ಮನೆಯೇ ಗ್ರಂಥಾಲಯ ಅಭಿಯಾನ

ಉಡುಪಿ :- ಕನ್ನಡ ಸಾಹಿತ್ಯ ಪರಿಷತ್ ಉಡುಪಿ ತಾಲೂಕು ವತಿಡ್ದ್  ನಡತೊಂದುಪ್ಪುನ  ಮನೆಯೇ ಗ್ರಂಥಾಲಯ ಅಭಿಯಾನದ 25ನೇ ರಜತ ಗ್ರಂಥಾಲಯ ಕಾಯ೯ಕ್ರಮ ಜೂನ್.19 ಗ್  ಸಂತೆಕಟ್ಟೆ ಕಲ್ಯಾಣಪುರ ವಾತ್ಸಲ್ಯ ಕ್ಲಿನಿಕ್ ಡ್ ನಡತುಂಡ್..

ಐ.ಎಂ.ಎ ಉಡುಪಿ ಕರಾವಳಿ ಅಧ್ಯಕ್ಷೆ ಡಾI ರಾಜಲಕ್ಷ್ಮಿ ಮೆರೆನ  ಬಿನ್ನಾದಿಗೆಡ್  ನಡತಿನ ಈ ಕಜ್ಜೊ  ಪುಸ್ತಕ ಕೊರ್ದ್  ಚಾಲನೆ ಕೊರಿನ  ಖ್ಯಾತ ಕಲಾವಿದೆ, ನಿವೃತ್ತ ಶಿಕ್ಷಕಿ ಪ್ರತಿಭಾ ಎಲ್ ಸಾಮಗ ಪಾತೆರ್ದ್ , ಇಂಚಪ್ಪೊಗ್  ಮೊಬೈಲ್ ಯುಗಟಾದ್  ಪುಸ್ತಕ ಓದುನ  ಹವ್ಯಾಸ ಕಡಿಮೆಯಾವೊಂದುಂಡ್.. ಈ ನಿಟ್ಟುಡ್  ಪ್ರತಿಯೊರಿಲಾ  ಪುಸ್ತಕ ಓದುನ  ಹವ್ಯಾಸನ್ ಬುಲೆಪಾವೊಡ್.. ಅವ್  ಮನಸ್ಸುಗ್  ಖುಷಿ ಕೊರ್ಪುಂಡ್.. ಬಂಜಿನ ಪೊಂಜೊವ್  ಆ ಪೊರ್ತುಡ್  ಪುಸ್ತಕಲೆನ್  ಓದುನ ಹವ್ಯಾಸನ್  ದೀಯೊಂಡೆರಡ  ಪುಟ್ಟುನ ಜೋಕುಲು  ಎಡ್ಡೆ  ಸಂಸ್ಕೃತಿ ಸಂಸ್ಕಾರನ್  ಬುಲೆಯರೆಗ್  ಸಹಕಾರಿ ಆಪುಂಡ್  ಪಂಡೆರು.

ಕರ್ನಾಟಕ ಯಕ್ಷಗಾನ ಅಕಾಡೆಮಿದ  ಮಾಜಿ ಅಧ್ಯಕ್ಷ ಪ್ರೊ. ಎಂ.ಎಲ್ ಸಾಮಗ ಪಾತೆರ್ದ್ , ಕನ್ನಡ ಸಾಹಿತ್ಯ ಪರಿಷತ್ ಉಡುಪಿ ತಾಲೂಕು ಘಟಕ ಎಡ್ಡೆ  ಕಾರ್ಯ ಮಲ್ತೊಂದಿತ್ತುದ್, ಇಲ್ಲ್ ಇಲ್ಲಡ್  ಗ್ರಂಥಾಲಯ ಮಲ್ಪುನ ಈ ಅಭಿಯಾನ ಅಪೂರ್ವವಾಯಿನವ್  ಪಂಡುದು ಶುಭ ಹಾರೈಸಿಯೆರು.

ಕಾಯ೯ಕ್ರಮದ ಅಧ್ಯಕ್ಷತೆಡ್  ಕಸಾಪ ಉಡುಪಿ ತಾಲೂಕು ಘಟಕಾಧ್ಯಕ್ಷ ರವಿರಾಜ್ ಎಚ್.ಪಿ ಇತ್ತೆರು.

ಕಾಯ೯ಕ್ರಮಡ್  ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಸ್ಥಾಪಕ ವಿಶ್ವನಾಥ್ ಶೆಣೈ, ಕೋಶಾಧಿಕಾರಿ ರಾಜೇಶ್ ಭಟ್ ಪಣಿಯಾಡಿ, ಗೌ.ಕಾಯ೯ದಶಿ೯ ರಂಜನಿ ವಸಂತ್, ವಸಂತ್ ಕುಮಾರ್, ಕರವೇ ಜಿಲ್ಲಾಧ್ಯಕ್ಷ ಪ್ರಭಾಕರ ಪೂಜಾರಿ, ಸಂಗೊಳ್ಳಿ ರಾಯಣ್ಣ ಅಭಿಮಾನಿ ಬಳಗದ ಜಿಲ್ಲಾಧ್ಯಕ್ಷ ಸಿದ್ಧ ಬಸಯ್ಯ ಸ್ವಾಮಿ ಚಿಕ್ಕಮಠ, ಸಂಚಾಲಕ ರಾಘವೇಂದ್ರ ಪ್ರಭು ಕವಾ೯ಲು ಇತ್ತೆರು.ಗೌರವ ಕಾಯ೯ದಶಿ೯ ಜನಾರ್ದನ್ ಕೊಡವೂರು ನಿರೂಪಣೆ ಮಲ್ತುದ್  ಸೊಲ್ಮೆ ಸಂದಾಯ್ತ ಮಲ್ತೆರು.