ಒಡಿಪುಡ್ “ಕೆಮ್ತೂರು ನಾಟಕ ಪ್ರಶಸ್ತಿ” ಗಾದ್ ತುಳು ನಾಟಕ ಪಂತೊ..

ತುಳುರಂಗಭೂಮಿದ ಬುಲೆಚ್ಚಿಲ್ ಗಾದ್ ದಿ| ಕೆಮ್ತೂರು ದೊಡ್ಡಣ್ಣ ಶೆಟ್ಟಿ ಮೇರ್ ವಿಶೇಷವಾಯಿನ ಕೊಡುಗೆ ಕೊರ್ತೆರ್.ಅರೆನ ತುಳುರಂಗ ಚಳುವಳಿಡ್ ತುಳುಬಾಸೆ ಕುಡೊರ ಪುಟ್ಟುದ್ ಬತ್ತುಂಡ್ ಪಂಡುಂಡಲಾ ತಪ್ಪಾವಂದ್.ಈ ನಿಟ್ಟುಡ್ ಅರೆನ ನೆಂಪುಗಾದ್ ತುಳುಕೂಟ ಉಡುಪಿ(ರಿ.) ತುಳುರಂಗಭೂಮಿನ್ ಜೀವಂತವಾದ್ ಒರಿಪಾವುನ ಬೊಕ್ಕ ಸ್ರಜನಶೀಲ ಆಧುನಿಕ ರಂಗಪ್ರಜ್ಞೆದ ಪ್ರಯೋಗೊಲ್ ಪಿದಾಯಿ ಬರೊಡ್,ತುಳುರಂಗಭೂಮಿಲಾ ಬೇತೆ ಬಾಸೆದ ರಂಗಭೂಮಿಗ್ ಸರಿಸಮನಾದ್ ಬುಲೆಯೊಡ್ ಪನ್ಪಿನ ನಿಟ್ಟುಡ್ ಕೆಮ್ತೂರು ನಾಟಕ ಪ್ರಶಸ್ತಿ ಗಾದ್ ಕೆಮ್ತೂರು ದೊಡ್ಡಣ್ಣ ಶೆಟ್ಟಿ ನೆಂಪುದ ತುಳುನಾಟಕ ಪಂತೊನ್ ಕರಿನ 20‌ವರ್ಸೊಡಿಂಚಿ ಆಯೋಜನೆ ಮಲ್ತೊಂದ್ ಬರೊಂದುಂಡ್.

ಈ ಪಂತೊಡ್ ದೇಶದ ಒವ್ವೇ ಪ್ರದೇಶೊಡ್ ಯೋಗ್ಯವಾಯಿನ ತುಳುಹವ್ಯಾಸಿ ನಾಟಕ ತಂಡೊಲೆಗ್ ಪಾಲ್ ಪಡೆಯರೆಗ್ ಅವಜಾಶ ಉಂಡು.ಪಂತೊಗ್ ಈ ಸರ್ತಿ 5 ನಾಟಕೊಲೆನ್ ಆಯ್ಕೆ ಮಲ್ಪುಂಡ್.ವಿಜೇತ ತಂಡೊಲೆಗ್ ಸುರುತ್ತ ಇನಾಮು 20,000, ರಡ್ಡನೇ ಇನಾಮು 15,000 ಬೊಕ್ಕ ಮೂಜನೇ ಇನಾಮು 10,000, ಅತ್ತಾವಂದೆ, ನಿರ್ದೇಶನ, ಸಂಗೀತ,ರಂಗವಿನ್ಯಾಸ,ಬೊಲ್ಪು,ನಟ,ನಟಿ ವಿಭಾಗೊಲೆಗ್ ಸುರುತ್ತ ಇನಾಮು1000 ಅಂಚೆನೇ ರಡ್ಡನೇತ್ತ ಬೊಕ್ಕ 3‌ನೇ ಇನಾಮು ಉಪ್ಪುಂಡ್.ಪಂತೊಗ್ ಆಯ್ಕೆ ಆಯಿನ ರಾಜ್ಯದುಲಾಯಿದ ತಂಡೊಗ್ ರೂ.5,000‌ ಬೊಕ್ಕ ಪರರಾಜ್ಯದ ತಂಡೊಗ್ 10,000 ರೂ ಖರ್ಚಿದೊಟ್ಟುಗ್ ವನಸ್ ದ ವ್ಯವಸ್ಥೆ ಬೊಕ್ಕ ಎಡ್ಡೆ ಸೌಕರ್ಯೊಲೆನ್ ಒದಗಿಸಾವುಂಡ್.

ಪಂತೊಡ್ ಪಾಲ್ ಪಡೆಯರೆಗ್ ಕ್ರಿಯಾ ಶೀಲ ತುಳುಹವ್ಯಾಸಿ ತಂಡೊಲ್ ಮುದ್ರಿತ ಪ್ರವೇಶಪತ್ರ ಬೊಕ್ಕ ನಿಯಮಾವಳಿದ ಬಗ್ಗೆ ಶ್ರೀ. ಬಿ.ಪ್ರಭಾಕರ ಭಂಡಾರಿ,”ಪ್ರಕ್ರತಿ” 5-94A,76 ಬಡಗಬೆಟ್ಟು,ಬೈಲೂರು ,ಉಡುಪಿ ,576101, ಮೊ- 9880825626…..

ಶ್ರೀಮತಿ ಯಶೋದಾ ಕೇಶವ್ ಶ್ರೀ ಭಗವತಿ ಕ್ರಪಾ,ಬಡಾನಿಡಿಯೂರು,ಕದಿಕೆ.ಉಡುಪಿ.ಮೊ- 9036483463 ಮೊಕ್ಲೆಗ್ ಬರೆದ್ 12.12.2021,ದ ಉಲಾಯಿ ಕಡಪುಡೊಡ್.ಪಂಡುದ್ ತುಳುಕೂಟ ಉಡುಪಿ(ರಿ.) ದ ಅಧ್ಯಕ್ಷೆರಾಯಿನ ಶ್ರೀ. ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.