ರಕ್ಷಾಬಂಧನ..

ರಕ್ಷಾ ಬಂಧನ
ಪ್ರತೀ ವರ್ಷ ಶ್ರಾವಣ ಮಾಸದ ಪುಣ್ಣಿಮೆದಾನಿ ರಕ್ಷಾಬಂಧನ ಆಚರಣೆ ಮಲ್ಪುವೆರ್.

ರವೀಂದ್ರನಾಥ ಟಾಗೋರ್ ಬಂಗಾಳ ವಿಭಜನೆದ ಪೊರ್ತುಡ್ ಸಾಮೂಹಿಕ ರಕ್ಷಾಬಂಧನ ಉತ್ಸವನ್ ಆಚರಣೆ ಮಲ್ತೆರ್..ಹಿಂದೂ ಬೊಕ್ಕ ಮುಸ್ಲಿಂ ಮಹಿಳೆಯೆರೆನ್ ಬಾಕಿದ ಸಮುದಾಯದ ಪುರುಷೆರೆಗ್ ರಾಖಿ ಕಟ್ಟರೆಗ್ ಬೊಕ್ಕ ಅಕ್ಲೆನ ತಗೆನಕುಲಾದ್ ಮಲ್ತೊನರೆಗ್ ಪ್ರೋತ್ಸಾಹ ಮಲ್ತೆರು. ಹಿಂದೂ ಬೊಕ್ಕ ಮುಸ್ಲಿಮೆರೆನ ನಡುಟು ಬಿರುಕು ಪುಟ್ಟಾವುನ ಬ್ರಿಟಿಷರೆನ ಪ್ರಯತ್ನೊಲೆನ್ ಎದುರಿಸಾವರೆಗ್ ಈ ಪರ್ಬೊನ್ ಮಲ್ತೊಂದಿತ್ತೆರ್.
ಮಹಾಭಾರತ ಪೊರ್ತುಡ್ ದ್ರೌಪದಿ ಶ್ರೀಕೃಷ್ಣಗ್ ರಾಖಿನ್ ಕಟ್ಟುದೊಲ್ .ಶ್ರೀಕೃಷ್ಣೆ ತನ್ನ ಸುದರ್ಶನ ಚಕ್ರೊನ್ ರಾಜ ಶಿಶುಪಾಲನ ವಿರುದ್ದ ಗಲಸಿನಪಗ ಆಯನ ಬಿರೆಲುಗ್ ಗಾಯ ಆಪುಂಡ್.ಕೃಷ್ಣನ ಕೈಟ್ ನೆತ್ತೆರ್ ಬತ್ತಿನಪಗ ದ್ರೌಪದಿ ತನ್ನ ಸೀರೆದ ಒಂಜಿ ತುಂಡುನ್ ಪರ್ತುದ್ ಆಯನ ಕೈಕ್ ‌ಕಟ್ಟುವೊಲು. ಅಯಿಕ್ ಪ್ರತಿಯಾದ್ ,ಕ್ರಷ್ಣೆ ನಿನ್ನ ರಕ್ಷಣೆ ಬೊಕ್ಕ ಪಾಲಿಸಾವರೆಗ್ ಯಾಪೊಲಾ ಇಪ್ಪುವೆ ಪಂಡುದ್ ಪ್ರತಿಜ್ಞೆ ಮಲ್ಪುವೆ.
ಎಡ್ಡೆ ತಗೆನಕುಲು ನೆತ್ತೆರ್ ಪಟ್ಟುದ್ ಪುಟ್ಟೊಡ್ ಪಂಡುದಿಜ್ಜಿ.ಒಪ್ಪಪುಟ್ಟಿನಕುಲು ಅತ್ತುಂಡ, ಪಿದಾಯಿದಕ್ಲನುಲಾ ತಗೆನಕುಲು ಪನ್ಪಿನ ಭಾವನೆ ದೀಯೊನೊಡ್ ಪನ್ಪಿನ ಸಂದೇಶೊನ್ ಸಾರುನ ಪರ್ಬನೇ ರಾಖಿ (ರಕ್ಷಾ ಬಂಧನ) ಪರ್ಬ.ದುಂಬು ಯುದ್ಧೊಗ್ ಪೋಪಿನ ಸಂದರ್ಭಡ್ ಯೋಧೆರೆಗ್ ಪೊಂಜೊವುನಕುಲು ರಾಖಿ ಕಟ್ಟುದ್ ಯುದ್ಧಡ್ ಗೆಂದುದ್ ಬರ್ಪಿಲೆಕ್ಕ ಹಾರೈಕೆ ಮಲ್ತುದ್ ಕಡಪುಡೊಂದಿತ್ತೆರ್..ಮಾತೆರೆಗುಲಾ ರಕ್ಷಾಬಂಧನದ ಎಡ್ಡೆಪ್ಪುಲು..

ಬರವು: ಜಯರಾಮ್ ಅಂಬೆಕಲ್ಲು..