ಮಾದಕ ವಸ್ತು ಸೇವನೆಡಾದ್ ನರಮಾನಿ ಜೀವೊಗ್ ಬರ್ಪಿನ ಕ್ಯಾನ್ಸರ್ ಸೀಕ್ ದ ಬಗ್ಗೆ ಡಾ.ಸೌಜನ್ಯ ಶೆಟ್ಟಿ ಮಾಹಿತಿ ಕೊರಿಯೆರ್.

ತಂಬಾಕು, ಗಾಂಜಾ, ಮಾದಕ ವಸ್ತು ಸೇವನೆಡ್ದ್ ನರಮಾನಿಗ್ ಬರ್ಪಿನ ಸೀಕ್ , ಮಾದಕ ವಸ್ತು ಸೇವನೆಡ್ದ್ ಆಪಿನ ಬೇತೆ ಬೇತೆ ರೀತಿದ ಕ್ಯಾನ್ಸರ್ ರೋಗ ಬರ್ಪುಂಡ್. ಉಂದೆಟ್ಟಾದ್ ಕುಟುಂಬದ ಮಿತ್ತ್ ಆಪಿನ ದುಷ್ಪರಿಣಾಮದ ಬಗ್ಗೆ ಡಾ.ಸೌಜನ್ಯ ಶೆಟ್ಟಿ ಮಾಹಿತಿ ಕೊರಿಯೆರ್.
ಆರು ಸರಕಾರಿ ಪದವಿಪೂರ್ವ ಕಾಲೇಜ್ ಪ್ರೌಢಶಾಲಾ ವಿಭಾಗ ತೆಂಕನಿಡಿಯೂರು ಮುಲ್ಪ ನಡತಿನ ಸ್ವಾಸ್ಥ ಸಂಕಲ್ಪ ಕಾರ್ಯಕ್ರಮದ ಸಮಾರಂಭೊಡ್ ಸಂಪನ್ಮೂಲ ವ್ಯಕ್ತಿಯಾದ್ ಪಾತೆರಿಯೆರ್. ಧ.ಗ್ರಾ.ಯೋ.ಬಿ.ಸಿ.ಟ್ರಸ್ಟ್ ಉಡುಪಿ ತಾಲೂಕು ಬೊಕ್ಕ ಜನಜಾಗ್ರತಿ ವೇದಿಕೆದ ವತಿಡ್ದ್ ನಡತಿನ ವಿಶ್ವ ಮಾದಕ ವಸ್ತು ವಿರೋಧಿ ದಿನತ್ತ ಅಂಗವಾದ್ ನಡತಿನ ಈ ಕಾರ್ಯಕ್ರಮೊನ್ ಜಿಲ್ಲಾ ಜನಜಾಗೃತಿ ವೇದಿಕೆದ ಅಧ್ಯಕ್ಷೆರಾಯಿನ ನವೀನ್ ಅಮೀನ್ ಉದಿಪನ ಮಲ್ತೆರ್.ಶಾಲೆದ ಮುಖ್ಯಸ್ತಯೆರಾಯಿನ ಸುಚೇತಾ ಮೇರ್ ಕಜ್ಜೊದ ಅಧ್ಯಕ್ಷತೆಡಿತ್ತೆರ್.ಮಲ್ಲ ಬಿನ್ನೆರಾದ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವ್ರದ್ಧಿ ಯೋಜನೆದ ನಿರ್ದೇಶಕೆರಾಯಿನ ಶಿವರಾಯ ಪ್ರಭು,ಯೋಜನಾಧಿಕಾರಿ ರಾಮ ಎಮ್,ಜನಜಾಗೃತಿ ವೇದಿಕೆದ ಮಲ್ಪೆ ವಲಯಾಧ್ಯಕ್ಷೆರಾಯಿನ ಪ್ರಶಾಂತ್ ಕೆ. ಸಾಲಿಯಾನ್, ಧ.ಗ್ರಾ.ಯೋ.ಮಲ್ಪೆ ವಲಯಾಧ್ಯಕ್ಷೆರಾಯಿನ ಆಶಾಲತಾ ಉಪಸ್ಥಿತರಿತ್ತೆರ್.ಮಲ್ಪೆ ವಲಯದ ಮೇಲ್ವಿಚಾರಕೆರಾಯಿನ ಮೂಕಾಂಬಿಕಾ ಕಾರ್ಯಕ್ರಮದ ನಿರ್ವಹಣೆ ಮಲ್ತೆರ್.ಸೇವಾಪ್ರತಿನಿಧಿ ಪೂರ್ಣಿಮಾ ಸ್ವಾಗತ ಮಲ್ತೆರ್.ಒಕ್ಕೂಟದ ಪದಾಧಿಕಾರಿ ಉಮಾ,ಶಾಲೆದ ಅಧ್ಯಾಪಕೆರ್ ಉಪಸ್ಥಿತರಿತ್ತೆರ್.