ಅತಿರುದ್ರ ಮಹಾಯಾಗ’

ಶಿವಪಾಡಿ ಶ್ರೀ ಉಮಾಮಹೇಶ್ವರ ದೇವಸ್ಥಾನಡ್ ಫೆಬ್ರವರಿ 22, 2023 ದಾನಿ ಸುರುವಾಯಿನ ‘ಅತಿರುದ್ರ ಮಹಾಯಾಗ’ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮದೊಟ್ಟುಗ್ ಏಳು ದಿನೊಕಲೆನ್ ಪೂರೈಸುದುಂಡ್. ಈ ದಿನೊಟ್ ಕೆಲವು ಗಣ್ಯಾತಿ ಗಣ್ಯೆರು ಅತಿರುದ್ರ ಮಹಾಯಾಗಗ್ ಬೈದೆರ್ ಬೊಕ್ಕ ಯಾಗದ ಸಭಾ ಕಾರ್ಯಕ್ರಮಡ್ ಪಾಲ್ ಪಡೆದೆರ್. ಅತಿರುದ್ರ ಮಹಾಯಾಗಡ್ ಭಾಗಿಯಾವರೆಗುಂದೇ ದೂರದೂರುಡ್ ಭಕ್ತಾದಿಲು ಬರೊಂದುಪ್ಪುನವ್, ಯಾಗದ ಕಳೆನ್ ಕುಡಲಾತ್ ಜಾಸ್ತಿ ಮಲ್ದುಂಡ್.

ಅತಿರುದ್ರ ಮಹಾಯಾಗದ 8ನೇ ದಿನವಾಯಿನ ಮಾರ್ಚ್ 01, 2023 ರ ಬುಧವಾರದಾನಿ, ಅತಿರುದ್ರ ಯಾಗಮಂಟಪಡ್ ಕಾಂಡೆ 07:30 ಡ್ದ್ ಋತ್ವಿಜರೆಡ್ದ್ ಮಹಾನ್ಯಾಸಪೂರ್ವಕ ಶ್ರೀ ರುದ್ರ ಪುರಶ್ಚರಣ, ಬಯ್ಯಗ್ 6 ಡ್ದ್ ಶ್ರೀ ರುದ್ರಕ್ರಮಪಾಠ, ಮಹಾಪೂಜೆ, ಅಷ್ಟಾವಧಾನ ಸೇವೆ ನಡಪರೆಗುಂಡ್.
ದೇವಸ್ಥಾನದ ಪ್ರಾಂಗಣಡ್ ಕಾಂಡೆ 08:30 ಡ್ದ್ ಋತ್ವಿಜೆರೆಡ್ದ್ ಸಪ್ತಶತೀ ಪಾರಾಯಣ, ಶ್ರೀ ಪುರುಷಸೂಕ್ತ ಹೋಮ ಬೊಕ್ಕ ಶತಚಂಡಿಕಾ ಯಾಗಮಂಟಪಡ್ ಬಯ್ಯಗ್ 5 ಡ್ದ್ ವಾಸ್ತು ಹೋಮ, ರಾಕ್ಷೋಘ್ನ ಹೋಮ, ಪ್ರಾಸಾದ ಶುದ್ಧಿ, ಕುಂಡ ಸಂಸ್ಕಾರ ಹೋಮ ನಡಪರೆಗುಂಡ್.

ಒಟ್ಟುಡ್ ಬಯ್ಯಗ್ 5 ಡ್ದ್ ಪ್ರಖ್ಯಾತ ಪ್ರೇರಣಾದಾಯಿ ಬೊಕ್ಕ ಆಧ್ಯಾತ್ಮಿಕ ಪ್ರವಚನಕಾರೆರಾಯಿನ ರಾಜಯೋಗಿನಿ ಬಿ. ಕೆ. ವೀಣಾ, ಶಿರಸಿ ಮೆರೆಡ್ದ್ ಧಾರ್ಮಿಕ ಉಪನ್ಯಾಸ, 7 ಗಂಟೆಡ್ದ್ ವಿಶ್ವವಿಖ್ಯಾತ ಜಾದೂಗಾರೆರಾಯಿನ ಪ್ರೊ. ಶಂಕರ್ ಬೊಕ್ಕ ಜೂ. ಶಂಕರ್ ಮೊಕ್ಲೆಡ್ದ್ “ಜಾಗೃತಿಗಾದ್ ಜಾದೂ – ಆಧ್ಯಾತ್ಮಿಕ ಜಾದೂ ಪ್ರದರ್ಶನ” ಬೊಕ್ಕ ರಾತ್ರೆ 8 ಗಂಟೆಗ್, ಗ್ಲೋ ಆರ್ಟ್ ಖ್ಯಾತಿದ ಬೆಂಗಳೂರುದ ಪ್ರಖ್ಯಾತ ಕಲಾವಿದೆರಾಯಿನ ವಿನಯ್ ಹೆಗಡೆ ಮೊಕ್ಲೆಡ್ದ್ “ಗಾಳಿಯಲ್ಲಿ ಚಿತ್ತಾರ” ಕಾರ್ಯಕ್ರಮೊಲು ನಡಪರೆಗುಂಡ್.