ಯುಗಾದಿ

ಬೇವು ಈ ಆಲ ಬೆಲ್ಲ ಯಾನಾಪೆ
ಕೈಪೆ ನೆಂಪುಲೆನ್ ಮರೆತ್
ಪೊಸ ಬದ್ಕ್ ಗ್ ಕುರಲಾಕ
ಉಡಲ ಮೋಕೆನ್ ಒರಿಪುಗಾ

ಸಂತಸ ದಿಂಜಿ ಈ ದಿನ
ನೇಸರೊದ ಕುಸಿತ ಸಂಭ್ರಮೊಡು
ಬದ್ಕ್ ಅರ್ಲುನ ಕನ ತೂವೊಂದು
ಕೋಗಿಲೆದ ಸ್ವರೊಕು ಒಕೊನುಗಾ

ಪಚ್ಛೆ ತುತ್ತೈತದ ಮದಿಮಾಲ್
ಕುಕ್ಕುದಿರೆತ ಪೊರ್ಲ ತೋರಣ
ಪುಡೆಮಿ ಅಪ್ಪೆನ ಪಾದೊಗು
ತರೆ ದೀದ್ ನಟ್ಟೊನುಗಾ

ಎಲ್ಲೆದ ಕನ ಕೊಡಿಪುನ ಪೊರ್ತು
ಪೊಸ ಬದ್ಕ್ ಗ್ ತುಡರಾಕ
ದೈವದೇವೆರೆಗ್ ಕೈಮುಗಿದ್ ಚೀಯನದ
ಯುಗಾದಿ ಪರ್ಬ ಮಲ್ಪುಗಾ

ಪೊಸ ವರ್ಷಡ್ ಕಷ್ಟನಾ ಸುಖನಾ
ಪಟ್ಟೊಂದು ಶಾಂತಿ ಸಮಾಧಾನೊಡು
ತುಲುವ ಸಂಸ್ಕೃತಿಗ್ ಪುಡ್ಯಪಾಡೊಂದು
ಸಂಪ್ರದಾಯಲೆನ್ ಒರಿಪುಗಾ

ಮಮತಾ ಅಂಚನ್ ಪೂನ
ತುಲುವೆರೆ ಕಲ