ಎಪ್ರಿಲ್ 30 ಡ್ದ್ ಮೇ 11 ಮುಟ್ಟ ಕೊಲ್ಲೂರು ಮೂಕಾಂಬಿಕಾ ದೇವಳಡ್ ಬ್ರಹ್ಮಕಲಶೋತ್ಸವ

ಸುಮಾರು 12 ವರ್ಷೊಡಿಂಚಿ ಬಾಕಿ ಒರಿದಿನ ಅಷ್ಟಬಂಧ ಬ್ರಹ್ಮಕಳಶ ಕೊಲ್ಲೂರು ಮೂಕಾಂಬಿಕಾ ದೇವಿಗ್ ಈ ಸರ್ತಿ ಸಮರ್ಪಣೆ ಆವರೆಗುಂಡ್. ಆಜಿ ತಿಂಗೊಲುಡ್ದ್ ನಡತೊಂದುಪ್ಪುನ ಜಟಾಪಟಿಗ್ ತಾತ್ಕಾಲಿಕ ವಿರಾಮ ತೋಜೊಂದುಂಡ್. ಚುನಾವಣಾ ನೀತಿ ಸಂಹಿತೆ ಅಡ್ಡ ಬರೊಂದಿತ್ತುದ್ ಜನಪ್ರತಿನಿಧಿಲು ಉಪ್ಪಂದೆನೇ ನಾಡ ದೇವಿಗ್ ಧಾರ್ಮಿಕ ವಿಧಿ ವಿಧಾನ ನಡಪರೆಗುಂಡ್.

ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನ ದಕ್ಷಿಣ ಭಾರತಡೇ ಪುಗಾರ್ತೆನ್ ಪಡೆಯಿನ ಶಕ್ತಿಪೀಠ. ರಾಜ್ಯೊಡ್ ಮಾತ್ರ ಅತ್ತ್, ಪರರಾಜ್ಯ ಪರದೇಶದ ಭಕ್ತೆರು ಕೊಲ್ಲೂರುದ ಕಾರಣಿಕಗ್ ಸಾಕ್ಷಿ. ರಾಜ್ಯದ ರಡ್ಡನೇ ಹೆಚ್ಚು ವರಮಾನದ ದೇವಸ್ಥಾನಲೆಡ್ ಕರಿನ 12 ವರ್ಷಡಿಂಚಿ ಧಾರ್ಮಿಕ ಸಂಪ್ರದಾಯ ಒಂಜಿ ನಡತೊಂದಿಜ್ಜಿ. 2007 ಇಸವಿ ಡ್ ಬೊಕ್ಕ ಕ್ಷೇತ್ರೊಡ್ ಅಷ್ಟಬಂಧ ಬ್ರಹ್ಮಕಲಶೋತ್ಸವ ನಡದಿನೇ ಪನ್ಪಿನವ್ವೇ ಚೋದ್ಯ ಸಂಗತಿ. ಅಂಚಾದೇ ಮುಲ್ಪ ಕಂಟಕ ಉಂಡು ಪಂಡುದ್ ತೆರಿದಿತ್ತುಂಡಲಾ ಅರ್ಚಕ ವ್ರಂದ ಜನಪ್ರತಿನಿಧಿಕುಲು, ದೇವಸ್ಥಾನದ ವ್ಯವಸ್ಥಾಪನ ಸಮಿತಿದ ಜಟಾಪಟಿಡಾದ್ ಬಾಕಿಯಾದಿತ್ತುಂಡ್. ಕಡೆಕುಲಾ ಏಪ್ರಿಲ್ ತಿಂಗೊಲುಡ್ ಕಾರ್ಯಕ್ರಮಗ್ ದಿನ ನಿಗದಿಯಾತುಂಡ್.ಪಂಡುದ್ ಆಡಳಿತ ಮಂಡಳಿ ಪತ್ರಿಕಾ ಗೋಷ್ಠಿಡ್ ತೆರಿಪಾದೆರ್.