ಉಡುಪಿದ ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊ ಸೈಟಿದ ವಾರ್ಷಿಕ ಸಾಮಾನ್ಯಸಭೆ ಸೆಪ್ಟೆಂಬರ್ 15 ತಾರೀಕುಗ್ ಅಜ್ಜರಕಾಡುದ ಟೌನ್ ಹಾಲ್ ಡ್ ಅಧ್ಯಕ್ಷೆರಾಯಿನ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಮೆರೆನ ಗುರ್ಕಾರ್ಮೆಡ್ ನಡತುಂಡ್.
ಸಂಘದ ಪ್ರಧಾನ ವ್ಯವಸ್ಥಾಪಕೆರಾಯಿನ ರಾಜೇಶ್ ವಿ. ಶೇರಿಗಾರ್ ಮೇರ್ ವರ್ಷದ ವರದಿ, ಲೆಕ್ಕಪತ್ರಲೆನ್ ಮಂಡಿಸಾಯೆರ್. ವರದಿ ಸಾಲುದ ಅಂತ್ಯೊಗ್ ಸಂಘ ಒಟ್ಟು 18,309 ಸದಸ್ಯೆರೆಡ್ದ್ ರೂ. 4.77 ಕೋಟಿ ಪಾಲು ಬಂಡವಾಳ ಬೊಕ್ಕ ರೂ. 509.55 ಕೋಟಿ ಠೇವಣಿ ಇತ್ತುದ್, ರೂ. 402.12 ಕೋಟಿ ಪಿದಾಯಿದ ಬಾಕಿ ಸಾಲ ಉಂಡು. ಸಂಘ 2023-24 ನೇ ಸಾಲುಡ್ ಸರಿಸುಮಾರು ರೂ. 2,500 ಕೋಟಿಗುಲಾ ಮೀರ್ದ್ ವರ್ಷದ ವಹಿವಾಟು ಮಲ್ದುಂಡ್. ವರದಿ ಸಾಲುಡ್ ಸಂಘಗ್ ರೂ. 15.23ಕೋಟಿ ನಿವ್ವಳ ಲಾಭ ಆದಿತ್ತುದ್, ಸಂಘದ ಸದಸ್ಯೆರೆಗ್ ಶೇ. 15% ಡಿವಿಡೆಂಡ್ ಘೋಷಣೆ ಮಲ್ದುಂಡ್. ಸಮಾಜಮುಖಿ ಕಜ್ಜೊದ ಅಂಗವಾದ್ ನಗರಸಭೆ ವ್ಯಾಪ್ತಿದ 24 ಜನ ಪೌರಕಾರ್ಮಿಕೆರೆಗ್ ಮಾನಾದಿಗೆ ನಡತುಂಡ್.
ಈ ಪೊರ್ತುಡ್ ವೇದಿಕೆಡ್ ಸಂಘದ ಉಪಾಧ್ಯಕ್ಷೆರಾಯಿನ ಜಾರ್ಜ್ ಸಾಮ್ಯುವೆಲ್, ಆಡಳಿತ ಮಂಡಳಿದ ಸದಸ್ಯೆರಾಯಿನ ಸಂಜೀವ ಕಾಂಚಾನ್, ಎಲ್. ಉಮಾನಾಥ, ಪುರುಷೋತ್ತಮ ಪಿ. ಶೆಟ್ಟಿ, ಹಾಜಿ ಸಯ್ಯದ್ ಅಬ್ದುಲ್ ರಜಾಕ್, ವಿನಯ ಕುಮಾರ್ ಟಿ. ಎ., ಪದ್ಮನಾಭ ಕೆ. ನಾಯಕ್, ಸದಾಶಿವ ನಾಯ್ಕ್, ಮನೋಹರ್ ಎಸ್. ಶೆಟ್ಟಿ, ಸಾಧು ಸಾಲ್ಯಾನ್, ಜಯಾ ಶೆಟ್ಟಿ, ಗಾಯತ್ರಿ ಎಸ್. ಭಟ್ ಉಪಸ್ಥಿತರಿತ್ತೆರ್. ಮಲ್ಪೆ ಶಾಖಾ ವ್ಯವಸ್ಥಾಪಕೆರಾಯಿನ ನವೀನ್ ಕೆ. ಸನ್ಮಾನ ಕಾರ್ಯಕ್ರಮ ನಿರೂಪಣೆ ಮಲ್ತೆರ್. ಸಂಘದ ಸಹಾಯಕ ಪ್ರಧಾನ ವ್ಯವಸ್ಥಾಪಕೆರಾಯಿನ ಪ್ರವೀಣ್ ಕುಮಾರ್ ಸೊಲ್ಮೆ ಸಂದಾಯ್ತ ಮಲ್ತೆರ್.
by 