ತುಳುನಾಡೊರ್ಮೆ ಬಾರೀ ಬರ್ಸೊಡಾದ್ ಬತ್ತಿನ ಬೊಲ್ಲದ ಪರಿಸ್ಥಿತಿ ನಿರ್ವಹಣೆಗ್ ತುರ್ತು ಕಾರ್ಯಾಚರಣೆ ಬೊಕ್ಕ ಪ್ರವಾಹ ಪೀಡಿತ ಪ್ರದೇಶಲೆನ ಸಂತ್ರಸ್ತರೆಗ್ ಸೂಕ್ತ ವ್ಯವಸ್ಥೆ ಮಲ್ಪರೆಗ್ ತಯಾರಾದುಪ್ಪರೆಗ್ ಅಧಿಕಾರಿಲೆಗ್ ಶಾಸಕೆರಾಯಿನ ಯಶ್ ಪಾಲ್ ಸುವರ್ಣ ಸೂಚನೆ ಕೊರ್ತೆರ್.
ವಿಧಾನ ಸಭಾ ಅಧಿವೇಶನಡ್ ಉಡುಪಿ ಮೆಡಿಕಲ್ ಕಾಲೇಜು, ಮಹಿಳಾ ಬೊಕ್ಕ ಜೋಕ್ಲೆನ ಆಸ್ಪತ್ರೆದ ಬಗ್ಗೆ ಸದನೊಡ್ ಚುಕ್ಕಿ ಪ್ರಶ್ನೆಗ್ ಪೊರ್ತು ನಿಗದಿಯಾದಿತ್ತುದ್ ಅಂಚೆನೇ ಎಲ್ಲೆ ರಾಜ್ಯ ಬಜೆಟ್ ಮಂಡನೆ ಹಿನ್ನೆಲೆಡ್ ಬೆಂಗಳೂರುಡುಪ್ಪುನ ಕಾರಣ ಜಿಲ್ಲಾಡಳಿತ ಬೊಕ್ಕ ಉಡುಪಿ & ಬ್ರಹ್ಮಾವರ ತಹಶೀಲ್ದಾರ್ &
ಇಲಾಖೆದ ಅಧಿಕಾರಿಲೆನೊಟ್ಟುಗ್ ಸಂಪರ್ಕೊಡುಲ್ಲೆ ಪಂಡುದ್ ತೆರಿಪಾದೆರ್.
ಉಡುಪಿ ವಿಧಾನ ಸಭಾ ಕ್ಷೇತ್ರ ವ್ಯಾಪ್ತಿಡುಪ್ಪುನ ನಗರ ಸಭೆ, ಕಂದಾಯ ಇಲಾಖೆ, ಮೆಸ್ಕಾಂ, ಅರಣ್ಯ, ಗ್ರಾಮ ಪಂಚಾಯತ್, ಅಗ್ನಶಾಮಕ ದಳ, ಆರೋಗ್ಯ, ಮೀನುಗಾರಿಕೆ ಇಲಾಖೆ ಬೊಕ್ಕ ಸಂಬಂಧಪಟ್ಟಿನ ಇಲಾಖೆದ ಅಧಿಕಾರಿಲು ತಮ್ಮ ಕೇಂದ್ರ ಸ್ಥಾನೊಡಿತ್ತುದ್ ಜನಕ್ಲೆಗ್ ತುರ್ತಾದ್ ಸ್ಪಂದಿಸಾವರೆಗ್ ಶಾಸಕೆರು ತೆರಿಪಾದೆರ್.
ಮೀನುಗಾರೆರು ತುರ್ತು ಪರಿಸ್ಥಿತಿಡ್ ದೋಣಿಲೆನ್ ರಕ್ಷಣಾ ಕಾರ್ಯಾಚರಣೆಗ್ ಒದಗಿಸಾವುನ ಮೂಲಕ ಜಿಲ್ಲಾಡಳಿತಗ್ ಸಹಕಾರ ಕೊರೊಡ್ ಪಂಡುದ್ ಮನವಿ ಮಲ್ದೆರ್.
by 