ಬಿಲ್ಲವರ ಸೇವಾಸಂಘ (ರಿ), ಸಂತೆಕಟ್ಟೆ: ಬಿಲ್ಲವರ ಕ್ರೀಡಾ ಕೂಟ ಉದಿಪನ
ಉಡುಪಿ: ಪೆ.4: ಕ್ರೀಡೆ ಸಮಾಜದ ಯುವ ಜನಕ್ಲೆನ್ ಆಕರ್ಷಣೆ ಮಲ್ಪುನ ಕೆಲಸ ಮಲ್ಪುಂಡ್.ಯುವಜನಕ್ಲೆನ ಭಾವನೆ, ಅಭಿರುಚಿಗ್ ಸರಿಯಾಯಿನ ಕ್ರೀಡೆನೇ ಆಯೋಜನೆ ಮಲ್ಪೊಡ್. ಕ್ರೀಡೆಡ್ ಅಂತರಾಷ್ಟ್ರೀಯ ಮಟ್ಟಡ್ ಕರಾವಳಿ ಜಿಲ್ಲೆಗೇ ಪುಧರು ಕನತಿನ ಕ್ರೀಡಾಪಟುಲು ನಮ್ಮಲ್ಪ ಉಲ್ಲೆರ್ ಪಂಡುದು ಮಾಜಿ ಸಚಿವೆರಾಯಿನ ವಿನಯ ಕುಮಾರ್ ಸೊರಕೆ ಪಂಡೆರು.
ಸಂತೆಕಟ್ಟೆ – ಕಲ್ಯಾಣಪುರ ಬಿಲ್ಲವರ ಸೇವಾಸಂಘದ ನೇತೃತ್ವಡ್ ನೇಜಾರು ಮೈದಾನಡ್ ಐತಾರ ಆಯೋಜನೆ ಮಲ್ದಿನ ಸ್ಥಳೀಯ ಬಿಲ್ಲವ ಸಂಘೊಲೆಗ್ ಕ್ರೀಡಾಕೂಟ – 2024 ನ್ ಉದಿಪನ ಮಲ್ತುದ್ ಆರು ಪಾತೆರಿಯೆರು. ಕಟಪಾಡಿ ಶ್ರೀ ವಿಶ್ವನಾಥ ಕ್ಷೇತ್ರದ ಅದ್ಯಕ್ಷ ಬಿ.ಎನ್. ಶಂಕರ ಪೂಜಾರಿ ಕ್ರೀಡೆಗ್ ಚಾಲನೆ ಕೊರಿಯೆರು. ಸಂಘದ ಅಧ್ಯಕ್ಷ ಶೇಕರ ಗುಜ್ಜರ ಬೆಟ್ಟು ಅಧ್ಯಕ್ಷತೆಡಿತ್ತೆರು.
ಕಲ್ಯಾಣಪುರ ಗ್ರಾಮ ಪಂಚಾಯತ್ ಅಧ್ಯಕ್ಷೆರಾಯಿನ ನಾಗರಾಜ ಕುಂದರ್, ನಗರಾಭಿವೃದ್ಧಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ಜನಾರ್ದನ ತೋನ್ನೆ, ಬನ್ನಂಜೆ ಬಿಲ್ಲವ ಸೇವಾ ಸಂಘದ ಅಧ್ಯಕ್ಷ ಮಾಧವ ಬನ್ನಂಜೆ, ಉದ್ಯಮಿ ಸುಗುಣ ಕುಮಾರ್, ಮೂಡುಕುದ್ರು ಬಿಲ್ಲವ ಸಂಘದ ಮಾಜಿ ಅಧ್ಯಕ್ಷ ದಿನೇಶ್ ಜತ್ತನ್, ಸಂತೆಕಟ್ಟೆ ಬಿಲ್ಲವರ ಸೇವಾ ಸಂಘದ ಗೌರವ ಅಧ್ಯಕ್ಷ ಭಾಸ್ಕರ ಜತ್ತನ್, ಉಪಾಧ್ಯಕ್ಷ ಶೇಕರ್ ಬಿ.ಪೂಜಾರಿ, ಜಗದೀಶ್ ಕೆಮ್ಮಣ್ಣು, ಅರ್ಚಕ ಶಂಕರ ಪೂಜಾರಿ, ಮಹಿಳಾ ಘಟಕದ ಅಧ್ಯಕ್ಷೆ ಉಷಾ ವಸಂತ್, ಅಭಿವೃದ್ಧಿ ಸಮಿತಿದ ಗೌರವಾಧ್ಯಕ್ಷ ಶ್ಯಾಮ್ ಕೆ.ಪೂಜಾರಿ, ಅಧ್ಯಕ್ಷ ಟಿ.ರಾಮ ಪೂಜಾರಿ, ಕ್ರೀಡಾ ಸಂಯೋಜಕ ರಾಕೇಶ್ ಪೂಜಾರಿ ಉಪಸ್ಥಿತರಿತ್ತೆರು. ಅಭಿವೃದ್ಧಿ ಸಮಿತಿದ ಕಾರ್ಯದರ್ಶಿ ಶೇಕರ್ ಬೈಕಾಡಿ ನಿರೂಪಣೆ ಮಲ್ತುದ್, ಸಂಘದ ಪ್ರಧಾನ ಕಾರ್ಯದರ್ಶಿ ಮುರಳಿದರ್ ಸುವರ್ಣ ಸೊಲ್ಮೆ ಸಂದಾಯ್ತ ಮಲ್ತೆರು.