ತುಳುಟ್ ಎಮ್.ಎ.ಮಲ್ಪುನಕಲೆಗ್ ಸುವರ್ಣಾವಕಾಶ..

ತುಳು ಎಂಎ ಪ್ರವೇಶಾತಿ:
2021-22 ನೇ ಸಾಲುಡ್ ತುಳುಟ್ ಎಂ.ಎ ಮಲ್ಪರೆಗ್ ಆಸಕ್ತಿ ಇತ್ತಿನಕ್ಲೆಗ್ ಸುವರ್ಣ ಅವಕಾಶ .ಕಡೇತ ಕೆಲವು ಸೀಟುಲು ಮಾತ್ರ ಬಾಕಿ ಇತ್ತುದ್ ಆಸಕ್ತೆರು ಆಯಿನಾತ್ ಬೇಗ ಸಂಯೋಜಕೆರು ತುಳು ಎಂ. ಎ ವಿಭಾಗ , ವಿಶ್ವ ವಿದ್ಯಾನಿಲಯ ಸಂಧ್ಯಾ ಕಾಲೇಜಿದ ಕಛೇರಿನ್ ಸಂಪರ್ಕ ಮಲ್ಪೊಲಿ… ಅಂಚೆನೆ ಅಭ್ಯರ್ಥಿಲು ತನ್ನ ಪದವಿ ಶಿಕ್ಷಣ ಮುಗಿತುದಿಪ್ಪೊಡ್..ಪದವಿಡ್ ೫೦% ಫಲಿತಾಂಶ ಪಡೆದಿಪ್ಪೊಡ್

ಒಂಜಿ ಭಾಷೆ ಶೈಕ್ಷಣಿಕವಾದ್ ಗಟ್ಟಿ ಆಯಿನಾತ್ ಮಾತಾ ವಿಧೊಟುಲಾ ಬಲವರ್ಧನೆ ಆವೊಂದ್ ಪೋಪುಂಡ್. ತುಳು ಭಾಷೆಯಾದ್ ಬುಲೆದುಂಡಲಾ , ಶೈಕ್ಷಣಿಕ ಅವಕಾಶೊಲ್ ಇತ್ತುಜಿ. ಈ ನಿಟ್ಟುಡ್ ಮಂಗಳೂರು ವಿಶ್ವವಿದ್ಯಾನಿಲಯ 2018-19ನೇ ಸಾಲುಡ್ ಹಂಪನಕಟ್ಟೆದ ವಿಶ್ವವಿದ್ಯಾನಿಲಯದ ಸಂಧ್ಯಾ ಕಾಲೇಜಿಡ್ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗೊನ್ ಆರಂಭ ಮಲ್ದಿತ್ತುಂಡ್. ಈ ಮೂಲಕ ತುಳು ಭಾಷೆದ ಜನಪದ, ಸಾಹಿತ್ಯ, ಇತಿಹಾಸ, ಪರಂಪರೆದ ಬಗ್ಗೆ ತೆರಿಯರೆಗಾದ್ ಉನ್ನತ ಶಿಕ್ಷಣೊಡ್ ಅವಕಾಶ ಸೃಷ್ಟಿ ಮಲ್ದೆರ್. ಹೈಸ್ಕೂಲ್ ಬೊಕ್ಕ ಪದವಿ ಹಂತೊಡ್ ತುಳು ಕಲಿಕೆಗೆ ಅವಕಾಶ ಕೊರ್ದಿತ್ತುದ್, ವಿದ್ಯಾರ್ಥಿಲು ಆಸಕ್ತಿ ತೋಜಾವುನವ್ವ್ ಎಡ್ಡೆ ಬೆಳವಣಿಗೆ.
ಕರಾವಳಿಯ ಮೂಜಿ ಜಿಲ್ಲೆಡ್ ಮಾತ್ರ ಅತ್ತಾವಂದೆ, ಮುಂಬೈ, ಬೆಂಗಳೂರು ಅತ್ತಾವಂದೆ, ದೇಶ- ವಿದೇಶೊಲೆಡ್ ತುಳು ಪಾತೆರುನಕುಲು ಇತ್ತುಂಡಲಾ, ತುಳು ಭಾಷೆದ ಬಗ್ಗೆ ಉನ್ನತ ಶಿಕ್ಷಣೊಡ್ ಕಲ್ಪರೆಗ್ ಅವಕಾಶ ಇತ್ತುಜಿ.ಮಸ್ತ್ ಜನತ್ತ ಒತ್ತಾಸೆಡ್ದ್ ಮಂಗಳೂರು ವಿಶ್ವವಿದ್ಯಾನಿಲಯದ ಸ್ನಾತಕೋತ್ತರ ಅಧ್ಯಯನ ವಿಭಾಗ ಪ್ರಾರಂಭ ಮಲ್ತುದ್, ಕರಿನ ಮೂಜಿ ವರ್ಷೊಡಿಂಚಿ ಮಸ್ತ್ ಯಶಸ್ವಿಯಾದ್ ದುಂಬು ಪೋತುಂಡ್. ತುಳು ಎಂಎ ಸ್ನಾತಕೋತ್ತರ ಪದವಿ ಪಡೆಯರೆಗ್ ಉಪ್ಪುನ ಒಂಜೇ ಕಾಲೇಜು ಉಂದು ಆದಿತ್ತುದ್, ತುಳುವೆರೆಗ್ ಅಂಚೆನೇ ಬಾಕಿದಕ್ಲೆಗುಲಾ ಅವಕಾಶ ಸಿಕ್ಕುದುಂಡ್.
ಈ ಸರ್ತಿದ 2021-22ರ ಸಾಲುದ ಸ್ನಾತಕೋತ್ತರ ಅಧ್ಯಯನೊಗ್ ಪ್ರವೇಶಾತಿ ಸುರು ಆದಿತ್ತುದ್ ಆಸಕ್ತೆರು ನವೆಂಬರ್ 23ದ ಉಲಾಯಿ ಅರ್ಜಿ ಪಾಡೊಲಿ ಪಂಡುದು ಮಂಗಳೂರು ವಿಶ್ವ ವಿದ್ಯಾಲಯದ ಪ್ರಕಟಣೆ ತೆರಿಪಾದುಂಡ್. ರಡ್ಡ್ ವರ್ಷದ ತುಳು ಎಂಎ ಪದವಿ ಕಲಿಕೆಗ್ 30 ಜನಕ್ ಮಾತ್ರ ಅವಕಾಶ ಉಪ್ಪುಂಡ್. ಹೆಚ್ಚಿಗೆ ಮಾಹಿತಿಗಾದ್ ವೆಬ್ ಸೈಟ್ ವಿಳಾಸ www.mangaloreuniversity.ac.in ಅತ್ತುಂಡ ಮೊಬೈಲ್ ಸಂಖ್ಯೆ(9972261201, 9480791560, 9448931212) ಸಂಪರ್ಕ ಮಲ್ಪೊಲಿ.
ಡಾ. ಮಾಧವ ಎಂ. ಕೆ
ಸಂಯೋಜಕೆರು, ಸ್ನಾತಕೋತ್ತರ ತುಳು ಅಧ್ಯಯನ ವಿಭಾಗ ಬೊಕ್ಕ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳು ಪೀಠ, ಮಂಗಳೂರು ವಿಶ್ವ ವಿದ್ಯಾಲಯ