ಪೊಣ್ಣು ಪೊಣ್ಣು ಪೊಣ್ಣು

ಪೊಣ್ಣನ ಬಗ್ಗೆ ವಿವರಣೆ ಮಲ್ಪರೆಗ್ ಪದಕುಲೇ ಸಿಕ್ಕುಜಿ. ಇನಿ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಚಾದ್ ಒಂಜಾತ್ ಎನ್ನ ಅನುಭವ ಪಟ್ಟೊನರೆಗ್ ಮಲ್ಲ ಆಸೆ. ಮಾತಾ ಪೊಂಜೊವುನಕ್ಲೆಗ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆದ ಶುಭಾಶಯ. ಇಂಚಪ್ಪೊದ ದಿನಕ್ಲೆಡ್ ಮಹಿಳಾ ದಿನಾಚರಣೆದ ಆಚರಣೆಗ್ ತುಂಬಾ ಮಹತ್ವ ಕೊರೊಂದುಲ್ಲೆರ್. ಪ್ರಕೃತಿಡ್ ಪೊಣ್ಣನ ಸೃಷ್ಟಿಯೇ ವಿಸ್ಮಯ ರೀತಿ. ಪೊಣ್ಣನ್ ದೇವತೆ ಪಂಡುದು ಪರಿಗಣನೆ ಮಲ್ಪುವೆರ್. ಅಂಚಾದ್ ಎನ್ನ ದೃಷ್ಟಿಡ್ “ಮಹಿಳಾ ಸಾಧಕಿ” ಪನ್ಪಿನವ್ ಅರ್ಥಹೀನ ಬಿರುದು.
ಗಂಡು ಹೆಣ್ಣು ಒಂಜೇ ನಾಣ್ಯದ ರಡ್ಡ್ ಮೋನೆ ಇತ್ತಿಲೆಕ್ಕ. ಆಂಡ ಪೊಣ್ಣು ಸಂಭ್ರಮದ ಗಣಿ. ತನ್ನ ಸುತ್ತ ಉಪ್ಪುನ ಪ್ರತಿಯೊಂಜಿ ಕ್ಷಣಲಾ ತನ್ನ ಕ್ಷಣ ಪಂಡುದು ಸಂಭ್ರಮಿಸಾದ್ ಆನುಲೆಡ್ದ್ ವಿಭಿನ್ನತೆ ಉಪ್ಪುವೊಲು. ಈ ಸೃಷ್ಟಿಡ್ ಪೊಣ್ಣು 5 ಕೆಲಸೊನ್ ಏಕಕಾಲಡ್ ಮಲ್ಪುನ ಸಾಮರ್ಥ್ಯ ಇಪ್ಪುನಾಲ್. ಅಲೆನ ಸಾಮರ್ಥ್ಯದ ಬಲೊಟ್ ಮಾತಾ ಕೆಲಸೊನ್ ಮಲ್ಪುವೊಲು.
ಪೊಣ್ಣಗ್ ಆನ್ ಪ್ರತಿಸ್ಪರ್ಧಿ ಅತ್ತ್ ಬದಲಾದ್ ಪೊಣ್ಣಗ್ ಪೊಣ್ಣೇ ಪ್ರತಿಸ್ಪರ್ಧಿ. . ಆನುಲೆಗುಲಾ ಪೊಣ್ಣುಲೆಗುಲಾ ಸಂಸ್ಕಾರನ್ ಕೊರ್ಪಿನಾಲ್ ಅಪ್ಪೆನ ರೂಪೊಡ್ ಪೊಣ್ಣೇ. ಅಂಚಾದ್ ಒಂತೆ ಮಟ್ಟುಡ್ ಮಹಿಳೆಗ್ ಆನುಲೆಡ್ದ್ ಶೋಷಣೆ ಆಂಡ ಆ ಆನುಲೆನ ಅಪ್ಪೆ ಸರಿಯಾಯಿನ ಸಂಸ್ಕಾರ ಕೊರ್ಪಿನೇಟ್ ವೈಫಲ್ಯ ಆಪೊಲ್ . ಅಂಚಾದ್ ಬದಲಾವಣೆ ನಮಡ್ದೇ ಶುರು ಆವೊಡ್. ಬಲೇ ನಮ ಸುರುಕ್ ನಮನ್ ನಮನೇ ಗಟ್ಟಿ ಮಲ್ತೊಂಬಿನ‌ ನಿಟ್ಟುಡ್ ಹೋರಾಟ ಮಲ್ಪುಗ. ನಮ್ಮ ಜೋಕುಲೆಗ್ ಎಡ್ಡೆ ಸಂಸ್ಕಾರ ಕೊರ್ಪಿನೇಟ್ ಯಶಸ್ವಿ ಆಂಡ ದುಂಬುದ ಪೀಳಿಗೆಡ್ ಎಡ್ಡೆ ಸಮಾಜ ನಿರ್ಮಾಣ ಆಪುಂಡ್. ಉಂದುವೇ ಪೊಂಜೊವುನಕ್ಲೆನ ನಿಜವಾಯಿನ ಸಾಧನೆ ಪಂಡುದ್ ಎನ್ನ ಅಭಿಪ್ರಾಯ.

ವಿದ್ಯಾ ಸರಸ್ವತಿ, ರೂಪದರ್ಶಿ ,ಉಡುಪಿ