನಂತೇಶ್ವರ ಚಂದ್ರೇಶ್ವರ ಶ್ರೀಕೃಷ್ಣ ಮುಖ್ಯಪ್ರಾಣ ದರ್ಶನ ಮಲ್ತುದ್ ಪ್ರಾರ್ಥನೆ ಮಲ್ತುದ್.
ಪಿರ ಶ್ರೀಮಠಕ್ ಬತ್ತುದ್ ಬಂಗಾರದ ಪಲ್ಲಕಿಡ್ ದೀದ್ ಮಕರತೋರಣ, ವಾದ್ಯ- ವೇದಘೋಷ ಸಹಿತ ರಥಬೀದಿಡ್ ಒಂಜಿ ಸುತ್ತು ಪ್ರದಕ್ಷಿಣೆ ಪಾಡಿಯೆರ್.

ಮಿಥುನ ಲಗ್ನ ಸುಮುಹೂರ್ತಡ್ ತಂಡುಲ (ಅರಿ) ಸಂಗ್ರಹ ವಿಧಿ ನಡೆಸಲಾದಿತ್ತುದ್, ಬೇತೆ ಬೇತೆ ಸಂಘಸಂಸ್ಥೆಲು ಬೊಕ್ಕ ಮಹನೀಯರೆಡ್ದ್ 108ಕ್ ಲಾ ಜಾಸ್ತಿ ಅರಿತ್ತ ಮುಡಿ ನ್ ಶ್ರೀಮಠಕ್ ದೇಣಿಗೆಯಾದ್ ಪಡೆಯೆರ್.

ಬೊಕ್ಕ ಶ್ರೀಮಠದ ವೆಬ್ ಸೈಟ್ ಬುಡುಗಡೆ, ಓಂಪ್ರಕಾಶ ಭಟ್ ಸಂಗ್ರಹದ ಪುತ್ತಿಗೆ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರೆನ ಗೀತಾ ಸಂದೇಶೊಲೆನ ಸಂಗ್ರಹ `ಗೀತಾ ಅರಿ ಮುಡಿ’ ಕಿರು ಹೊತ್ತಗೆ ಅನಾವರಣ, ಉಭಯ ಶ್ರೀಪಾದೆರೆಡ್ದ್ ಆಶೀರ್ವಚನ ನಡತುಂಡ್.

ಶ್ರೀಮಠದ ದಿವಾನ ನಾಗರಾಜ ಆಚಾರ್ಯ, ಮುರಲೀಧರಾಚಾರ್ಯ ಕಾರ್ಯದರ್ಶಿ ಪ್ರಸನ್ನಾಚಾರ್ಯ, ಉಡುಪಿ ಶಾಸಕ ಯಶಪಾಲ್ ಸುವರ್ಣ, ಮಾಜಿ ಶಾಸಕ ರಘುಪತಿ ಭಟ್, ಕಾಪು ಶಾಸಕ ಗುರ್ಮೆ ಸುರೇಶ ಶೆಟ್ಟಿ, ಕಟೀಲು ಕ್ಷೇತ್ರದ ವಾಸುದೇವ ಆಸ್ರಣ್ಣ, ಲಕ್ಷ್ಮೀನಾರಾಯಣ ಆಸ್ರಣ್ಣ, ಅನಂತಪದ್ಮನಾಭ ಆಸ್ರಣ್ಣ ಮತ್ತು ವೆಂಕಟ್ರಮಣ ಆಸ್ರಣ್ಣ, ಕಸಾಪ ಮಾಜಿ ರಾಜ್ಯಾಧ್ಯಕ್ಷ ಹರಿಕೃಷ್ಣ ಪುನರೂರು, ದ.ಕ. ಕಸಾಪ ಮಾಜಿ ಅಧ್ಯಕ್ಷ ಪ್ರದೀಪಕುಮಾರ್ ಕಲ್ಕೂರ, ಮೂಡುಬಿದಿರೆ ಧನಲಕ್ಷ್ಮೀ ಶ್ರೀಪತಿ ಭಟ್, ಕಿನ್ನಿಗೋಳಿ ಯುಗಪುರುಷ ಭುವನಾಭಿರಾಮ ಉಡುಪ, ಆನೆಗುಡ್ಡೆ ಸೂರ್ಯನಾರಾಯಣ ಉಪಾಧ್ಯಾಯ, ಜಯಕರ ಶೆಟ್ಟಿ ಇಂದ್ರಾಳಿ, ಸಂತೋಷ ಶೆಟ್ಟಿ, ಮನೋಹರ ಶೆಟ್ಟಿ, ಅಜೆಯ ಶೆಟ್ಟಿ ಉಪಸ್ಥಿತರಿತ್ತೆರ್.