ಉಡುಪಿ ಶಂಕರಪುರದ ದ್ವಾರಕಾಮಾಯಿ ಶ್ರೀ ಸಾಯಿಬಾಬಾ ಮಂದಿರಡ್ ಧನ್ವಂತರಿ ಶ್ರೀಸಾಯಿಬಾಬಾರೆನ ಎದುರುಡುಪ್ಪುನ ಭಿಕ್ಷಾಪಾತ್ರೆ ಡ್ ಸುಮಾರು ದಿನೊಡಿಂಚಿ ಕಾಸ್ ಕಣ್ಣೊಂದ್ ಒರಿ ಪರ್ಪಿನ ಚಟತ್ತಾಯೆ ಪರೊಂದಿತ್ತೆ…
ತಾರೀಕು 30/12/2021 ದಾನಿ ಗುರುವಾರದ ವಿಶೇಷ ಪೂಜೆದ ಸಂದರ್ಭಡ್ ಪರ್ದ್ ಬತ್ತಿನ ವ್ಯಕ್ತಿ ಆಯನ್ ಏರ್ಲಾ ತೂಪುಜೆರೆಂದ್ ಎನ್ನುದ್ ಕಣ್ಣು ತಪ್ಪಾದ್ ಭಿಕ್ಷಾ ಪಾತ್ರೆಗ್ ಕೈಪಾಡ್ದ್ ಕಾಸ್ ಕಣ್ಣೊಂದ್ ಕಿಸೆತ್ತುಲಾಯಿ ದೀಯೊಂದ್ ಅಲ್ಪಡ್ದ್ ಕೆಲವೊಂಜಿ ಭಕ್ತೆರು ಗಮನಿಸಾವೊಂದಿತ್ತಿಲೆಕ್ಕನೇ ಆಯೆ ಅಲ್ಪನೇ ನೆಲಕ್ ಬೂರ್ದ್ ನರಳರೆಗ್ ಸುರು ಮಲ್ತೆ… ಆಯನ್ ಪಿದಾಯಿ ಲೆಸೊಂದ್ ಪೋದ್ ತೂವನಗ ಆಯನ ಕಿಸೆಟ್ ಅಲ್ಪ ಕಣ್ಣೊಂದಿನ ಕಾಸ್ ಇತ್ತುಂಡ್.ಆಯನ್ ವಿಚಾರಣೆ ಮಲ್ತಿನಪಗ ಪ್ರತಿದಿನ ಏರ್ಲಾ ಉಪ್ಪಂದಿನ ಫೊರ್ತುಡ್ ಬತ್ತುದ್ ಕಾಸ್ ಕಣ್ಣೊಂದಿತ್ತೆ .ಎನ್ನ ತಪ್ಪಾಂಡ್ ಪಂಡುದ್ ಸಾಯಿಬಾಬಾರೆಡ್ ಕ್ಷಮೆ ಕೇಂಡುದ್ ಪೋಯೆ.. ಶಿಕ್ಷೆ ಕೊರ್ರೆಗ್ ಸಾಯಿಬಾಬಾ ಉಪ್ಪನಗ ನಮ ದಾದ ಮಲ್ಪುನ್ ಪಂಡುದ್ …. ಮಂದಿರೊಡಿತ್ತಿನ ಸಾಯಿಭಕ್ತೆರು ಪಾತೆರೊಂಡೆರ್. ಮಾತೆನ್ಲಾ ಗಮನಿಸಾವೊಂದುಪ್ಪುನ ಶ್ರೀ ಸಾಯಿಬಾಬಾ ಪೂರ್ವೊಡ್ ( ಶಿರಡಿಡ್ ) ಕಳ್ಳಕಾಕೆರೆನ್ ದರೋಡೆಕೋರೆರೆನ್, ಕೆಟ್ಟ ಮನಸ್ಸುದ ಜನಕ್ಲೆನ್ ಪರಿವರ್ತನೆ ಮಲ್ತುದ್ ಸಮಾಜೊಡ್ ಎಡ್ಡೆ ವ್ಯಕ್ತಿಯನ್ನಾದ್ ಮಲ್ತೊಂದಿತ್ತೆರ್..ಇತ್ತೆ ಇಂಚಿತ್ತಿನ ಘಟನೆಲು ಮಾತಾ ಶಂಕರಪುರದ ದ್ವಾರಕಾಮಾಯಿ
ಶ್ರೀ ಸಾಯಿಬಾಬಾ ಮಂದಿರೊಡ್ ಶ್ರೀ ಸಾಯಿಬಾಬಾರೆನ ಸಾಕ್ಷಿದೊಟ್ಡುಗ್ ಪವಾಡ ತೋಜಾವೊಂದುಂಡ್.
ಸಾಯಿ ರಾಮ್…