ಪ್ರೇರಣಾ ತರಬೇತಿ ಶಿಬಿರ

ಮೊಗವೀರ ಯುವ ಸಂಘಟನೆ (ರಿ) ಉಡುಪಿ ಜಿಲ್ಲೆ ಬೊಕ್ಕ ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ (ರಿ) ಉಡುಪಿ ಮೊಕ್ಲೆನ ಜಂಟಿ ಆಶ್ರಯೊಡ್ ಮೊಗವೀರ ಯುವ ಸಂಘಟನೆದ ಜಿಲ್ಲಾ ಸಮಿತಿ ಬೊಕ್ಕ ಘಟಕದ ಪದಾಧಿಕಾರಿನಕ್ಲೆಗ್ ನಾಯಕತ್ವದ ಬಗ್ಗೆ ಮಾಹಿತಿ ಕೊರ್ಪಿನ ನಿಲೆಟ್ ” ಪ್ರೇರಣಾ ತರಬೇತಿ ಶಿಬಿರ” ಕರಿನ ಐತಾರ 24 ತಾರೀಕುದಾನಿ ಬ್ರಹ್ಮಾವರದ ಶಾಮಿಲಿ ಶನಾಯ ಸಭಾಭವನೊಡ್ ನಡತುಂಡ್.ಸಂಪನ್ಮೂಲ ವ್ಯಕ್ತಿಯಾದ್ ಜೆಸಿಐ ತರಬೇತುದಾರೆರಾಯಿನ ರಾಘವೇಂದ್ರ ಹೊಳ್ಳ ಮೇರ್ ಪ್ರೇರಣಾ ತರಬೇತಿ ಶಿಬಿರೊನ್ ನಡಪಾದ್ ಕೊರಿಯೆರ್.ಮೊಗವೀರ ಸಂಘಟನೆದ ಜಿಲ್ಲಾಧ್ಯಕ್ಷೆರಾಯಿನ ಶ್ರೀ ರಾಜೇಂದ್ರ ಸುವರ್ಣ ಹಿರಿಯಡಕ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತೆರ್.ಮಾಜಿ ಜಿಲ್ಲಾಧ್ಯಕ್ಷೆರಾಯಿನ ಶಿವರಾಮ್ ಕೋಟ,ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರವೀಶ್ ಕೊರವಡಿ ಬೈಂದೂರು,ಸಹತರಬೇತುದಾರೆರಾಯಿನ ಅಶೋಕ್ ತೆಕ್ಕಟ್ಟೆ ಸಭಾಕಜ್ಜೊಡ್ ಉಪಸ್ಥಿತರಿತ್ತೆರ್.ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ದ ಪ್ರವರ್ತೆಕೆರಾಯಿನ ನಾಡೋಜ ಡಾ.ಜಿ.ಶಂಕರ್ ಕಾರ್ಯಕ್ರಮೊಗ್ ಬತ್ತುದ್ ಶುಭಹಾರೈಸಿಯೆರ್.