ಅಪ್ಪೆ ಅಮ್ಮೆ ಕೊರ್ನ ಬದ್ಕ್ ಬೊಡೆದಿ ಬನ್ನಗ ಮರಪಡ….

ತೆರಿದ್ ಪೋ…

ಅಪ್ಪೆ ಅಮ್ಮೆ ಕೊರ್ನ ಬದ್ಕ್
ಬೊಡೆದಿ ಬನ್ನಗ ಮರಪಡ
ನಿನ್ನ ಜೋಕುಲು ನಿನನ್
ಮದಪುನ ಬದ್ಕ್ ಡ್ ಈ ಬದ್ಕಡ

ಎದುರು ಪಿರವು ಏರ್ ನಿನ್ನ
ದೋಸ್ತಿ ಪೂರಾ ನೆಪನೆ ಅಣ್ಣ
ಕಾಸ್ ಮೂಲು ಮಾಯೆ ಮಾತ್ರ
ಆಸ್ತಿ ಮೂಲು ಭೂಮಿ ಮಾತ್ರ
ಜಾಸ್ತಿ ಚಿಂತೆ ಮಲ್ಪಡ

ಭೂಮಿ ನಿನ್ನ ಸ್ವಂತ ಅತ್
ಮೂಲು ಈ ಶಾಶ್ವತಲ ಅತ್
ಬಿನ್ನೆ ಲಕ್ಕ ಬತ್ತ್ದ್ ಪೋಪ
ದಾದಾ ಕನಪಾ ದಾದಾ ಕೊನೊಪಾ

ಆಸೆ ಬೋಡು ಕಾಸ್ ಬೋಡು
ದೋಸ್ತಿ ಬೋಡು ಸಂಬಂಧ ಬೋಡು
ಕಡೆಕ್ ನಿನ್ನ ಯಾತ್ರೆ
ತೇರ್ ದೇರ್ಪೆರೆ ನಾಲ್ ಪುಗೆಲ್ ಬೋಡು
ಉಂದು ನಿನ್ನ ಆಸ್ತಿ ತೆರಿದ್ ಪೋ
ಉಂದು ಜೀವನ ಸತ್ಯ……..

✍️ವಿನೋದ್ ಕುಂಪಲ…