ಸ್ತ್ರೀ ಪಂಡ ಯಾವಾ?

ಪೊಣ್ಣು ಪಂಡ……!
ಆಕಾಶದ ನೀಲಿಡ್
ಚಂದ್ರ ತಾರೆ ತೊಟ್ಟಿಲುಡ್
ಬೊಲ್ಪು ದೀದ್ ತೂಂಕಿನಾಲ್……
ನಿಕ್ಕ್ ಬೇತೆ ಪುದರು ಬೋಡಾ
ಪೊಣ್ಣು ಪಂಡ ಆತೇ ಯಾವಾ…
ಡಾ.ಜಿ.ಎಸ್.ಶಿವರುದ್ರಪ್ಪ ಮೆರೆನ ಈ ಪದೊನ್ ಮನನ ಮಲ್ತೊಂದ್ ಮಹಿಳಾ ದಿನಾಚರಣೆದ ದಿನತ್ತಾನಿ ನಮ ಆತ್ಮವಿಮರ್ಶೆ ಮಲ್ತೊನೊಡ್.ಸಮಾನತೆದ ಹೋರಾಟದ ಭರೊಟ್ ತನ್ನತನೊನ್ ಮದತುದ್ ಬದುಕುನ ಬದಲು ತನ್ನಲೆಕ್ಕ ತಾನು ಬದುಕುನ ಸ್ವಾಭಿಮಾನೊನ್ ಮೈಗೂಡಿಸಾವೊಡ್ .ಭಾರತೀಯ ಸಂಸ್ಕೃತಿಡ್ ನಮ ಅತ್ಮ ಸ್ವರೂಪೊನ್ ತೂವೊಡೇ ಅತ್ತಾವಂದೆ ಸ್ತ್ರೀಪುರುಷ ಪನ್ಪಿನವ್ ಅತ್ತ್..ನಮ್ಮ ಮಾತಾ ನಿದರ್ಶನೊಲ್‌ ಪನ್ಪಿನಿ ದಾದ ಪಂಡ ಆತ್ಮ ತತ್ವಗ್ ಲಿಂಗಬೇಧ ಪನ್ಪಿನವ್ ಇಜ್ಜಿ ಮೂಲತಃ ನಮ ಮಾತಾ ಚಿತ್ ಚೈತನ್ಯ ಸ್ವರೂಪಿಲು,ಪರಮಾತ್ಮನ ಅಂಶೊಲ್ ಪಂಡುದ್ ನಂಬಿನಕುಲು.ದೇಹ-ಮನಸ್ಸುಲೆಡ್ ಒಂಜಾತ್ ವ್ಯತ್ಯಾಸೊಲ್ ಬರ್ಪುಂಡ್.ಉಂದು ಪ್ರಕೃತಿ ನಿರ್ಮಾಣ ಮಲ್ದಿನ ವೈಶಿಷ್ಟ್ಯ ಆತೇ.

ನಮ್ಮ ಕುಟುಂಬ ಸದಸ್ಯರೆನ ಸೇವೆ ಮಲ್ಪುವಾ ಪ್ರೀತಿ ಮಲ್ಪುವಾ ,ಮಾತೆರೆನ್ ತೂವೊನುವಾ.ಅಂಚಿನ ಮಾತೃ ಸ್ವರೂಪ ಇಪ್ಪುನ್ ಪೊಣ್ಣಗ್ ಮಾತ್ರ.ಉಂದು ನಮ್ಮ ಶಕ್ತಿಯೇ ಅತ್ತಾವಂದೆ ದೌರ್ಬಲ್ಯ ಅತ್ತ್ .ಮಾತೃಶಕ್ತಿದ ಪ್ರಕಟ ಮಹಿಳೆಯರೆಡೇ ಆಪುಂಡ್..ಅವ್ ನಿಜವಾದುಲಾ ಕರ್ತೃತ್ವ ಶಕ್ತಿಲಾ ಅಂದ್. ಅಲೆನ ದೇಹ,ಅಲೆನ ಮನಸ್ಸು,ಅಲೆನ ದೃಷ್ಟಿಕೋನ ಅಯಿಕ್ ಪೂರಕವಾದುಪ್ಪುಂಡ್.ನಮ ಕಡಿಮೆ, ಕುಡೊರಿ ಜಾಸ್ತಿ ಪಂಡುದ್ ಎನ್ನುಂಡ ಮಾತ್ರ ನಮ‌ ಅಕ್ಲೆನ್ ಅನುಕರಣೆ ಮಲ್ಪರೆಗ್ ಶುರು ಮಲ್ಪುವಾ ಭೋಗ ಜೀವನದ ಸಂಸ್ಕೃತಿದ ಆಕರ್ಷಣೆಗ್ ಬಲಿಯಾಯಿನಪಗ
ದಾದಾಪುಂಡ್, ನಮ್ಮ ಸಬ್ಯ ಸುಂದರವಾಯಿನ ಸಂಸ್ಕೃತಿ,ಕೌಟುಂಬಿಕ ಪದ್ಧತಿ,ಪಾರಿವಾರಿಕ ಸಂಬಂಧೊಲು -ಮೌಲ್ಯೊಲ್ ,collective feel ಉಂದು ಮಾತಾ ನಾಶ ಆಪುಂಡ್.

The best thermometer to the progress of a nation is the treatment of its women -ಪಂಡ ಒಂಜಿ ದೇಶದ ಪ್ರಗತಿದ ಸಂಕೇತ ಒವ್ವ್ ಪಂಡ ಆ ದೇಶ ತನ್ನ ದೇಶದ ಪೊಣ್ಣು ಜೋಕುಲೆನ್ ಒವ್ವ್ ರೀತಿ ತೂವೊಂಬುಂಡ್ ಪಂಡುದು” ಸ್ವಾಮಿ ವಿವೇಕಾನಂದೆರು ಪಂತೆರ್. ಪೊಂಜೊವುನಕ್ಲೆಗ್ ಭಾರತೊಡ್ ಕೊರ್ತಿನ ಸ್ಥಾನಮಾನ ಎಂಚ ಇತ್ತುಂಡ್ “ಯತ್ರ ನಾರ್ಯಸ್ತು ಪೂಜ್ಯಂತೆ ರಮಂತೆ ತತ್ರ ದೇವತಾಹ” ಒಲ್ಪ ಪೊಂಜೊವುನಕಲೆಗ್ ಪೂಜ್ಯನೀಯ ಜಾಗ ತಿಕ್ಕುಂಡ ಅಲ್ಪ ದೇವತೆಲು ಇಪ್ಪುವೆರ್ ಪಂಡುದು ಈ ಶ್ಲೋಕದ ಅರ್ಥ. ಅಂಚಾದ್ ಪೊಂಜೊವುನಕ್ಲೆನ್ ದೇವತೆಲೆನ ಜಾಗೆಡ್‌ ತೂಪಿನ ಸಂಸ್ಕೃತಿ ಅವ್ ಭಾರತೀಯ ಸಂಸ್ಕೃತಿ.

ಸ್ತ್ರೀ ಪಂಡ,….ಸ್ವಭಾವಡ್ ಸೀತೆ,ದ್ರೌಪದಿ,ಮಂಡೋದರಿ,ತಾರೆ,ಅಹಲ್ಯೆ.ಶೌರ್ಯಡ್ ಒನಕೆ ಒಬವ್ವ,ಝಾನ್ಸರಾಣಿ,ಅಬ್ಬಕ್ಕ,ರಾಣಿ ಚೆನ್ನಮ್ಮ .ಸಾಧನೆಗ್ ಸಾಲು ಮರದ ತಿಮ್ಮಕ್ಕ, ತುಳಸಿ ಗೌಡ ,ಸುಧಾಮೂರ್ತಿ,ಪಿ ವಿ ಸಿಂಧು,ಹಿಮಾ ದಾಸ್,ಮೇರಿಕೋಮ್,ಕಲ್ಪನಾ ಚಾವ್ಲ.
ತನ್ನ ಮಾತೃತ್ವ, ಕರ್ತೃತ್ವ ಬೊಕ್ಕ ನೇತೃತ್ವ ಗುಣಕುಲೆಡ್ ಕಲ್ಪನೆಗುಲಾ ನಿಲುಕಂದಿನ ವ್ಯಕ್ತಿತ್ವ ಉಪ್ಪುನ ಅಲೆನ್ ಸ್ತ್ರೀ ಪಂಡ ಯಾವಾ.?

ಮಾತೆರುಗುಲಾ ಮಹಿಳಾ ದಿನಾಚರಣೆದ ಶುಭಾಶಯಲು.