“ಯಶೋ ಮಾಧ್ಯಮ-2024″ಗ್ ರಾಜೇಶ್ ಶೆಟ್ಟಿ ಆಯ್ಕೆ
ಬೆಂಗಳೂರುದ ರಾಜಾಜಿನಗರದ ಸ್ಪಂದನಾ ಸೇವಾ ಸಂಸ್ಥೆ ಕೊರ್ಪಿನ ಯಶೋ ಮಾಧ್ಯಮ ಪ್ರಶಸ್ತಿಗ್ ಕರ್ನಾಟಕ ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘದ ಉಡುಪಿ ಜಿಲ್ಲಾ ಆಧ್ಯಕ್ಷೆರಾಯಿನ ರಾಜೇಶ್ ಶೆಟ್ಟಿ ಮೇರು ಆಯ್ಕೆಯಾತೆರ್. 22-06-2024 ಶನಿವಾರ ಕಾಂಡೆ ಉಡುಪಿ ಜಿಲ್ಲೆದ ಕಲ್ಯಾಣಪುರದ ಹಿಂದೂ ಹಿರಿಯ ಪ್ರಾಥಮಿಕ ಶಾಲೆಡ್ ನಡಪುನ ಉಚಿತ ನೋಟ್ ಪುಸ್ತಕ ವಿತರಣಾ ಸಮಾರಂಭಡ್
“ಯಶೋ ಮಾಧ್ಯಮ-2024” ಪ್ರಶಸ್ತಿನ್ ಕೊರ್ರೆಗುಲ್ಲೆರ್.
ರಾಜೇಶ್ ಶೆಟ್ಪಿ ಮೇರು
ಅಲೆವೂರಿನ ದಿ.ಸಂಜೀವ ಶೆಟ್ಟ ಬೊಕ್ಕ ಉಷಾ ಶೆಟ್ಟಿ ದಂಪತಿಲೆನ ಮಗೆ ಆದ್
20-09-1970 ದಾನಿ ಈ ಲೋಕದ ಬೊಲ್ಪು ತೂಯಿನಾರ್.
ಅಲೆವೂರುದ ಪ್ರ್ಯೆಮರಿ ಸುಭೋದಿನಿ ಹಿರಿಯ ಪ್ರಾಥಮಿಕ ಶಾಲೆಡ್ ಸುರುತ ವಿದ್ಯಾಬ್ಯಾಸ .
ಬೊಕ್ಕ ನೆಹರು ಪ್ರೌಢಶಾಲೆಡ್ ಹೈಸ್ಕೂಲ್ ವಿದ್ಯಾಭ್ಯಾಸ ಮಲ್ತೆರು.
ಮಣಿಪಾಲ ಜ್ಯೂನಿಯರ್ ಕಾಲೇಜು ಬೊಕ್ಕ ಡಾ.ಟಿ.ಎಂ.ಎ.ಪೈ ಪಾಲಿಟೆಕ್ನಿಕ್ ಡ್
ಡಿಪ್ಲೊಮಾ ಮಲ್ತೆರ್.
ಉಡುಪಿದ ರೋಟರ್ಯಾಕ್ಟ್ ಕ್ಲಬ್ ಝೋನಲ್ ರೆಪ್ರೆಸೆಂಟ್ ಅಧ್ಯಕ್ಷೆರಾದ್,
ಅಲೆವೂರು
ಗಣೇಶೋತ್ಸವ ಸಮಿತಿದ
ಸ್ಥಾಪಕ ಸದಸ್ಯೆರಾದ್, ಅಧ್ಯಕ್ಷೆರಾದ್ ಅಲೆವೂರು ಫ್ರೆಂಡ್ಸ್ ಸರ್ಕಲ್ ಅಧ್ಯಕ್ಷೆರಾದ್ ಕಾರ್ಯ ನಿರ್ವಹಣೆ ಮಲ್ದೆರ್.
ಸುಮಾರು 150 ತುಳು ಬೊಕ್ಕ ಕನ್ನಡ ನಾಟಕಲೆಡ್ ಅಭಿನಯ, ನಿರ್ದೇಶನ, ಕಾರ್ಯಕ್ರಮ ನಿರ್ವಹಣೆ, ಮೇಕಪ್ ಕಲಾವಿದೆರಾದ್ ಪ್ರೇಮ ಅರ್ಟಸ್ ಉಡುಪಿಡ್ಕ ತರಬೇತಿ ಬೊಕ್ಕ ಸಮಾರು 10 ವರ್ಷ ಹವ್ಯಾಸಿ ಮೇಕಪ್ ಕಲಾವಿದೆರಾದ್ ಕೆಲಸ ಮಲ್ದೆರ್. , ಉಡುಪಿ, ಬೆಂಗಳೂರು, ಮ್ಯೆಸೂರುಡ್ ಸೇವೆ ಮಲ್ದೆರ್.
ನಮ್ಮಟಿವಿಡ್ ಜಿಲ್ಲಾ ವರದಿಗಾರೆರಾದ್ 18 ವರ್ಷ, ಉದಯಟಿವಿಡ್ 2 ವರ್ಷ, C4U ಚ್ಯಾನಲ್ ಡ್ ಒಟ್ಟು 20 ವರ್ಷ ಕಾಲ ಮಾಧ್ಯಮ ಕ್ಷೇತ್ರಡ್ ಕೆಲಸ ಮಲ್ದೆರ್.ಇತ್ತೆ ಸ್ವಂತ ಸಂಸ್ಥೆ “ಕನಸು ಕ್ರಿಯೇಷನ್” ಡ್ ಮಸ್ತ್ ಡಾಕ್ಯುಮೆಂಟ್ ಲೆನ್ ತಯಾರ್ ಮಲ್ತೊಂದುಲ್ಲೆರ್.
ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷೆರಾದ್ 2021-2022/ 2022-2025ಮುಟ್ಟ ಅಯ್ಕೆಯಾದ್ ಕೆಲಸ ಮಲ್ತೊಂದುಲ್ಲೆರ್.
ತಾನ್ ಸ್ವತಃ ರಕ್ತದಾನಿ ಅತ್ತಾವಂದೆ, ಉಚಿತ ರಕ್ತದಾನ ಶಿಬಿರ, ಅರೋಗ್ಯ ಶಿಬಿರ ಬೊಕ್ಕ ಕಣ್ಣುದ ಶಿಬಿರದ ಅಯೋಜನೆನ್ ಮಲ್ದೆರ್.
ಮೆರೆನ ಬುಡೆದಿ ಪ್ರಭಾವತಿ ಅದ್ಯಾಪಕಿಯಾದ್ ಕೆಲಸ ಮಲ್ತೊಂದುಲ್ಲೆರ್. ಈ ದಂಪತಿಲೆಗ್ ಒರಿ ಮಗೆ ಬೊಕ್ಕ ಒರ್ತಿ ಮಗಲ್ ಉಲ್ಲೆರ್.
by 