ಸೌತ್ ಕೆನರಾ ಫೋಟೋಗ್ರಾಪರ್ಸ್ ಅಸೋಸಿಯೇಷನ್ ಉಡುಪಿ ವಲಯದ ವತಿಡ್ದ್ ರಾಷ್ಟ್ರಧ್ವಜ ವಿತರಣೆ

ಕೇ೦ದ್ರ ಸರ್ಕಾರ ಸ್ವಾತಂತ್ರ್ಯೋತ್ಸವದ ಅಮೃತ ಮಹೋತ್ಸವದ ಪ್ರಯುಕ್ತ ಹರ್ ಘರ್ ತಿರಂಗಾ ಯೋಜನೆನ್ ಆಯೋಜನೆ ಮಲ್ದಿತ್ತುದ್ ನೆತ್ತ ಅಂಗವಾದ್ ಸೌತ್ ಕೆನರಾ ಫೋಟೋಗ್ರಾಪರ್ಸ್ ಅಸೋಸಿಯೇಷನ್ ಉಡುಪಿ ವಲಯ, ಪಂಚಮಿ ಟ್ರಸ್ಟ್, ಗಾಂಧಿ ಆಸ್ಪತ್ರೆ ದ ವತಿಡ್ದ್ ರಾಷ್ಟ್ರಧ್ವಜನ್ ಸದಸ್ಯರೆಗ್ ವಿತರಣೆ ಮಲ್ತುದ್ ಅಗಸ್ಟ್ 13ಡ್ದ್ ಅಗಸ್ಟ್ 15ಮುಟ್ಟ ಮಾತೆರೆನ ಇಲ್ಲಡ್ ರಾಪಾದ್ ಅಭಿಯಾನದ ಯಶಸ್ವಿ ಮಲ್ಪರೆಗ್ ಮನವಿ ಮಲ್ತೆರ್.

ಈ ಸಂದರ್ಭೊಡ್ ವಲಯಾಧ್ಯಕ್ಷ ಜನಾರ್ದನ್ ಕೊಡವೂರು, ಕಾರ್ಯದರ್ಶಿ ಪ್ರವೀಣ ಕೊರೆಯ, ಕೋಶಾಧಿಕಾರಿ ದಿವಾಕರ ಹಿರಿಯಡ್ಕ, ಸುಳ್ಯ ವಲಯಾಧ್ಯಕ್ಷ ಹರೀಶ್, ಪೂರ್ವಾಧ್ಯಕ್ಷ ಸುಂದರ ಪೂಜಾರಿ ಕೊಳಲ್ಗಿರಿ, ಪ್ರಕಾಶ್ ಕೊಡಂಕೂರು, ಉಪಾಧ್ಯಕ್ಷ ಸುಧೀರ್ ಶೆಟ್ಟಿ , ಛಾಯಾಕಾರ್ಯದರ್ಶಿ ಸಂದೀಪ್ ಕಾಮತ್, ಸಂಘಟನಾ ಕಾರ್ಯದರ್ಶಿ ಮಂಜು ಎಂ.ಎಸ್, ದಾಮೋದರ್ ನಿಟ್ಟೂರು, ಸಾಂಸ್ಕೃತಿಕ ಕಾರ್ಯದರ್ಶಿ ಹರೀಶ್ ಅಲೆವೂರು, ಸತೀಶ್ ಶೇರಿಗಾರ್ ಬೊಕ್ಕ ಗುರುದತ್ ಕಾಮತ್ ಮೊಕುಲು ಮಾತಾ ಇತ್ತೆರ್.