ಜೋಕ್ಲೆನ ಹಕ್ಕು ಬೊಕ್ಕ ಶಿಕ್ಷಣದ ಬಗ್ಗೆ ಗೇನ ಪುಟ್ಟಾವುನ ಸಲುವಾದ್ ಜೋಕ್ಲೆನ ದಿನಾಚರಣೆನ್ ಭಾರತೊಡ್ ಆಚರಣೆ ಮಲ್ಪುವೆರ್. ಬೇತೆ ಬೇತೆ ಕಾರ್ಯಕ್ರಮೊಲೆನ್ ಆಯೋಜನೆ ಮಲ್ಪುನ ಮುಖೇನ ಜೋಕ್ಲೆನ ದಿನತ್ತ ಸಡಗರೊಗ್ ಕುಡಲಾತ್ ರಂಗು ದಿಂಜಾವೊಲಿ ಪಂಡುದ್ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ ಕಾಪು ವಲಯಾಧ್ಯಕ್ಷ ವಿನೋದ್ ಕಾಂಚನ್ ಪಂಡೆರ್.
ಆರು ಉಡುಪಿ ವಲಯದ ವತಿಡ್ದ್ ಕುಕ್ಕಿಕಟ್ಟೆದ ಶ್ರೀಕೃಷ್ಣ ಬಾಲನಿಕೇತನಡ್ ಜೋಕ್ಲೆನ ದಿನಾಚರಣೆದ ಪ್ರಯುಕ್ತ ನಡತಿನ ಕಾರ್ಯಕ್ರಮಡ್ ಪಾಲ್ ಪಡೆದ್ ಪಾತೆರಿಯೆರ್. ಕಜ್ಜೊಡ್ ಉಪಸ್ಥಿತರಿತ್ತಿನ ರೊಟೇರಿಯನ್ ರಾಮಚಂದ್ರ ಉಪಾಧ್ಯ ಪಾತೆರ್ದ್ ಸಮಾಜೊಡ್ ನಡಪುನಂಚಿನ ಕಾರ್ಯಚಟುವಟಿಕೆಲೆನ್ ದಾಖಲೀಕರಣ ಮಲ್ಪುನ ಛಾಯಾಚಿತ್ರಗಾರೆರು ಈ ವಿದ್ಯಾರ್ಥಿಲೆನ ಧರ್ಮಾರ್ಥ ಮಾಡೆಲಿಂಗ್ ಫೋಟೋಗ್ರಫಿ ಮಲ್ತುದಿನ ವಿಶೇಷ ಪಂಡುದ್ ಸ್ಪರ್ಧೆಡ್ ವಿಜೇತರಾಯಿನಕ್ಲೆಗ್ ಇನಾಮು ವಿತರಣೆ ಮಲ್ತೆರ್.
ಯುವ ಪ್ರತಿಭೆ ಸ್ಮಿತಾ ಎಸ್ ಬಿ ಮೆರೆನ್ ಅಭಿನಂದಿಸಾದ್ ಗೌರವ ಮಲ್ತೆರ್. ಜೋಕ್ಲೆಗ್ ಸ್ಪರ್ಧೆಲನ್ ಸುಷ್ಮಾ ರತನ್ ಶೆಟ್ಟಿ ನಡಪಾದ್ ಕೊರಿಯೆರ್. ಜೋಕ್ಲೆನ ಮಾಡೆಲಿಂಗ್ ಫೋಟೋಗ್ರಫಿನ್ ಖ್ಯಾತ ಛಾಯಾಚಿತ್ರ ಕಲಾವಿದೆರಾಯಿನ ಸಂದೀಪ್ ಕಾಮತ್ ಮಲ್ತೆರ್.
ಈ ಸಂದರ್ಭೊಡ್ ಉಪಾಧ್ಯಕ್ಷ ಸುರಭಿ ಸುದೀರ್ ಶೆಟ್ಟಿ, ಕಾರ್ಯಕ್ರಮ ಸಂಯೋಜಕ ಸುರಭಿ ರತನ್, ಭಕ್ತಿಕಾ ರತನ್ ಉಪಸ್ಥಿತರಿತ್ತೆರ್.
ವಲಯಾಧ್ಯಕ್ಷ ಜನಾರ್ದನ್ ಕೊಡವೂರು ಸ್ವಾಗತ ಮಲ್ತುದ್ . ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಕೊರೆಯ ಧನ್ಯವಾದ ಮಲ್ತೆರ್. ರಾಘವೇಂದ್ರ ಶೇರಿಗಾರ್ ನಿರೂಪಣೆ ಮಲ್ತೆರ್..
by 