ಕಾಪು ತಾಲೂಕುದ ಉದ್ಯಾವರ ಗ್ರಾಮ ಪಂಚಾಯತ್ ವತಿಡ್ದ್ ಇಲ್ಲಡ್ದ್ ಸಂಗ್ರಹಣೆ ಮಲ್ಪುನ ಹಸಿ ಬೊಕ್ಕ ಒಣ ತ್ಯಾಜ್ಯೊನ್ ಪಂಚಾಯತ್ ಕೈತಲುಡುಪ್ಪುನ 2 ಕೋಣೆಲೆಡ್ ಸಂಗ್ರಹ ಮಲ್ತ್ ದೀತೆರ್. ಕಸೊನ್ ಸಂಗ್ರಹ ಮಲ್ದಿನ ಕೋಣೆದ ಕೈತಲುದ ಕೋಣೆಡ್ ಅಂಗನವಾಡಿ ಇತ್ತುದ್ ಕಸೊಟಾತಿನ ಪುರಿಕುಲು ಅಂಗನವಾಡಿದ ಕೋಣೆದುಲಾಯಿ ಪರತೊಂದುಂಡ್. ಐತ್ತ ವಾಸನೆಗ್ ಜನ ಸಾಮಾನ್ಯೆರು ಮೂಕು ಬಂದು ಮಲ್ತೊಂದ್ ಪೋಪಿನ ಪರಿಸ್ಥಿತಿ ನಿರ್ಮಾಣ ಆತುಂಡ್.
ಸುಮಾರು 30 ಮೀಟರ್ ವ್ಯಾಪ್ತಿಡ್ ಸರಕಾರಿ ಶಾಲೆ ಪ್ರಾಥಮಿಕ ಆರೋಗ್ಯ ಕೇಂದ್ರ ಚಿಕಿತ್ಸಾಲಯ ಬೊಕ್ಕ ಗ್ರಂಥಾಲಯ ಉಂಡು.ಸಂಗ್ರಹ ಮಲ್ತು ದೀತಿನ ತ್ಯಾಜ್ಯೊನ್ ಕೂಡಲೇ ವಿಲೇವಾರಿ ಮಲ್ಪೊಡು ಪಂಡುದ್ ಸಾಮಾಜಿಕ ಕಾರ್ಯಕರ್ತೆರಾಯಿನ ಅನ್ಸಾರ್ ಅಹಮದ್ ಬೊಕ್ಕ ಪ್ರಮೋದ್ ಉಚ್ಚಿಲ ಮೊಕುಲು ಉಡುಪಿ ಜಿಲ್ಲಾಡಳಿತ ಬೊಕ್ಕ ಸಂಬಂಧಪಟ್ಟಿನ ಇಲಾಖೆನ್ ಆಗ್ರಹ ಮಲ್ತುದೆರ್.
by 