ತುಳು ಕಲ್ಪಾದಿಲೆಗ್ ಮಾನಾದಿಗೆ

ಅಖಿಲ ಭಾರತ ತುಳು ಒಕ್ಕೂಟ(ರಿ.) ಮಂಗಳೂರು ವತಿಡ್ದ್ ತುಳು ಜಾನಪದ ಉಚ್ಚಯ 2024 ಕುಡ್ಲ ಪುರಭವನದ ಅಡ್ಯಾರ್ ಮಹಾಬಲ ಶೆಟ್ಟಿ ವೇದಿಕೆಡ್ ನಡತುಂಡ್.ಕಾಂಡೆಡ್ದ್ ಬಯ್ಯಮುಟ್ಟ ನಡತಿನ ತುಳುನಾಡ ಕಲಾಪಂಥದ ಒರುಟು ಬೇತೆ ಬೇತೆ ತುಳುಕೂಟದ ಪದುಕೆರೆಡ್ದ್ ನಡತಿನ ಸಾಂಸ್ಕ್ರತಿಕ ಕಜ್ಜೊಲು  ವೇದಿಕೆಡ್ ಬಾರೀ ಪೊರ್ಲುಡ್ ಮೂಡ್ದ್ ಬತ್ತುಂಡ್.

ಕಜ್ಜೊದ ನಡುಟ್ ಶಾಲೆಲೆಡ್ ಮೂಜನೇ ಬಾಸೆಯಾದ್ ತುಳು ಕಲ್ತೊಂದುಪ್ಪುನ ತುಳುನಾಡುದ ಬೇತೆ ಬೇತೆ ಶಾಲೆದ 370 ಕಲ್ಪಾರ್ಥಿಲೆಗ್ ಬೊಕ್ಕ ಆ ಕಲ್ಪಾರ್ಥಿಲೆಗ್ ತುಳುಬಾಸೆಡ್  ಕಲ್ಪಾವೊಂದುಪ್ಪುನ  37 ಜನ ಕಲ್ಪಾದಿಲೆಗ್  ವೇದಿಕೆಡ್ ಮಾನಾದಿಗೆ ನಡತುಂಡ್.