ಮಿನಿ ಉದ್ಯೋಗ ಮೇಳ.

ಕೊಡವೂರು ಅಭಿವೃದ್ಧಿ ಸಮಿತಿ ಬೊಕ್ಕ ಸಹ ಸಂಸ್ಥೆಲೆನ ಸಹಯೋಗದೊಟ್ಟುಗ್ ಉಡುಪಿಡ್ ನಡತಿನ ಆಜನೇ ಮಿನಿ ಉದ್ಯೋಗ ಮೇಳ ಯಶಸ್ವಿಯಾದ್ ನಡತುಂಡ್.

ಸ್ಥಳೀಯ ಬೊಕ್ಕ ಬೆಂಗಳೂರು ಸೇರ್ದ್ ಒಟ್ಟು 9 ಪ್ರತಿಷ್ಠಿತ ಕಂಪೆನಿಲು ಉದ್ಯೋಗ ಮೇಳಡ್ ಪಾಲ್ ಪಡೆದಿತ್ತುಂಡ್.

9 ಕಂಪೆನಿಲಡ್ ಒಟ್ಟು 171 ಹುದ್ದೆಲೆಗ್ ಒಟ್ಟು 84 ಅಭ್ಯರ್ಥಿಲು ಸಂದರ್ಶನ ಕೊರ್ರೆಗ್ ಹಾಜರಾದಿತ್ತೆರ್.

ದುಂಬುದ ಸುತ್ತುದ ಸಂದರ್ಶನೊಗ್ 57 ಅಭ್ಯರ್ಥಿಲು ಶಾರ್ಟ್‌ಲಿಸ್ಟ್ ಆದಿತ್ತುದ್, 6 ಅಭ್ಯರ್ಥಿಲೆಗ್ ಅಲ್ಪನೇ ಕೆಲಸ ಸಿಕ್ಕುದುಂಡ್.

ಮಲ್ಪೆ ಪ್ರಾಥಮಿಕ ಮೀನುಗಾರರ ಸಂಘದ ಅಧ್ಯಕ್ಷ ಸತೀಶ್ ಎಸ್ ಕುಂದರ್ ಉದ್ಯೋಗ ಮೇಳನ್ ಉದಿಪನ ಮಲ್ತುದ್ ಪಾತೆರಿಯೆರು. ಶ್ರೀ ಭಗವಾನ್ ನಿತ್ಯಾನಂದ ಸ್ವಾಮಿ ಮಂದಿರ ಮಠದ ಕಾರ್ಯದರ್ಶಿ ಈಶ್ವರ್ ಶೆಟ್ಟಿ ಚಿಟ್ಪಾಡಿ, ಕರಾವಳಿ ಯೂತ್ ಕ್ಲಬ್ ಕಾರ್ಯದರ್ಶಿ ಸಂದೇಶ್ ಶೆಟ್ಟಿ, ರಾಷ್ಟ್ರೀಯ ಪದವಿ ಪೂರ್ವ ವಿದ್ಯಾರ್ಥಿಲೆನ ಪೋಷಕರ ಬೊಕ್ಕ ಶಿಕ್ಷಕರ ಸಂಘದ ಸ್ಥಾಪಕ ಮಿಥೇಶ್ ಕುಮಾರ್ ಮೂಡುಕೋಣಾಜೆ ಉಪಸ್ಥಿತರಿತ್ತೆರು.

ಈ ಉದ್ಯೋಗ ಮೇಳ ಪ್ರತಿಭಾವಂತ ವಿದ್ಯಾರ್ಥಿಲೆನ ಜೀವನೊಗ್ ಜೀವ ಕೊರ್ತುಂಡ್ ವಿದ್ಯಾರ್ಥಿಲೆನ ದುಂಬುದ ಭವಿಷ್ಯ ಉಜ್ವಲ ಆವರೆಗ್ ವೇದಿಕೆಯಾತುಂಡ್.