ಆಕಾಶೊಡ್ ನಮ್ಮ ವಿಜ್ಞಾನಿಲೆನ ಅದ್ಭುತ ಪ್ರಯೋಗಲು..

.

ನಮ್ಮ ಭಾರತದ ಪೆರ್ಮೆದ ಚಂದ್ರಯಾನ 3 ತ್ತ ಉಡ್ಡಯನೆ, ಜುಲೈ 14 ಆದಿತ್ತುಂಡ್. ರಾಕೇಟ್ ಡ್ದ್ ಬೋಡಾಯಿನ ಎತ್ತರೊಗ್ ರಾಯಿನ ನಮ್ಮ ರೋವರ್ ಭೂಮಿಡ್ದ್ ಸುಮಾರು 170 ಕಿಮೀ ಎತ್ತರೊಡ್ ದೀರ್ಘವೃತ್ತಾಕಾರದ 170 x 36 500 ಕಿಮೀ ಕಕ್ಷೆಡ್ ಭೂ ಪ್ರದಕ್ಷಿಣೆ ಆನಿಯೇ ಆರಂಭ ಮಲ್ತುಂಡ್. ಅಯಿತ್ತ ಸುತ್ತುವಿಕೆದ ಕಕ್ಷೆ ವೃದ್ಧಿನ್ ನಮ್ಮ ವಿಜ್ಞಾನಿಲು ಜಾಸ್ತಿ ಮಲ್ತೊಂದ್ ಪೋಯೆರು.
ಜುಲೈ 15 ತಾರೀಕುಗ್
173 x 41, 762 ಕಿಮೀಗ್ ,
ಜುಲೈ 17 ಗ್
226 x 41, 603 ಕಿಮೀ,
ಜುಲೈ 18 ಗ್
228 x 51, 400 ಕಿಮೀ,
ಜುಲೈ 20 ಗ್
233 x 71, 351 ಕಿಮೀ,
ಜುಲೈ 25 ಗ್
236 x 1, 27, 603 ಕಿಮೀ ಲೆಗ್ ಎರಿಸಾವೊಂದ್ ಭೂ ಪ್ರದಕ್ಷಿಣೆ ಮಲ್ಪದೆರು.
ಬೊಕ್ಕ ಆಗಸ್ಟ್ 1 ತಾರೀಕುಗ್
288 x 3, 69, 328 ಕಿಮೀ ಗ್ ದುಂಬು ಪಾಡಿಯೆರು.
ಆನಿ ಸೂಪರ್ ಮೂನ್. ಆದಿನ ಚಂದ್ರೆ ಭೂಮಿಡ್ದ್
3, 57, 700 ಕಿಮೀ ದೂರೊಡಿತ್ತೆ.
ಆವ್ ಭೂಮಿಗ್ ಸರಾಸರಿ ದೂರೊಡ್ದ್ ಸುಮಾರು 27 ಸಾವಿರ ಕಿಮೀ ಕೈತಲ್.
ಇದಮುಟ್ಟಲಾ ಭೂ ಗುರುತ್ವಡೇ ತಿರುಗೊಂದಿತ್ತಿನ ನಮ್ಮ ರೋವರ್
ಆಗಸ್ಟ್ 1 ತಾರೀಕುಗ್ ಈ ರೊವರ್ ನ್ ಚಂದ್ರನಡೆಗ್ ಒಯ್ಪುನ ಪ್ರಕ್ರಿಯೆ ನಡತುಂಡ್..
ಆಗಸ್ಟ್ 5ತಾರೀಕುಗ್ ಕೋಡೆ ಚಂದ್ರೆ
3, 65, 945 ಕಿಮೀ ದೂರೊಡುಪ್ಪನಗ ಬಯ್ಯಗ್ 7:30 ಗ್ ನಮ್ಮ ರೋವರ್ ಚಂದ್ರನ ಕೈತಲ್ ಬರೊಂದಿತ್ತುಂಡ್..ಅದಗ ಕುಡೊಂಜಿ ಪ್ರಯೋಗ ಮಲ್ತುದ್ ಈ ರೋವರ್ ನ್ ಚಂದ್ರನ ಗುರುತ್ವ ಕಕ್ಷೆಗ್ ನೂಕಿಯೆರು. ಈ ಸಾಹಸಮಯ ಪ್ರಯೋಗ ಮೊರನಿ ಬಯ್ಯಡ್ ಮುಗಿದುಂಡ್. ಮುಲ್ಪಡ್ದ್ ನನಲಾ ಕ್ಲಿಷ್ಟ ಕ್ರಿಯೆಕುಲು.
ನನ ಕೆಲ ದಿನೊಕುಲು ಚಂದ್ರನ ಸುತ್ತ ದೀರ್ಘವೃತ್ತಾಕಾರದ ನಮ್ಮ ರೋವರ್ ನ ಪಥ. ಅಯಿತ್ತ ಪೆರಿಜಿ ( ದೂರದ ದೂರ ) ನ್ ಕಡಿಮೆ ಕಡಿಮೆ ಮಲ್ತೊಂದ್
ರೋವರ್ ಚಂದ್ರಗ್ ದೀರ್ಘವೃತ್ತ ಪ್ರದಕ್ಷಿಣೆಲೆನ್ ಮುಗಿಪಾದ್ ಕಡೇಕ್ ವೃತ್ತಾಕಾರದ ಪ್ರದಕ್ಷಿಣೆ ಬರ್ಪುಂಡ್.
ಆಗಸ್ಟ್ 17 ತಾರೀಕುಗ್ ರೋವರ್ ಡ್ದ್ ಲ್ಯಾಂಡರ್ ಬೇರ್ಪಾಡ್ ಆಪುಂಡ್.
ಬೊಕ್ಕ ಲ್ಯಾಂಡರ್ ನ್ ಜಪುಡಾವುನ ಬಾರೀ ಕ್ಲಿಷ್ಟಕರ ಪ್ರಯೋಗ ಆಗಸ್ಟ್ 23 ತಾರೀಕುಗ್ ಬಯ್ಯಗ್ 5:30 ಗ್ ಪಂಡುದ್ ಇತ್ತೆಬ ನಿರ್ಧಾರ ಮಲ್ದೆರ್. ಚಂದ್ರನ ಮಿತ್ತ್ ನಮ್ಮ ಲ್ಯಾಂಡರ್ ಜಪುಡಾವುನ್.
ಈ ಮಾತಾ ಪ್ರಯೋಗೊಲ್ ಸಫಲ ಆಂಡುಡ ಆ ಲ್ಯಾಂಡರ್ನಡ್ ದೆಂಗುದ್ ಕುಲ್ಲುನ ನಮ್ಮ ಮುದ್ದು ಪ್ರಜ್ಞಾನ ದುಂಬುದ 14 ದಿನೊಕುಲ್ ಚಂದ್ರನ ಮಿತ್ತ್ ಬಲಿತೊಂದ್ ಪ್ರಯೋಗಲೆನ್ ಮಲ್ಪರೆಗುಂಡ್.

ನಮ್ಮ ಇಸ್ರೋ ವಿಜ್ನಾನಿಲೆನ ಈ ನಿರಂತರ ಕ್ಲಿಷ್ಟ ಪ್ರಯೋಗೊಲ್ ಯಶಸ್ಸು ಆವಡ್ ಪಂಡುದ್ ಎಡ್ಡೆಪ್ಪು ಬಯಕುಗ..
ಡಾ ಎ. ಪಿ . ಭಟ್ ಉಡುಪಿ.