ಪುದರ್ ಒರಿಯೊಡು..

ಅಸೆ ಪೂರ ಉರ್ಕೋಡ್ ಮಲ್ಲ ಮಲ್ಲ ಮೆಂಕುನ ಬೊಲ್ಪುದ ನಡುಟು…
ಮಾಜಾಂದಿ ಬೇನೆನ್ ಪೂರ ನಿನ್ನುಲಯಿ ದೆಂಗದ್ ದಿವೊಡು…
ನಂಜಿ ಮಚ್ಚರದ ಕಣ್ಣ್ ಕಟ್ಟ್ ದಾಯನ ಕುರುಕುಸೆಲ್ದಾ ಬುದ್ಧಿದ ಒಟ್ಟು…

ಮಸಣ ಸೇರಿಬೊಕ್ಕಲ ಪುದರ್ ಒರಿಯೋಡು ಭೂಮಿ ಅಪ್ಪೆಗ್ ಋಣ ಸಂದಾವೋಡು…
ಕಟ್ಟಿ ಕನನ್ ಕಷ್ಟ ಬತ್ತ್ ಕೊಡಿ ಎತ್ತಾವೋಡು ನಿನ್ನ ಸಾದಿಡ್ ಈ ನಡಪೊಡು…
ಪೋಡಿ ಪೋಡಿದ್ ಪಿರ ನರ್ಗೋರ್ಚಿ ಪಿರಣ ಪೊಂಡಲ ನಿನ್ನ ಕನ ಈ ಬುಡೋರ್ಚಿ….

ರಂಗ್ ರಂಗ್ ದ ಪಾತೆರಗು ಕೆಬಿ ಕೊರಡ ಮರ್ಲ್ ಕೋಮಠಿಕೆಗ್ ಮಂಡೆ ಕೊರಡ….
ಅಜತತ್ತಿ ಬದಕ್ ಪಿರ ತಿಕಂದ್ ಪೊಕ್ಕಡೆ ಕಣ್ಣ್ ಮುಚ್ಚಿಂಡ ಏರೆಗ್ಲಾ ತೆರಿಯಂದ್….
ನಾಲ್ ದಿನ ಪೊರ್ಲುಡು ಬದುಕೋಡು ಊರು ಮಾನವುಲೆಕ ಉಸುಲ್ ಉಂತ್ಯೋಕ್ಕಲ ಪುದರ್ ಒರಿವುಲೆಕ…

✒️ ಸುಶಾಂತ್ ಪೂಜಾರಿ ಕನ್ನಡಿಕಟ್ಟೆ