ಸಿದ್ಧ ಸಮಾಧಿ ಯೋಗ ನಡತ್ತ್ ಬತ್ತಿನ ಸಾದಿ..

ಮಲ್ಪೆ ಸಿದ್ಧಸಮಾಧಿ ಯೋಗ ಬೊಳ್ಳಿ ಪರ್ಬದ ಗೌಜಿ.. ನಡತ್ ಬತ್ತಿನ ಸಾದಿ..

1999 ನವೆಂಬರ್ ತಿಂಗೊಲ್ದ 30 ತಾರೀಕುದಾನಿ ಮಲ್ಪೆ ಮೀನುಗಾರಿಕಾ ಬಂದರುಡ್ ದಿ. ಡಾ. ಯು. ಪಿ. ಉಪಾಧ್ಯಾಯ ಬೊಕ್ಕ ಡಾ. ಸುಶೀಲ ಉಪಾಧ್ಯಾಯ ದಂಪತಿಲೆನ ಶುಭಾಶೀರ್ವಾದಡ್ ಮಲ್ಪೆ ಬಾಲಕ್ರಷ್ಣ ಮೆಂಡನ್ ಬೊಕ್ಕ ಶ್ರೀಮತಿ ಮಾಲತಿ ಬಾಲಕ್ರಷ್ಣ ಮೆಂಡನ್ ಮೊಕ್ಲೆನ ನೇತ್ರತ್ವಡ್ 75 ಜನತ್ತ ಒಂಜಿ ಕೂಟದಕುಲು ಸೇರ್ದ್ ಉಂಡು ಮಲ್ತಿನ ಸಿದ್ಧ ಸಮಾದಿ ಯೋಗಗ್ ಇನಿ 25 ವರ್ಷ ದಿಂಜಿದ್ ಬೊಳ್ಳಿ ಪರ್ಬದ ಆಚರಣೆದ ಗೌಜಿಡ್ ಉಂಡು. ಉಪಾಧ್ಯಾಯ ದಂಪತಿಲು ಕೂಡ್ದಿನ ಸಾಮಾನ್ಯ ಜನಕ್ಲೆಗ್ ಸತ್ಸಂಗ ಸಾಧಕೆರೆನ ಸತ್ಸಂಗ, ಧ್ಯಾನ, ಪ್ರಾಣಾಯಾಮ, ಯೋಗಾಸನ, ಭಜನೆ, ಪ್ರವಚನ ಕಲ್ಪಾದ್ ಕೊರ್ದ್ ಸಾಧಕೆರೆನಾದ್ ಪರಿವರ್ತನೆ ಮಲ್ತೆರ್.18.4.1999 ಗ್ ಮಾನ್ಯ ಋಷಿ ಪ್ರಭಾಕರ ಗುರೂಜಿ ಮೇರು ಮಲ್ಪೆ ಬಂದರು ನಿರ್ಮಾಣ ಆಪಿನ ಪೊರ್ತುಡ್ ಸೈಂಟ್ ಮೆರೀಸ್ ದ್ವೀಪಡ್ 300ಜನ ಸಾಧಕೆರೆನ್ ಲೆಸೊಂದ್ ಪೋದು ಅಲ್ಪ ಸ್ವಚ್ಛತಾ ಕಜ್ಜೊ ಮಲ್ತುದ್ ಪಿರ ಬತ್ತುದ್ ಸತ್ಸಂಗ ಮಲ್ತುದೆರ್. ಮಲ್ಪೆಡ್ ನಡತೊಂದಿನ ಸತ್ಸಂಗ ಪೊರ್ಲುಡ್ ನಡಪರೆಗ್ ಆನಿದ ಮೀನುಗಾರಿಕಾ ಬಂದರುದ ನಿರ್ದೇಶಕೆರಾಯಿನ ಶ್ರೀ ಕ್ರಷ್ಣರಾಜ ಒಡೆಯರ್ ಎಡ್ಡೆ ಅವಕಾಶನ್ ಮಲ್ತ್ ಕೊರಿಯೆರ್. ಬರ್ಸ ಬನ್ನಗ ಅಲ್ಪ ಸತ್ಸಂಗ ಮಲ್ಪರೆಗ್ ಕಷ್ಟ ಆವೊಂದಿತ್ತುಂಡ್. ಅಂಚಾದ್ ಮಲ್ಪೆ ಏಳೂರು ಮೊಗವೀರ ಭವನಡ್ ಒಪ್ಪಿಗೆ ದೆತೊನೊಂದು, ಅಲ್ಪ ಸತ್ಸಂಗ ದುಂಬರಿತೊಂದ್ ಪೋಂಡು. 10ನೇ ವರ್ಷನ್ ಅಲ್ಪನೇ ಗೌಜಿಡ್ ಮಲ್ತುಂಡ್.

ಸಿದ್ಧ ಸಮಾಧಿ ಯೋಗದ ಸಮಾಜ ಸೇವೆ..
ಕ್ಲಿನ್ ಇಂಡಿಯಾ, ಗ್ರೀನ್ ಇಂಡಿಯಾ, ಬಸ್ಟ್ಯಾಂಡ್ ಸ್ವಚ್ಛತೆ, 15 ದಿನಕೊರ ಪ್ಲಾಸ್ಟಿಕ್ ಬಳಕೆ ನಿಷೇಧ ಕಾರ್ಯಕ್ರಮ, ಬಂದರು ಸ್ವಚ್ಛತೆ, ಮಂದಿರದ ಸ್ವಚ್ಛತೆ,ಊರುದ ಮಾತಾ ಭಜನಾ ಮಂದಿರಲೆಡ್ ಭಜನೆ, ಕುಣಿತಾ ಭಜನೆ, ಧಾರ್ಮಿಕ ಕಜ್ಜೊಲೆಡ್ ನಡಪುನ ಅನ್ನಸಂತರ್ಪಣೆದ Ongoing ಭಾಗಿಯಾದ್ ನಿರಂತರವಾದ್ ಮಲ್ತೊಂದ್ ಜನಮನ್ನಣೆ ಪಡೆದುಂಡ್.ಸಾಂಸ್ಕ್ರತಿಕ ಕಾರ್ಯಕ್ರಮಡ್ ಪಾಲ್ ಪಡೆದ್ ಸಮಾಜೊಗ್ ಎಡ್ಡೆ ಸಂದೇಶ ಕೊರ್ಪಿನ ನಾಟಕ, ತುಳುನಾಡ ವೈಭವ,ಶಿವಪಾರ್ವತಿ, ನ್ರತ್ಯರೂಪಕಲಾ ಮಲ್ತೊಂದ್ ಮಾದರಿಯಾತುಂಡ್.
ಪ್ರತೀ ಅಂಗಾರೆದಾನಿ ಸತ್ಸಂಗ ಕಾರ್ಯಕ್ರಮ ಬಾರೀ ಪೊರ್ಲುಡ್ ನಡತೊಂದ್ ಬರೊಂದಿತ್ತುದ್, ಅವ್ವೇತೊ ಸಾಧಕೆರೆಗ್ ತಾದಿಬೊಲ್ಪು ಆತುಂಡ್. ಇತ್ತೆ 25 ವರ್ಷ ಮುಗಿತೊಂದ್ ಬೊಳ್ಳಿ ಪರ್ಬದ ಗೌಜಿನ್ ಆಚರಣೆ ಮಲ್ತೊಂದುಂಡ್. ಉಂದುವೇ ಬರ್ಪಿನ ನವೆಂಬರ್ 30 ಬೊಕ್ಕ ಡಿಸೆಂಬರ್ 1 ತಾರೀಕುಗ್ 25 ನೇ ವರ್ಷದ ಗೌಜಿಲಾ ನಡಪರೆಗುಂಡ್.